Filippi 3:8 - NEAJEEDA EESH BEA BUUNEESSEAN

⁸ Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Bibliyeeda Ghaydit

⁸ Aba huumwa ghaanung' ghoah haleanjeeda sean gil nirooda aba gidida naawda aba nalooda Gristo Yesu was Ng'utamiideanyuun. Aba badaydaanyi naanung' gwarooda haleanjeeda sean, ak ghaanung' ghoah haleanjeeda mwadaagha, ak abeeda ghaanyaschi Gristo

Filippi 3:8 Referans Kwoze

Ruumi 8:18

Aba gideaba ghaanung' ghoaw sawanadeen bea ghamneawean gili mii gili iyeahiimnyeadi sea giigheambiitta numuji jea eettahaachneasa.

Gadiyeeda Giijasoodiga 20:24

Ak ea mwanung' ghoaw eaweegeasu gil ghana danung' ghoaw gidaghaloamwaat, geagasayi ghanyi dahiit gadiyeedeanyu anyaschi aba heeda Ng'uttamiida was Yeesu, ak geammuuwwu iitta giijasta miy bea dagheerjeandumeeda Aseetta.

Filippi 3:7

Nea haleanjeetta sean ghayi anung' ghoaw gidahuumwa aba heedeanyuun ghamneawa ghanung' gawuurji roodaweega appadayda Gristo.

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Filippi 3:10

ak abeeda ghaanalli niny ea uurda duunnoadaannyi, ak geawujeewi niny aba jeeda miyeadaannyi.

2 Betro 1:3

Aba gidawaseetta Aseetta ea uurdaannyi gagooneasa easassean haleanjeeda miisa eaweega ea gea maduuppa aseetta, aba naweetta bea fughareadaannyiin ghayi guurneasa jeeda gheambalmeadaannyi miy,

1 Goriinto 2:2

Aba gideaba aniini meagassi danal ng'asheanda wassean aba jeedeang'wa geaghus Yeesu Gristo, dea ghayi singoor.

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

Yohaana 17:8

aniini naadawji ng'asheega ghayi igonnyean, ak saawa aning'ng'waay ak ghwanal humeanda gideaba aniini gealeabu headaang'u; ak anumwas gideaba ang'iing'i gijeaknean.

Yohaana 14:20

Eaweettida gajanala gideaba aniini geandi jeeda Bwaabwa, nea goondi agooga jeedeanyu, nea geandi aniini jeedeagwa.

Ebraniya 3:14

Aba gideaba geguuyeesi Gristo, iisibeachcheewi gideaba geang'ng'waanyi muuchchi gitta sisikteawi ammwadiin ea gagul muudeanooda,

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

Yohaana 14:7

Inyeeda ghwanyawa ghoanallaan, gajanala eara Bwaabwa, ghang'eada ghamneawa ghoanalli ak ea noadaayi niny.”

Efeeso 4:13

ea eeyi bwak ea eanyasa masaweega siguuyeesi ea fughareeda Balleanda Aseetta ak geehittiisi heeda eahuwa headiga, aba gideenda gitteenna hidooda Gristo;

2 Betro 3:18

Ahissiina heeda aba dagheerjeanduumeeda, ea nalooda Ng'uttamiideanya ea lealnoochcheanda was Yeesu Gristo. Headaannyi gwanda gharbeeda ghamneawa ea ghoaw eaweega manda muudeanooda. Amin.

1 Yohaana 1:3

gitta ghayi sidaayi ak geayiinyiin geerukuneegwa earagooga ak abeeda geebareannyi sea aseasa; nea bareannyeedeanya gwanda heeda Bwaabwa ea heeda Balleandaannyi was Yeesu Gristo.

2 Dimoteo 4:6

Aba gideaba aniini ghamneawa gajeetaydanaan doow gujaweeda ak ea nihiitta damanda jea dameawa.

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

Yohaana 16:3

Gaygwasmaneegwa ng'asheesu aba gideaba mwanala Bwaabwa ak amwanalan eara aniini.

1 Yohaana 2:19

Nea saawa ghabeawa heedeanya, ak ea maba meatkweedeanya; aba gideaba inyeeda gaba meatkweedeanya, gwachchi gaygoobiida heedeanya; hean ghang'eatng'eat gwaritta jarooda, ak ghwadaajiit gideaba maba sean meatkweedeanya.

1 Betro 2:7

Asi agoogeeda mideawa masawaweega, gaba sheayeeda haw, nea aba heeda fuga mwamwasaan, “Lagheaneeda fool fuga deekshi aniiw lagheaneeda haw washiini.”

Galattiya 1:16

ak geanung' ghoahimnaan Balleandaannyi, ak abeeda geerukkwiidi aniini iittaannyi aba jeeda Emoojiga, aniini mwaawunani saseeda ea foojeanda,

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

1 Goriinto 9:10

Neada niny ea mabaloolana badahuukkaasa? Ng'asheesu geang'waar appadahuukkaasa, aba gideaba siida bwar ng'eanyi iissa gidabal ghabwar ng'eanyi nea ghwarar nea siida las booga ea dalasa nea ghwarar gideaba gayghwanyas booga.

Yohaana 20:13

Gwayeeshsha niny, “Iyya, ghwasaan anda giyyeawdi?” Gwayeeshsha gheamatta saawa, “Sigeanda Ng'uttamiideanyu ak amwaanali heessiyiin.”

Lukka 11:20

Ama iyearuutti meangeenda aba uurda Aseetta abeeda ghoanalli gideaba sugoochcheandumeeda Aseetta nihissegwa.

Lukka 1:43

Gayghoawdaani aba heedeanyu, gideaba ghwahidu heedeanyu gheamatta Ng'uttamiideanyu?

Ruumi 8:39

ghana haleanjeeda mida humng'eeda, ghana haleanjeeda mida ng'eanyi, ghana gidawassean may ghoammu gooheellaneasa sea bariinyeega Aseetta mida jeeda Gristo Yeesu was Ng'uttamiideanya.

Filippi 1:1

Baulo ea Dimotteo, was soomjooga Gristo Yeesu, heeda fuga ghaydidi sean mida naweeda Gristo Yeesu, mida ng'eanyiida Filippi, sea jeagiischoodiga Ganiisa sea weedanga Ganiisa.

Filippi 3:12

Ak ea mii gideaba naanyaschi ghana gideaba neawoschi hidaat gil; geamajeekchi badiida danyas ak ghoaw deanyu, aba gideaba ninung' Gristo Yeesu doaw siidaannyi.

2 Betro 1:2

Gagasa anyasa dagheerjeandumeeda nea gehheaseegwa weayda jea anala Aseetta ea Yeesu Ng'uttamiideanya.

2 Betro 1:8

Aba gideaba ng'asheesu iyoondeawi sean, gayghwanung' ea moobeahi ghaleehu, nea moawa fuga mandeawana haghweega, aba nalooda Ng'uttamiideanya was Yeesu Gristo.