Filippi 2:21 - NEAJEEDA EESH BEA BUUNEESSEAN

²¹ Saawa gaba siisi ng'ula gidabwariiy, nea mii fukka bea Yeesu Gristohiini.

Bibliyeeda Ghaydit

²¹ Saawa gaba siisi ng'ula gidabwariiy, nea mii fugiga bea Yesu Gristohiin.

Filippi 2:21 Referans Kwoze

1 Goriinto 10:24

Siida adagagakkiisa geaw haleanjeeda miyaas, ghang'wana gagasa ghwanyas gischeewoochcheandaannyi gidamiy.

Mattayo 16:24

Damandida gwayeeshsha Yeesu giinealangaaschi, “Siida wassean iigasa gweadu geeshteanyu ea dafoola geaw ak ghwasar behiidaannyi ak gweadu geeshteanyu.

Filippi 2:4

Adagaba siisi ng'ula gidagasa niny akghwahit, daba siisi ng'ula gidagasa buneesuurja.

2 Dimoteo 3:2

Aba gideaba buuneeda gaygaba nii bwariiy geaw, ak gaygaba siisi bwariiy lappiya, gaba nii ghwargeaw ea gea weashweashta ea gea ging'weakka ea fuga mwamwasa ng'asheega jilnoodiga nyaawa ea gea mandeawana badischooda ea gea miimiyaas.

1 Goriinto 10:33

asi gawuurji gidiissa eagassiidi aniini deahoosan buuneessean aba haleanjeessean easinnyi, ak ea meegassi gideaba gaydanyagaada nea gabwageaw, geagasayi dea buuneessean, ak abeeda geelealu.

1 Goriinto 13:5

ak ea maba ghunduufka ghana ghwarjeeda. Bariinyeega ea maska naweadaannyi nea gaba geaw; ak ea mii assas nyaras ghana gwandeawa sichcheeda;

Lukka 14:26

“Siida iihidu heedeanyu nea mwasta ghwaan ea ghaamwaat ea gatmoadaannyi ea diibigaaschi ea oorjooga ghamwaat ea haweega ghaamwat, nea amwasta eaweagaaschi mwoammu ghoaw ginealaneedeanyu.

2 Dimoteo 4:10

Aba gideaba Dema ghabwariiy haleanjeeda munda ng'eanyiida ak ghang'eat gwanungsean heeda ak gawa Desalonikke, ak Greske gawa ng'eanyiida Galattiya, nea Diitto gawa ng'eanyiida Dalmattiya.

2 Goriinto 1:5

Gawuurji gissippareannyeatta muuchchi sawanaduutka Gristo, gwasnu aba naweeda Gristo geeppareannyi muuchchi eara geandeayda salgheang'da.

2 Dimoteo 4:16

Damanda ghayi sirgweaksinanean bea madeedean manda eara siyagi wea meatkweedeanyu ghaweadan, hean gwanung'sean heeda sean ak geamuschi gideaba gidinyeanji adeeyiin badahuuka nyaawa!

Gadiyeeda Giijasoodiga 15:38

Hean ghwadaa Baulo gideaba mwahida gideaba gaygodeayi siida ghayi nung'usa heeda saawa aba ng'eanyiida Bamfiliya, ak ea meadeayi saawa gadiyeeda.

Gadiyeeda Giijasoodiga 13:13

Ghang'eat Baulo ea barandaannyi ak gwading'da maleambooda ghabeawa Baafo, ak gaweay ea ghwahitta Berga mida ng'eanyiida Bamfiliya. Ghwanung'wa heeda Yohaana fiisu ak gabiikta Yerusaleemu,

2 Dimoteo 1:15

Ang'iing'i ginali gidaghayi nungsiindanean heeda fuga ng'eanyiida Asiya eara geaba gwanda jeeda eara geaba Figelo ea Hermogene.