Filippi 2:12 - NEAJEEDA EESH BEA BUUNEESSEAN

¹² Asi fugeasu abwariinyi, aba gideajusu ondeayeatti mureeda galagasean, asi ghamneawa, ea adoosinnyi gideaballi ghwaraanya muuchchi iimeandani hiji, agadiyeesiina lealeanoodeang'wa aba muwda nea ghoabwadannyi;

Bibliyeeda Ghaydit

¹² Asi fugeasu aabwariinyi, aba gideajusu oondeayeati mureeda galeagasean, asi ghamneawa, ea adoosinyi gideabali ghwaraanya muuchi iimeandani hiji, agadiyeesiina lealeanoodeang'wa aba muuwda nea ghoabwadanyi;

Filippi 2:12 Referans Kwoze

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

Ebraniya 4:11

Asi egagasa gimiriikta beatta jeedeaba fuufidi, ak abeeda ea manda siida jea ghoabeadaayda gidada aba nyootta mureeda.

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.

Mattayo 11:29

Aghasana geat jookkeedeanyu, ak ghoanalanaan ng'asheega; aba gideaba aniini geewoschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hoseaneega aba jeesingeagwa.”

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

2 Betro 3:18

Ahissiina heeda aba dagheerjeanduumeeda, ea nalooda Ng'uttamiideanya ea lealnoochcheanda was Yeesu Gristo. Headaannyi gwanda gharbeeda ghamneawa ea ghoaw eaweega manda muudeanooda. Amin.

Ebraniya 5:9

amaduw nea siimmajeek ghoaw ging'eetta lealeanooda mamudeana aba heeda buuneessean sissa niny mureeda,

2 Dimoteo 2:10

Ak aba sareani geamilikteaysi ng'asheega sean aba badayda fuga loat Aseetta, gideaba eara saawa ghwanyas lealeanooda mida jeeda Gristo Yeesu ea giigheambiitta ea eaweega manda mudeanooda.

Ebraniya 4:1

Asi helleesiinda beatta jeeda giibindaannyi gwanda heeda, ak gidabal geabealli ak ea mwaramwasa sih aba jeedeang'wa ak geergweaksiina gideaba mwanyasa.

Ebraniya 12:1

Asi, dea nineaweesiinaneasa shamooghooda haw bea muushoodiga, gagasa easaja giliwas sareenda, ea ring'eeda nekkiisseasa muuchchi ak ghwanung' eesalda nea geemmiriikchi ng'weega siyiin madeedeanya,

Filippi 4:1

Asi, orjoogiyya, abwariinyi nea geagasayi, was hooseaneegeasu ea shiipka amiinaada nea goomajeegichchi aba jeeda Ng'uttamiideanyu, fugeasu abwariinyi.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

2 Goriinto 7:15

Nea guroroadaannyi iissa gwaritta damannyooji sean appadahuukkeagwa, iyapkaat mureedeang'wa bea oagasean, ea muuwda ea boodanda damanda oang'ng'waanyi niny.

1 Goriinto 2:3

Nea aniini ghayi gendeayi nea geawoschi ng'arng'ar ea muuwda sea hirbabandeeda;

Efeeso 6:5

Soomjooga, asissiina mureeda fugeagwa hees bea ng'eanyiida, aba muuwda nea ghoabwaadannyi, ea doobiiwnatta gurorooda, gawurji giloosissi Gristo;

Mattayo 11:12

Ghang'eada askwearjoojiga Yohaaneeda Abattiisachchi ea gagul ghamneawa sugoochcheandumeeda humng'eeda subwasay, nea fuga bwasay gageanda aba uurda.

Filippi 1:5

geabadiischoweegwa aba guyeedeang'wa aba giijasta miy siguuyeesi ghang'eada mwadi ea ghoaw ghamneawa.

Gadiyeeda Giijasoodiga 9:6

asi ng'eada ak guwi mujiini, amiihitti gajeerukneey gichchea sina.”

Filippi 2:19

Ak ghaararji aba jeeda Ng'uttamiida was Yeesu gideaba gaydeajeagu Dimotteo gabean ghwahidu heedeang'wa, ak abeeda geegwarsean aba iitteang'wa.

1 Goriinto 4:14

Ng'asheesu mwaang'waari nea geegasayi dabwaspwaseegwa, geabaysiini miinda gheang'deang'wa nea geahindaneegwa diibiga abwariinnyi.

Filippi 4:15

Nea agooga fuga Filippi, ghoanali gideaba aba damandida bea ging'eatta Giijasta miyiin, damanda ealeapni Makkedoniya, manda ganiiseeda eaweechcheewi aba ng'asheanji bea giidaydeayda ea ging'ng'ooydean geaghus agooga;

Gadiyeeda Giijasoodiga 16:29

Hean gaguurda shirikkarajeanda eyeadu gheaboong'nyeanda amahit ghafwach gawa gah, nea ghabwaadan aba muuwda ak goobeedeaysa madeeda Baulo ea Sila,

Filippi 1:6

Ak geasikteawi siitta ang'eat gadiyeeda miy aba jeedeang'wean gayghoahiit aba eaweeda Yeesu Gristo.