Filippi 2:6 - NEAJEEDA EESH BEA BUUNEESSEAN

⁶ earappeadi niny ghayi uurji sea Aseetta, ea mwanung' ghoaw gil uurjeatta bea Aseettean ak ghoaw gichchea ghoang'ng'waay.

Bibliyeeda Ghaydit

⁶ earapeadi niny ghayi uurji sea ASEETA, ea mwanung' ghoah gil uurjeata bea ASEETEAN ak ghoah gichea ghoang'waay.

Filippi 2:6 Referans Kwoze

Yohaana 5:18

Iiduw appadaydeaba ng'asheesu gagasa Fuga Yahuudi naweeda jea gwanuusa; nea meakna gideaba gwanuus deaweedeeda Sabatto akghwahit, ghabwada gideaba gwayi Aseetta ghwaan gil, aba sareani hean ea niideennyi geaw sea Aseetta.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Yohaana 17:5

asi ghamneawa, aghambiidaan Bwaabwa, aba madeadaang'u aba gheambalmeeda ghayi eandeawi sea ang'iing'i nea miyeesin ng'eanyiida.

Giidaheechta 21:6

Ak gwayeeshinean, “Nisa! Gideaba Aniini geawoschi Alfa ea Omeega, ging'eetta ea huydeanda. Siida bearji muwoosh gaydaadaw mwadaagha beega leabu gheang'deenda mideawa eaweega.

Yohaana 10:30

Aniini sea Bwaabwa gewoschi gilagi.”

Ebraniya 13:8

Yeesu Gristo gawuurji gideaba heetta ea ghamneawa ea gagul damanda manda mudeanooda.

Yohaana 10:33

Ghwasha Fuga Yahuudi nea gwayeeshsha niny, “Majeefteey aba gadiyoojiga miyaas isnayi, gaygweagu ng'asheagagu munyas irukusi Aseetta; aba gideaba gisni geaw Aseetta nea guwosi siida.”

Ruumi 9:5

aba geannyaawa gwanda gheamba ghweaniga, bea emeannyaawa, aba saseeda, aba heannyaawa Gristohi. Aseetta haweawa haleanjeessean gagasa eebadiischeesa ea ghoaw damanda manda muudeanooda. Amin.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

Yohaana 10:38

ama easinnyi earappeadi moamwasaan ghang'wana ghoamwaschi gadiyoojiga ak abeeda gojeeng'u nea ghoanalli gideaba Bwaabwa gwanda jeedeanyu nea geandi aniini jeada Bwaabwa.”

Ebraniya 1:6

Ak gichcha, iyeadu duweachcheadaannyi badayda ng'eanyiida, gwayeeshsha, “Nung'waada ghaghadoawan niny malaykajeega sean bea Aseetta.”

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

Mattayo 1:23

“Ng'ulla gaygagweayiit huda miyeasat ak gaygwaji balleanda, ak gajeeguura gheawungaaschi Imanuweeli” (nea gideaba, Aseetta sindeayeewi).

Yohaana 14:9

Gwayeeshsha Yeesu niny, “Gendeaydoschi sea agooga ea goyang'u ak ea minalaani Filippo? Siida nidaahan aniini nidaah Bwaabwa; abeeda gimmustiin gideaba giyeeni, ‘Ahiimneasa Bwaabwa?’

Ebraniya 1:8

Ak gwayi appadayda Balleanda, “Horgeadaang'u, Ea Aseetta gaba eaweega manda muudeanooda, sugoochcheandumeeda doobiiw sugoochcheameeda gheambalmeedaang'u.

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

Yohaana 14:28

Ghayi noayiinyi nea geayeeshshineegwa, ‘Neawi heechchea dawa, ammuchchu gaydabiigu gichcha heedeang'wa.’ Inyeeda ghoabwariinyaan, gwachchi gajahoosana aba gideaba geawi heeda Bwaabwa; aba gideaba niny ahaweawanaan.

Yohaana 1:18

Manda siida nidaah Aseetta; Balleanda was haghasheeda, mideayi sea Bwaabwa, niny siida adaajiidi.

1 Dimotteo 1:17

Mureeda ea gheambiida daba sugoocheanda eaweega manda mudeanooda was dea maygamutmudan, ak ea midachi ninyi Aseetta gil ak ghwahit ea ghwoow eaweega manda mudeanooda. Amin.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.