Galattiya 1:7 - NEAJEEDA EESH BEA BUUNEESSEAN

⁷ mii gideaba gwanda giijasta miy nuut gil, iiduw gwanda fuga mwaatkwa adeawiideegwa nea gagasa ghoaschoorda giijasta miy bea Gristo.

Bibliyeeda Ghaydit

⁷ mii gideaba gwanda giijasta miy nuut gil, iidu gwanda fuga mwaatkwa adeawiideegwa nea gagasa ghoaschoarda giijasta miy bea Gristo.

Galattiya 1:7 Referans Kwoze

Gadiyeeda Giijasoodiga 15:24

Geeyiinyi gideaba gwanda fiisu ng'ay leabu ng'eang'deanya ak ghamwanmwaneagwa aba ng'asheega nyaawa, nea ghwanung' ea moapta ng'eanyi fughareengeagwa, nea ng'asheesu sin fiisuun ea meattawi aseasa,

Galattiya 5:10

Aniini ghaaghuschi Ng'uttamiida ea gideaba mwajayamwana mwajadaakta ng'asheega gidadaakti aniini; nea siida adeawiideegwa agooga gayghwanyas girgweaksiindaannyi, siida wassean.

2 Goriinto 11:13

Aba gideaba fuga uurji suu giijasoodiga ng'uyyeega, nea iissa gwasin gadiyeeda aba rengaweega, fuga iissa ghwayamgeat ak gwasin geat giijasoodiga Gristo.

Galattiya 5:12

Aniini gideaballi fukka nung' ea mooppidi ng'eanyiin ghwalajaada geat!

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahhiida ng'asheanda Aseetta; gagasa ewuurjeewana fuga mideawa doobiiwnatta, was fuga adaw Aseetta gadiyeeda, aba madeeda Aseetta iissa geebaloolli appadayda Gristo.

Giidaheechta 20:3

ak gwajaksa niny jeeda shoomanda, hean gwadukuta ak ghwayiin giroraneeda badaydaannyi, aba gideaba maygabiikta gichcha gwareengani emoojiga, ea ghang'atta gweannyeew sagalama. Amang'atta hiji gajeettin gilinuwaas.

2 Yohaana 1:10

Siida ihidu heedeang'wa nea meanna ginealshooni, abeeda ea adideapti aba gheang'u nea adiigeachcheewi;

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 13:14

nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.

Giidaheechta 2:6

Ak gindeawi ng'asheanji gideaba gisti gadiyoojiga fuga Nikolayi, ak eara aniini ghaasichi.

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

Yuuda 1:4

Aba gideaba gheatta ninyas fuga mwaatkwa gaseadayyi aba makcheameeda ghang'eada garayi ak geegwalu aba girgweaksiinda, fuga maba aseetta hutteawi dagheerjeandumeeda Aseetteanya ak ghoabuutta jeeda hiseadayeandumeeda nea ghwashaang' Siideanya haw assakkalealla was Ng'uttamiida, Yeesu Gristo.

2 Yohaana 1:7

Aba gideaba nirinna badayda ng'eanyiida fuga saang'a bea ng'uyyeega, gea mwamwasa gideaba Yeesu Gristo ghwahittayda siida; anni ea diitta bea ng'uyyeegeani, ak ea dea mwamwasa Gristo gil.

1 Yohaana 2:26

Geang'oorneegwa ng'asheesu appadayda fukka gasa gwareenganneegwea;

2 Dimoteo 2:18

Nea saawa ea ninung'waada naweeta bea humeandean nea geebaloola gideaba duunooda goolla ghwahidu, ea ghwayam masaweega buuneeda mwaatkwa.

Galattiya 6:17

Gidang'eada ghamneawa adagoodeawiidan sii; aba gideaba aniini geandeawi girooraneeda Yeesu aba saseedeanyu.

Galattiya 4:17

Fiisu gagasseegwa, ak ea magasseewaneegwa naweeda miy, saawa gagasa gwajapseegwa jarooda, ak abeeda agooga googasayi saawa.

Galattiya 2:4

Iiduw appadayda oorjoogiyya bea ng'uyyeega siyeanna makcheameeda, ahuudaan ak ghamwaal giibaldeanya bea geat aba jeeda Gristo Yeesu, ak gagasa ghwaadeasa jeeda soomjeandumeeda,

2 Goriinto 4:2

Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

Gadiyeeda Giijasoodiga 20:30

nea aba jeedeang'wa agooga gaygwarinna fuga jea gwargu ng'asheega ng'ooweatta, jea ghwanung' ghwaat ginealanga geeshta nyaawa.

Gadiyeeda Giijasoodiga 13:10

“Ang'iing'i guwosi balleanda meang'nyeandeenda, ak guwosi weajoochcheanda haleanjeesean doobiiweadi, ak gaba ng'uyya muuchchi ea munyinda, ak ea minung'waadani eara hutteayda naweadinga doobiiweadi bea Ng'utamiida?

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

Galattiya 1:6

Aniini nihamwan ng'eanyi aba gidoobay anung'usiinda heeda dea ghayi guurneegwa aba jeeda dagheerjeandumeeda Gristo ak gooyamsi geat giijasta miy nuut,