Filippi 4:8 - NEAJEEDA EESH BEA BUUNEESSEAN

⁸ Asi oorjoogiyya gidahuydean jea otteemsheesiina nii, ng'asheega sean was gea huumwa, ea gea mideawa mureeda, ea gea doobiiweadi, ea gea miyaasi, ea gea subwariiyi, ea dagheerjeandumeeda iimida miyinda wassean, ghana giigheambiitta miy wassean, otteemsheesiina ng'asheesu.

Bibliyeeda Ghaydit

⁸ Asi orjoogiyya gidahuuydean jea ooteemsheesiina nih, ng'asheega sean was gea huumwa, ea gea mideawa mureeda, ea gea doobiiweadi, ea gea miyaas, ea gea sibwariiy, ea dagheerjeanduumeeda iimida miyinda wassean, ghana giigheambiita miy wassean, ooteemsheesiina ng'asheesu.

Filippi 4:8 Referans Kwoze

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Ditto 2:7

Ahiimda geaw aba mureeda sean eadaa ormeeda gadiyoojiga miyaas, nea aba ginealshoodaang'u gihiimu seareeda miy, ea gideeneadayda,

2 Goriinto 8:21

nea geeshsheedi ghanyi eapkaada ng'asheega miyaas, nea mii ammadeeda Ng'uttamiida gil akghwahit, earaba madeeda buuneeda.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

1 Betro 2:12

Andeawana searoojiga miyaas aba jeeda Emoojiga, aba gideaba iisinapsa badahuukkeang'wa ng'uyyeega gideaba goosinnyi ng'asheega munyas, hean iing'ula sinaweegeagwa miyaas ghoaghaambiit Aseetta eaweeda jea ghwahinna.

Ebraniya 13:18

Amwaasha Aseetta ghawooda appadahuukkaasa, aba gideaba geesikteawi gideaba geendeawi fughareeda miy, nea geegasayi eesna haleanjeessean aba mureeda.

1 Dimotteo 4:12

Adiidu gafool sii gheareemanandumeedaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.

Efeeso 5:9

(aba gideaba haghweeega weeshinda geenyassa jeeda haleanjeessean miyaas ea doobiiwnatta ea huumwa),

Ditto 1:8

gamiisa ea siida innya jihi, ak gwandeawa bariinyeega haleanjeeda miyaas, nea goodeeneaeda geaw, ak ea doabiiwaat, nea ghaydit, nea ghoang'ng'waay geaw;

1 Yohaana 3:3

Nea giliwas sih rar niny iissa ghoammiidu geaw gawuurji gidamiyda niny.

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

Ditto 3:14

Ak eara fugaasa saawa gamiisa gideaba ghoanaal geat gibinda jeeda sinooda ng'asheega miyaas, ak gwasissin ng'asheega gasa ealamwach sinooda, ak ea mawosa gea manda haghweega.

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktumeeda, mii ng'asheega munyas gil ea hiseadayeandumeeda, mii jaliida gil ea lajoodeaba ghuut.

Yakkobo 1:27

Diineeda miy manda ririnnyeanda aba madeeda Aseetta was Ghweandean nii gil: bareassiinda bananga gil ea masiinung'weega aba jeeda sawanaduutka nyaawa, nea gufri geaw aba ng'asheega munyas bea muunda ng'eanyiida.

1 Yohaana 3:18

Diibiga manang'i, adeabwariinyi aba gadiyeeda ghana baloolda gagasa eabwariinya aba sinooda ea huumeanda.

Ditto 2:2

Fuga hees gagasa gwandeawa gheadeenda, miina gheanyanga buuneeda, mideawa fughareenga, mideawa masaweega huumwa, mideawa bariinyeega huumwa ea majeeknatta.

2 Goriinto 13:7

Iiduw geamoashchi Aseetta ea moosni ng'asheanda muy, mii gideaba geegasayi eadaheasa gideaba sismeasa gil, geegasayi asna ng'asheanda doabiiw, earappeadi suwuurjeewi aseasa fuga raay.

Golosaayi 4:5

Abeawana weaghumeeda aba madeeda fuga mwamwasa, nea googadiyeatti muuchchi damanda sugooneegwa.

1 Betro 4:8

Appadaydeaba suu seaniin asna badiida muuchchi ak ghoabwariinyi geat, aba gideaba bariinyeega gwadukta ring'eega saang'a.

Ruumi 13:3

Aba gideaba sugoodiga iissa ea mwanung' ghabeal fuga miyaas, iissa ghwanung' ghabeal fuga sina ng'asheega munyas. Asi gigasayi amiiwali fuga ahaaghwa ng'eanyiida? Sina ng'asheega miyaas, ak abeeda gay ghaghwarnyi,

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Filippi 3:1

Asi aba huydeanda, oorjooga giyeenya, ahoosana aba jeeda Ng'uttamiida. Ak geang'oorneegwa ng'asheega uurji gikka nea meapri, ak abeeda gaygwaleaneegwa.

Ruumi 2:29

Niny Yahuudajeanda gil aba gurorooda, ea ghasmeahooda huumwa leabu jeeda guroroooda, ghaydit ak ea meemmaseawa nuut. Nea dumsheesiindaannyi ea maygwaleabu heeda buuneeda gaygwaleabu heeda Aseetta.

1 Dimotteo 2:2

Amooriisiina sugoodiga ghawooda ea fuga hees sean mideawa gheambalmeeda, ak geanyaschi gibinda siippiit ng'eanyi ea hoyyooyda, ak geabwachchi Aseetta nea geepiidi naweeda miy.

