Filippi 2:13 - NEAJEEDA EESH BEA BUUNEESSEAN

¹³ aba gideaba Aseetta gagadiiyi aba jeesingeagwa, ak gagooneegwa gassooda ea sinooda ng'asheega miyaas gasa niny.

Bibliyeeda Ghaydit

¹³ aba gideaba ASEETA gagadiiy aba jeesingeagwa, ak gagooneegwa gasooda ea sinooda ng'asheega miyaasiin gasa niny.

Filippi 2:13 Referans Kwoze

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

2 Goriinto 3:5

Mii gideaba geahhiichchi geat aseasa gil aba gipkeatta ng'asheanda wassean gideaba gwaleabu heedeanya aseasa; hidoodeanyu gwaleabu heeda Aseetta,

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Ruumi 9:16

Asi meakghusa gitta gasa siidean gil ghana badiidaannyi, geaghus aba baydeayda Aseetta.

1 Goriinto 15:10

Iiduu aba dagheerjeandumeeda Aseetta anaahuuyi gideawuurjeewi bea ghamneawa, nea dagheerjeameadaannyi aba heedeanyu ea maba mwadaagha. Aba meatkweeda niirja ghaaraanyi muuchchi aba sinooda gadiyeeda ea dalaabwa hoowa siida wassean aba saawa, nea mii aniini gil, nii gwasin dagheerjeandumeeda Aseetta mida heedeanyu.

Yohaana 3:27

Gwayeeshsha Yohaana, “Siida mwoammu ghwanyas gidawassean geaghus dea siittaw leabu humng'eeda.

Efeeso 1:11

Aba niny, aba gitta gassiida ninyiin was dea ahiit haleanjeessean aba gitta gassiidean,

1 Goriinto 12:6

Iiduu gwaheelli uurda gadiyeeda, nea Aseetta ea akkalealla dea adoabiiw sean appadahuukka buuneessean.

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

Efeeso 1:5

Niny ghwaloodeasa aba bariinyeega eahuwa balloojigaaschi aba naweeda Yeesu Gristo, aba gidagasiida niny,

Efeeso 2:8

Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

Lukka 12:32

“Adoabealli agoogeeda ng'ay, aba gideaba gagasa Ghweandeang'wa gideaba gahaguuw gagoneegwa sugoochcheandumeeda.

Efeeso 1:9

Aba gideaba nideajiinneasa aba weaghuumeeda sean ea makcheameeda funyaat bea gitta gasean, aba gitta bada appadayda Gristo was gidagasa iihitta damandean,

Yohaana 6:65

Hean ng'atta gwayi, “Nii gidearukunegwa gideaba manda siida jea ghoammu ghwaan heedeanyu iimwanung' Bwaabwa ghwaan.”

Ruumi 9:11

earappeadi saawa miyeejiin ak ea miigwasin ng'asheanda miy ghana dea muy, ak abeeda gitta gasa Aseetta aba loottean abeeda geesin, nea mii aba gadiyeeda gil geaghus aba gidaguurdeayda, ak geeyeeshsha,

Yohaana 6:45

Geang'waar aba jeeda sibanga gideaba, ‘Gayghoanaal Aseetta sean. Siida wassean aleeysiit nea ghoanaal Bwaabwa, gayghwaan heedeanyu.’

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,

Gadiyeeda Giijasoodiga 11:21

Gadiyeani geesna uurda Ng'uttamiida, hean ghamwas fuga saang'a ak ghoahaada buuneeda yamsageat Ng'uttamiida.

Lukka 2:14

“Gigheambiita gaba Aseetta mida humng'eeda, ak aba ng'eanyiida ghoaw hoyyoo aba heeda fuga ahoosan!”

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.