Filippi 4:6 - NEAJEEDA EESH BEA BUUNEESSEAN

⁶ Adootteawiichchi geat aba ng'asheanda wassean, geaghus aba mooshta Aseetta nea ghoamwaschi ghawooda, nea ghoabwachchi Aseetta ak ghwanal Aseetta gidoogasayi wassean.

Bibliyeeda Ghaydit

⁶ Adoodeawiichi geat aba ng'asheanda wassean, geaghus aba mooshta ASEETA nea ghoamwaschi ghawooda, nea ghoabwachi ASEETA ak ghwanal ASEETA gidoogasayi wassean.

Filippi 4:6 Referans Kwoze

1 Betro 5:7

Ak ghoattawji niny sawanaduutkeagwa sean, aba gideaba niny gwadeawiissa muuchchi ng'asheegeagwa.

Mattayo 6:8

Asi adoowuurjeewi saawa, aba gideaba Ghweandeang'wa ghwanal gidoogasayi nea miyoomsa.

Golosaayi 4:2

Oppiidana muuchchi jeeda mooshta Aseetta, nea ghoang'wearu aba ng'asheanji nea goobadischeesi;

Efeeso 6:18

Amwaasha Aseetta damannyoojiga sean aba jeeda Gurorooda aba mooshta sean bea Aseetta ea baditta. Ak ghoang'ng'wearu nea ghoashng'u aba baditta Aseetta appdahuukka fuga ghaydidi sean,

Golosaayi 3:17

Nea gilwassean osinyi, aba ng'asheanda ghana sinooda, asna sean aba gheawunga Ng'uttamiida was Yeesu, nea goobadischeesi Aseetta was Gheanda aba naweedeaba niny.

Lukka 18:1

Hean gwarukusa ng'asheega nea gagalla geat nea gagasa gideaba gaygammiisa sawa mooshta Aseetta galeagasean nea mapra.

Lukka 12:22

Hean gwayeeshsha ginealangaaschi, “Asi geayeeshshineegwa, adoodeawiissi eaweegeagwa gajayaaga naah, ea gichchea okkwealana sasanuukkeagwa.

Golosaayi 3:15

Ak ghoanung' goombalischi hoyyoo Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.

Efeeso 5:20

nea goobadischeesi Aseetta was Bwaabwa galagasean aba ng'asheega sean aba gheawunga Ng'uttamiideanya was Yeesu Gristo.

Lukka 10:41

Ghwasha Ng'uttamiida nea gwayeeshsha, Marta, Marta gihashi nea gideawiidi aba ng'asheega saang'a;

Lukka 18:7

Gajeyeena Aseetta mayghoadaw dobiiwnatta fugaaschi loossageaw ayyeawussa askweari ea eawa? Gayghwashing'da aba weetta nyaawa?

Mattayo 10:19

Asi isiyaadeagwa adootteemsheesi gichchea arukuta aba gideaba damandida gajeegooneegwa gichchea arukuta.

Lukka 12:29

Asi adootteawiichchi iheengeagwa aba gassooda gichchea ayaaga ghana gichchea oaleaha.

2 Goriinto 1:11

Earagooga aweadeasa aba mooshta Aseetta, ak abeeda gabadiischeesa fuga saang'a appadahuukkaasa aba badiischeesiindida ghayi sugoaneasa aseasa aba sheayda mooshcheenga saang'a aba heeda Aseettean.

1 Goriinto 7:32

Geagasayi oppala geat aba deawiitmeeda. Siida mii gageeshshi iissa gwadeawiissa ngasheega Ng'uttamiida, gida jea gohoosanda Ng'uttamiida;

1 Betro 4:7

Ak muudeanooda haleanjeessean ea nineekiit, asi amilmiliitta ak ghoang'wearu aba baditta Aseetta.

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

1 Goriinto 7:21

Ang'iing'i ghayi geeguurneey nea guwosi ging'ng'oonyaneeda? Adiiduubayi. Asi iimmuusi gideaba gajabala geaw, ada abeeda ghwahit.

Mattayo 6:34

Asi adoodeawiissi ng'asheegeaba numuji, aba gideaba numuji gaygwadeawiissa geaw. Giliwas eaweechcha ghoahiit deawiitmeadaannyi.”

1 Dimotteo 2:1

Gidamadeeda jea deamajeek geagasayi musiischooda ea baditta Aseetta ea mooshta ghawooda nea goobadischeesi, ak ng'asheesu geesin appadahuuka buneasean.

1 Dimotteo 5:5

Nea dea was masinung'weanda huumwa, sinung'wa heeda nea gaba geaw, niih ghusoadaanyi niidaw Aseetta ak niny goomajeek mooshta ghawooda ea baditta Aseetta eawa ea askweari.