1 Dimotteo 5:10

Ak easumwowuna badaydaanyi ng'asheega miyaas bea gireerda diibiga, ak ea nideapta rabasta nea niihuun gishanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

Efeeso 6:14

Asi amiinaada, nea radeadi mananunatkeagwa aba huumeanda, ak gookkwealli nea goodiinyi igeambooda ng'uchcheeda doabiiwaat aba daghanunatkeagwa,

1 Desaloniikke 4:12

ak abeeda gajanyasa mureeda aba heeda fuga emoojiga, ak ea adooghuschi buuneeda aba haleanjeeda.

Efeeso 4:25

Asi anung'waada ng'uyyeega, daba siisi abaloola gischeewochcheandaannyi humeanda, aba gideaba aseasa geewoschi fuga weechchi.

2 Goriinto 6:8

aba mureeda ea nyootta mureeda, iisismaneasa ng'asheega munyas ghana eesmaneasa ng'asheega miyaas. Ak geenung' eahuuwa fuga rengani buuneeda nea geerukku huumeanda;

Gadiyeeda Giijasoodiga 10:22

Ghwalamda ak gwayeeshsha, “Goojeakneasa shirikkarajeanda haw ambaliischi suguura Gorneliyo, was siida awali Aseetta, ak gwasissa emeeda sean bea Yahuudi mureeda, ak siisi gwayeeshsha malaykajeanda ghaydit gideaba una gheedeaba siisi, ak golleeyseey iit gidajea rukuni.”

Yohaana 7:18

Siida baloola gheambalmeadaannyi abeeda gagaseadayyi gigheambitteaba geaw, amadukku siida gasa gigheambiitta siida ghayi ajeagu gaba huumwa nea jeadaannyi ea mannda munyinda.

Lukka 2:25

Nea abeeda gwanda Yerusaleemu, siisi suguura gheawungaaschi Simon, nea siisi abeeda ea doabiiwaat, nea gabada Aseetta, nea goomuukku hawdeayda fuga Israeeli, nea gwanda badaydaannyi Gurorooda Ghaydit.

Marko 6:20

Heroode niny ghoawal gheang'da Yohaana. Aba gideaba ghwanal beadi Yohaana siida doabiwaat biissa ea ghaydit gil. Inyeessa Heroode gafur Yohaana nea ghabwariiy goleeysiit girgweageadaannyi ak iissa ghwanung' gwasawana jeadaannyi.

Lukka 16:15

Ng'atta gwayeeshsha saawa, “Agooga goohindi geat gili oowoschi miyaas aba madeeda buuneeda, nea Aseetta ghwanal guroruunatkeagwa; nea gilinyoo goodiing'u geaw aba madeeda buuneeda, gayghoanyarees Aseetta.

1 Goriinto 4:5

Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

Gadiyeeda Giijasoodiga 22:12

“Abeeda siyagi suguura Ananiya was siida doabiiwaat ang'ng'waay muuchchi deaweeda, biissa gwarukkuuna buuneessean bea Yahuudi mida hoowa ng'asheega miyaas badaydaannyi,

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

1 Dimotteo 5:2

gadeemga woosi gawuurji geamadu, gadeemga manang'i gawuurji haweega giyeang'wa aba alooheeda sean.

Lukka 23:50

Aba damandida gwanda siisi suguura Yoseefu was siida mujiineeda Yahuudi siguura Arimattaayu. Niny abeeda gaba gweargwa girgweageeda nea ng'eeni, ak gabiissa ea doabiiwaat,

1 Dimotteo 3:4

ak ea siida ammu goobal gheanyi muuchi nea ghwanung gaba diibigaaschi mureeda.

Gadiyeeda Giijasoodiga 6:3

Asi fuga eaduupcheewi, aloada fii ispwa aba jeedeaba fiisu miyaas searoojiin, mideawa Gurorooda Ghaydit, ak ea weaghoodi, ak gajeettaw gadiyeani.

Mattayo 22:16

Iiduw goojeakta giinealanga nyaawa headaannyi ea gea Heroode geannyaash nea geeyeeshsha, “Giinealshoochcheanda, Aseasa geanalli gideaba ang'iing'i guwosi siida huumwa, ak gibwadi nii giinnaali buuneeda naweeda Aseetta aba huumeanda, nea ghanyea miduuppi hawunda siida aba gideaba ming'ulli ratooda buuneeda.

Ebraniya 11:2

Appadaydeaba nii ea ninyas gweargwa ghaydidanda huumwa.

1 Dimotteo 3:11

Eara gadeemga nyaawa gamiisa ea fuga miyaas searooji gil, mii fuga nappiisa buuneeda ng'uyeega, ak gamiisa ea fuga mideawa gheadeenda gil, nea doobiiweadi aba haleanjeesean.

2 Goriinto 8:18

Hean gechcheagu niny sea orjeediyya nigeawiit iitta aba rukkwiideayda Giijasta miy aba jeesinga ganiisajeega seaniin;

2 Betro 3:1

Nii ghamneawa barawajeandeaba iyyeenya gil eang'oorneegwean oorjooga abwariinyi, nea aba jeedeaba suu duwaawiin ea neapkeanneegwa ak gagatkat fughareengeagwa miyaas;

Ruumi 14:18

aba gideaba siida gadiyeesa Gristo aba jeedeaba ng'asheesu siisi goohoosan Aseetta ak ghabwada gideaba siisi ghamwas buuneeda.