Filippi 4:7 - NEAJEEDA EESH BEA BUUNEESSEAN

⁷ Nea hoyyooyda Aseetta, adaraam fughareenga sean, gaygafur jeesingeagwa ea fughareengeagwa aba jeeda Gristo Yeesu.

Bibliyeeda Ghaydit

⁷ Nea hoyyooyda ASEETA, adaraam fughareenga sean, gaygafur jeesingeagwa ea fughareengeagwa aba jeeda Gristo Yesu.

Filippi 4:7 Referans Kwoze

Yohaana 14:27

Gaydanung'uneegwa hoyyoo, geagonnyeegwa hoyyooydeanyu; maydagoondaneegwa gidagonniida ng'eanyiida. Asi adagwasawana guroruunatkeagwa, nea adaghang'udeagwa muuwda.

2 Desaloniikke 3:16

Asi ghamneawa gagasa gagooneegwa weayda Ng'uttamiida ninyeeda mideawa weayda galeagasean aba naweadinga sean. Gagasa gobiida Ng'uttamiida heedeang'wa oagasean.

Golosaayi 3:15

Ak ghoanung' goombalischi hoyyoo Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

Ruumi 15:13

Asi Aseetta rarooda gagasa ghoannyiideagwa hooseaneega sean ea weayda aba masaweega, ak abeeda aba uurda Gurorooda Ghaydit goppiidi jeeda rarooda.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahhang'waanya jeesingeagwa, aba gideaba aniini najoarji ng'eanyiida.”

Ruumi 8:6

Aba gideaba gidagasa saseeda miyeeda gil, nea gidagasa gurorooda ea eaweega gil ea weayda.

Ruumi 5:1

Asi iisugoaneasa doobiiwnatta aba masaweega, abeeda geanyaschi weayda aba heeda Aseetta aba naweeda Ng'uttamiideanya was Yeesu Gristo.

Efeeso 3:19

nea ghoonalli barinyeega Gristo ng'al fughareenga, ak abeeda geanyiideagwa hidooda sean bea Aseetta.

Ruumi 14:17

Aba gideaba gheambalmeeda Aseetta mii agiischooda gil ea leeshooda, ada doobiiwnatta gil ea weayda ea hooseaneega aba jeeda Gurorooda Ghaydit;

Giidaheechta 1:4

Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

Lukka 1:79

ak gayghoabwaay fuga sean mida jeeda misaneeda haw bea jirooneeda miyeeda, ak ghoadoabiiw geashangaasa eayaada naweeda miy bea hoyyoo.”

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

Lukka 2:14

“Gigheambiita gaba Aseetta mida humng'eeda, ak aba ng'eanyiida ghoaw hoyyoo aba heeda fuga ahoosan!”

Filippi 4:9

Ng'asheega ghayi sinnalleagwa leabu heedeanyu ak ghoong'ng'waanyi nea ghoayinyi nea goodeaksi heedeanyu, asna suuh, ak Aseetta mideawa hoyyoo gaygoobiida heedeang'wa.

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Ebraniya 13:20

Asi ghamneawa Aseetta mideawa hoyyoo biikta gweadu gichcha Ng'uttamiideanya was Yeesu aba jeeda miyeeda, jeagiischoochcheanda haw bea gisilga, aba foojeanda neajeeda manda muudeanooda,

Giidaheechta 2:17

“Gilinyoo googar iitta, dayiinya ng'asheanji rukusa Gurorooda ganiisajeegean. Nea siida jooriischi gaydaadaw hamitta suguura maana ghayi sifuy ak gaydaadaw lagheaneedeesh, ak badaydeaba lagheanean geeng'oorsa gheawunga eashish, mwanala siih geaghus siitta ang'ng'waayiin.”

Yuuda 1:1

Yuuda, soomjeanda Yeesu Gristo was oorjeeda geennyea Yakkobo, Heeda fuga suguursa, abwariinyi aba jeeda Aseetta was Bwaabwa ak geettiiwsa Yeesu Gristo:

Filippi 1:2

Gagasa anyasa dagheerjeandumeeda ea hoyyooyda leabu heeda Aseetta was Ghweandeanya ea heeda Ng'uttamiida was Yeesu Gristo.

2 Goriinto 10:5

Ak geenyarji fughareenga sean gasa godiing'u geat appadayda fughareeda Aseetta, ak geaghaschi giliwas fughara ak abeeda gwasissa mureeda Gristo,

Filippi 1:1

Baulo ea Dimotteo, was soomjooga Gristo Yeesu, heeda fuga ghaydidi sean mida naweeda Gristo Yeesu, mida ng'eanyiida Filippi, sea jeagiischoodiga Ganiisa sea weedanga Ganiisa.

Filippi 4:19

Nea Aseetteanyu gaygagooneegwa haleanjeessean oogasayi aba dagheerjeandumeedaannyi aba gigheambiitta mida jeeda Gristo Yeesu.

Filippi 4:21

Oakghada fuga ghaydidi sean mida jeeda Gristo Yeesu. Ghoaghadeagwa oorjoogiyya eandeawi aba hiji.