Galattiya 1:4 - NEAJEEDA EESH BEA BUUNEESSEAN

⁴ nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Bibliyeeda Ghaydit

⁴ nea gabeagu geaw aba riing'eegaasa ak gwalealnaneasa aba jeeda seaygeani bea ghamneawa munyasiin, gawuurji gidagasiida ASEETA was Ghweanda;

Galattiya 1:4 Referans Kwoze

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Ruumi 4:25

ak geenuus aba gidiinyeannyeakkaasa ak gooduudu ak geenyaschi doobiiwnatta.

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

1 Betro 2:24

Niny ghwasar ring'eagaasa aba saseadaannyi aba uhuuda geetta, ak abeeda geemeewayi aba ring'eeda, ak geewoschi majeekcheewi aba doabiiwnatta, aba deanneaduutkaaschi ea siihabeasa.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

1 Dimotteo 2:6

nini gabeagu eaweegaaschi nea gabwageaw ak ghoaw siida jea goottin buuneessean, ak gajeemuuwwu aba damandaanyi.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

1 Desaloniikke 3:13

ak gomajeek guroruunatkeagwa ea meyeatteeweegwa ghuusi aba ghaydidanda aba madeeda Aseetteanya was Ghweanda, aba damanda jea ghwahinna Ng'uttamiideanya was Yeesu sea fugaaschi sean ghaydidi.

Ruumi 12:2

Adiiduw gommaseawji giduurji ng'eanyiida, geaghus ghanyi eayameagwa ak geanung' ahuuwa fuga eashish aba fughareengeagwa, ak abeeda ghoanalli muuchchi gidabwariiy Aseetta was ng'asheega miyaas, sumwas biissa ea majeekcheewi.

Filippi 4:20

Asi eakghambiida Aseetta was Ghweandeanya, ea ghoaw damanda manda mudeanooda. Amin.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

Giidaheechta 5:9

hean gwasarman sarmeedeesh, nea gwayi, “Gammiiseey ang'iing'i geannooda gittaabu ak giittin giiroorangaaschi, aba gideaba ghayi gealach ghaattaang'u nea aba foojandaang'u giidaydi leadeeda buuneeda aba heeda Aseetta aba giliwas eamwa ea iitta ea buuneeda ea ng'eanyiida,

1 Yohaana 3:16

Aba nii sinalli bariinyeega, aba gideaba niny gabeagu eaweagaaschi appadahuukkaasa; asi gammiiseasa earaseasa eebeakna eaweagaasa appadahuukka oorjoogiyya.

1 Yohaana 2:2

nea niny ea siida jea ghoadayda leadeeda riing'eagaasa, ak ea meakghusa gaasa akghwahit eara riing'eega muunda ng'eanyiissean.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

Yakkobo 4:4

Fuga mii doobiiweadi! Moanali gideaba idupcheewi geaw ng'eanyiida ea nihuuwi weajoochcheanda Aseetta? Asi siida wassean gasa goduupchi geaw ng'eanyiida abeeda ea nisin geaw weajoochcheanda Aseetta

Ebraniya 6:5

ak ea nisamu aloheeda ng'asheanda Aseetta ea dea uurda gweannyeekka jea ghwahidu,

2 Desaloniikke 2:16

Nea abeeda Ng'uttamiideanya was Yeesu Gristo niny, ea Aseetta was Ghweandeanya, ghayi bwariinyeasa ak gageandeawaneasa salgheang'da ea ghoaw eaweega mammuudeana ea gidamiy sirarji aba jeeda dagheerjeandumeeda,

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

Mattayo 26:28

Aba gideaba suu foojeandeanyu bea neajeeda gil, ak geahiida appadahuukka fuga saang'a aba geandeayda ring'eeda.

Ebraniya 9:14

abeeda gayghwaranyattaan muuchchi foojeanda Gristo, dea aba Gurorooda manda mudeanooda ghoadaw geaw Aseetta nea meerukunana badaydaannyi gidamuy, gayghoammiidu fughareengeagwa aba gadiyoojiga nimeewa ak gagadiyeesa Aseetta majeek.

Ebraniya 2:5

Aba gideaba Aseetta moadawa malaykajeega ng'eanyiida jea ghwahidu, was dea sibalooli.

