Filippi 2:25 - NEAJEEDA EESH BEA BUUNEESSEAN

²⁵ Geagasayi deajeagu heedeang'wa Epafraditto, was oorjeediyya, easnudayeewi gadiyeeda, was shirikkarajeanda uurjeewean, nea giijasoochcheandeang'wa gil, nea weedaneeda gil aba haleandeanyu eagasayi.

Bibliyeeda Ghaydit

²⁵ Geagasayi deajeagu heedeang'wa Epafradito, was orjeediyya, easinuudayeewi gadiyeeda, was shirikarajeanda uurjeewean, nea giijasoocheandeang'wa gil, nea weedaneeda gil aba haleanjeedeanyu eagasayi.

Filippi 2:25 Referans Kwoze

Filippi 4:18

Ak ea naanyaschi haleanjeesean, ea ghwanaawda, aba seang'ayda; was gea ghayi eanean Epaforodittoyda leabu heedeang'wa, was haleanjeeda ogoonnyi, was shearooda nagheeda ng'andit, ea haleanjeeda sisapa geadi bea ghadoweeda biissa ghabwariiy Aseetta.

Golosaayi 1:7

gawuurji gidanaaldaneegwa Epafra was soomjeanda subwariinyi. Niny ea doabiiwaat nea gagadiyeesa Gristo appadahuukkeagwa

Filippi 4:3

Ak geamuscheey earang'iing'i, siideanyu bea huumwa eaduupchcheewi, aniyean weada gadeemsu, aba gideaba gagadiyi sea aniini aba iitta giijasta miy sea Glemeenti sea fugeasu mwaatkwa eaweechcheewi, mida gheawunga nyaawa jeeda gittabooda eaweega.

1 Goriinto 3:9

Aba gideaba aseasa geewooschi fuga sin gadiyeeda Aseetta; agooga goowooschi madamnyeanda Aseetta, nea goowooschi gheeda Aseetta.

Filimoon 1:24

ea Marko ea Aristakko ea Deema ea Lukka was fuga easnuudayeewi gadiyeeda.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

1 Desaloniikke 3:2

Ng'atta gechcheagu orjeediyya was Dimotteo, was soomjeanda Aseetta bea Giijasta miy bea Gristo, goodiing'u masaweegeagwa ak goomajeegeegwa,

Golosaayi 4:11

Yeesuuyda suguura Yusto. Nea fiisu ea fuga ghasmeahooda gil aba jeeda fugeandeayeesi gadiyeeda sugoochcheandumeeda Aseetta, ea niiw fuga geandewanean salgheang'da.

2 Goriinto 2:13

ak ghanyea moapta ng'eanyi fughareedeanyu aba gideaba mwadaahi orjeediyya was Ditto aba hoowa. Ng'atta geegasayi fuufta appadahuukka nyaawa ak geawi ng'eanyiida Makkedoniya.

Yohaana 17:18

Gawuurji gidaghayi ijeakteaydanean jeeda ng'eanyiida, gwasnu earaniini neajeakti saawa gaweay jeeda ng'eanyiida.

Yohaana 13:16

Aba huumwa, aba huumwa, geayeeshshineegwa, soomjeanda mii haweawa siidaannyi haw, ghana siida sichcheakta mii haweawa siida ajeakta.

Ruumi 16:3

Aghada Briska ea Akkiila, was fuga sin gadiyeeda sea aniini aba jeeda Gristo Yeesu,

Ruumi 16:9

Oakghada Urbano, was siida easnuudayeewi aba jeeda Gristo ea Stakkisiiyda abwariinyi.

Filippi 2:26

Nea niny abeeda gagasa ghwadaheang'wa oagasean, ak ghang'ut giseaneega aba gideaba noayinyi gideaba niny ghamnyaan.