Filippi 4:9 - NEAJEEDA EESH BEA BUUNEESSEAN

⁹ Ng'asheega ghayi sinnalleagwa leabu heedeanyu ak ghoong'ng'waanyi nea ghoayinyi nea goodeaksi heedeanyu, asna suuh, ak Aseetta mideawa hoyyoo gaygoobiida heedeang'wa.

Bibliyeeda Ghaydit

⁹ Ng'asheega ghayi sinaleagwa leabu heedeanyu ak ghoang'waanyi nea ghoayiinyi nea goodeaksi heedeanyu, asina suh, ak ASEETA mideawa hoyyoo gaygoobiida heedeang'wa.

Filippi 4:9 Referans Kwoze

Yakkobo 1:22

Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

Filippi 3:17

Oorjoogiyya, oang'ng'waanya searoojigeasu, nea gorroorji fukka abiideatta gidoowuurjeewiin nea googalaneasa.

2 Betro 1:10

Asi fuga eaduupcheewi, ahoosana nea goomilmiliidayi aba guurnoodeang'wa ea gisiloattaneagwa, aba gideaba iyoosinnyi ng'asheesu ea majoappeeda;

Yohaana 13:17

Asi iyoonalli ng'asheesu abeeda ghang'wana iyoosinnyi.

Filippi 4:7

Nea hoyyooyda Aseetta, adaraam fughareenga sean, gaygafur jeesingeagwa ea fughareengeagwa aba jeeda Gristo Yeesu.

Ruumi 16:20

nea Aseetta mideawa weayda gaygabay ghwanung' adattasa Shattaani aba geeshangeagwa. Dagheerjeandumeeda Ng'uttamiideanya was Yeesu Gristo gagasa goobiida jeedeang'wa.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

Lukka 6:46

“Ghwasan anda googurewean ‘Ng'uttamiida, Ng'uttamiida,’ nea moosinni gidearukneegwa?

Mattayo 28:20

Oannaala ghoang'ng'waay ng'asheega sean eagoonnyeegwa. Ang'ulla aniini geendeayi sea agooga galeega sean ea gagul mudeanooda ng'eanyiida.”

Mattayo 7:21

“Mii giliwas sih ennisean, ‘Ng'uttamiida, Ng'uttamiida,’ jea gawa jeeda sugoochcheandumeeda humng'eeda, geaghus siida sin gidagasa Bwaabwa mida humng'eeda.

2 Desaloniikke 3:4

Amaduw earaseasa ea sughuschi Ng'uttamiida appadahuukkeagwa, nea gideaba goosinnyi ng'asheega ghayi surukuneegwa, ea gideaba gajasna ng'asheega sugoonnyeegwa aba digheanda.

1 Desaloniikke 1:6

Ak ghoahuuyi fuga adeascheeweasa geat ea geeshta Ng'uttamiida, iing'atta nea noang'ng'waannyi ng'asheanda aba sawanadeeda haw, sea hooseaneega Gurorooda Ghaydit;

1 Desaloniikke 5:23

Gagasa ghoammiidu Aseetta mideawa weayda sasanuukkeagwa sean, nea gaba geaw; ak gagasa gahamiyaasiit gamiyeasiidi guroruunatkeagwa ea jeesingeagwa ak geemmajeek nea meerukunana badayda ng'asheega munyas aba damanda hinnooda Ng'uttamiideanya was Yeesu Gristo.

Ruumi 15:33

Aseetta mideawa weayda gagasa goobiida headeang'wa oagasean. Amin.

Yohaana 2:5

Ghwalamda Gheamatta ak gwayeeshsha soomjooga, “Agooga asna gilinyoo gwargu niny.”

Lukka 8:21

Ak gwayeeshsha Yeesu saawa, “Iiyya ea oorjooga iyya gea iiy ng'asheanda Aseetta ak gwasiniini.”

1 Desaloniikke 2:14

Aba gideaba agooga, fuga eaduupcheewi, ahuuwa fuga jea godeascheweawa geat ganiisajeega Aseetta aba jeeda Gristo Yeesu mida ng'eanyiida Yudeeya; aba gideaba noanyaschi sawanadeeda uurji diitta aba heeda fuga ng'eang'deang'wa gawuurji gidasissiinda fuga Yahuudi,

1 Goriinto 10:31

Asi iyooyeagiischi ghana iyooleeshi, ghana iyoosinnyi ng'asheanda wassean, asna sean aba gigheambiitta Aseetta.

Gadiyeeda Giijasoodiga 9:6

asi ng'eada ak guwi mujiini, amiihitti gajeerukneey gichchea sina.”

2 Dimoteo 4:22

Gagasa ghwoahaaghwa guroroadaang'u Ng'uttamiida. Gagasa anyasa dagheerjeandumeeda.

1 Goriinto 14:33

Aba gideaba Aseetta mii Aseetta ang'uuttooschi fii gil, niny gaba hoyyoo. Gawuurji aba jeeda ganiisajeega sean bea fuga ghaydidi.

Yohaana 15:14

Agooga gowoschi fuga eaduupcheewi iyoosinnyi ng'asheega earukuneegwa.

1 Yohaana 3:22

ak iissa geenyaschi gidasumuschi, aba gideaba geang'ng'waanyi digheannyeekkaaschi nea geesinnyi gidabwariiy niny.

Mattayo 1:23

“Ng'ulla gaygagweayiit huda miyeasat ak gaygwaji balleanda, ak gajeeguura gheawungaaschi Imanuweeli” (nea gideaba, Aseetta sindeayeewi).

1 Goriinto 4:16

Asi geamuscheegwa, ayeanni geeshteanyu.