1 Desaloniikke 3:11

Asi Aseetteanya was Ghweandeanya sea Ng'uttamiideanya was Yeesu gagasa ghoadoabiiw naweedeanya ea eahinna heedeang'wa;

Efeeso 6:12

Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Efeeso 1:11

Aba niny, aba gitta gassiida ninyiin was dea ahiit haleanjeessean aba gitta gassiidean,

Galattiya 6:14

Ak aniini ea adaghwarji geaw aba gidawassean geaghus gigheambiitta beehiida Ng'uttamiideanya was Yeesu Gristo, aba gideaba aba naweani bea beehiidean singoorsa ng'eanyiida heedeanyu, ak aniini singoorsean heeda ng'eanyiida.

Ruumi 8:32

Ninyeeda ghayi mabwayda eara Balleandaannyi assakkalealla, ak gagu appadahuukkaasa easasean, niny maygagoaneasa haleanjeeda miyaas sea ninyi?

Ruumi 8:3

Aba gideaba ng'asheekka meammu aba deaweedean, aba gideaba manda uurjeenga aba ng'asheega saseedean, iiduw aba gijeaknooda ajeagu Aseetta Balleandaannyi nea ghwanung' gawuurji siida mideawa ring'eeda, amaduw appadayda ring'eeda iiduw goorgweaksa ring'eeda mida saseeda;

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Yohaana 10:11

Aniini geawoschi haghweadoochcheanda miy. Haghweadoochcheanda miy iissa ghoaghaashta aweagaaschi appadayda gisilga.”

Yohaana 6:38

Aba gideaba mwararang'aanani humng'eeda doan dasin gideagasay aniini, ghaawunnyi dasin gidagasa dea ghayi ajeaknean;

Yohaana 5:30

“Aniini mwammuusi dasin gil aba gheambalmeedeanyu nea geabwageaw; aniini geargweakkiisi buuneeda aba gidayiinyi, nea girgweageedeanyu adoabiiwaat, aba gideaba meagassi dasin gideagasayi aniini geaghus dasin gidagasa siitta ghayi ajeakneaniin.

Lukka 22:42

“Bwaabwa, igidiibwariiydi gil gischoarjaan bayokcheanji; nea adaghoaw gideagassiidi, nung' ghoaw daang'u.” [

Marko 10:45

Aba gideaba Balleanda Siida ghayi mwoani egadiyeesa. Ghayi ghwaan Niny gagadiyeesa buuneeda nea ghwaan gabeagu eaweegaaschi aba gittinnooda fuga saang'a.”

Mattayo 26:42

Gabiikta deabiyyeenya ak ghamwaash Aseetta nea gwayi, ea Bwaabwa, iimay ghwasajaadawanaan bayoogi ea eeghus daleayda nung'waanda gwasa gidigassiidi ang'iing'i.”

Mattayo 6:9

Asi amwaashtunu Aseetta: Ghweandeanya mida humng'eeda, Ghaawungaagu eakghambiida.

Giidaheechta 7:9

Iing'atta ng'asheesu ghaang'weardi, ak ging'ulayi, ghaadaayi, emeeda saang'a manda siida ammu gwayiida, fuga leabu giliwas daroar ea emoojiga sean ea buuneeda ea iitta nea ghamiinaada aba madeedeaba hoorgeetta bea gheambalmeedean, ea madeeda Dayeenda Gisilleanda, nea gookkwa hang'weakka eashish, nea ghoang'ng'waay damealga milayga aba geattinga nyaawa,

Ruumi 8:27

Nea siida sikkiideawa guroruunatka buuneeda ghwanal fughareeda Gurorooda, aba gideaba Gurorooda gamusiischeesa fuga ghaydidi aba gidagassiida Aseetta.

Lukka 22:19

Ak gageanu mukkatte, ak gabadischeesa ak ghabwanachchi ak ghoadawaada saawa nea gwayeeshsha, “Nii saseedeanyu gil siittayda aba badahuukkeagwa. Ahinniidunu aba gipkeatteanyu.”

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

1 Goriinto 15:3

Aba gideaba geagonnyeegwa giijasta majeek bea huumwa ghayi sigoonan, bea gideaba Gristo ghami aba riing'eagaasa gawuurji ginnyaashta ng'ooruutka,

Efeeso 5:16

ak googadiyeatti muuchchi damani ondeawiin aba gideaba askwearjoojusu gea munyas gil.

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.