Filippi 2:11 - NEAJEEDA EESH BEA BUUNEESSEAN

¹¹ ak gaygaba siisi rukuna ghuutaannyi gideaba Yeesu Gristo Ng'uttamiida gil, aba gigheambiitta Aseetta was Ghweanda.

Bibliyeeda Ghaydit

¹¹ ak gaygaba siisi rukuna ghuutaanyi gideaba Yesu Gristo Ng'utamiida gil, aba giigheambiita ASEETA was Ghweanda.

Filippi 2:11 Referans Kwoze

1 Yohaana 4:15

Giliwas sih mwas gideaba Yeesu Balleanda Aseetta gil, abeeda Aseetta goobiida jeadaannyi nea goobiida niny jeeda Aseetta.

Ruumi 14:11

aba gideaba geang'waar, “Gawuurji gideandeatti, aba girrugu Ng'uttamiida, giliwas gudung'da gajeekula ng'eanyi ammadeedeanyu, nea giliwas ng'ushapta gaygwaduumsheesa Aseetta.

Yohaana 13:13

Agooga gogurewanean Ginealshochcheanda ea Ng'uttamiida; ak ghwadoabiiw, aba gideaba geawoschi.

1 Yohaana 4:2

Aba nii abeeda gajanala Gurorooda Aseetta: gurorooda mwas gideaba Yeesu Gristo nuwu nea ghwaana saseeda gaba Aseetta,

Ruumi 14:9

Aba gideaba Gristo ghayi ghami ammuchchu gabiikta gamajeegiit, ak goombal fuga nimeewa ea gea majeekcheewi.

1 Goriinto 12:3

Asi geagasayi gideaba anala gideaba manda siida jea gabaloola badayda Gurorooda Aseetta jea gwayi, “Yeesu sumwaashta!” Ak ea manda siida jea gwayi, “Yeesu Ng'uttamiida gil,” geaghus gwargu Gurorooda Ghaydit.

Yohaana 14:13

Nea gidawassean oamuschi aba gheawungeasu gaydasin, ak abeeda geakghambiit Bwaabwa appadayda Balleanda;

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

Giidaheechta 3:5

“Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Mattayo 10:32

Siida mwasan aba madeeda buuneeda, abeeda earanini gaydamwas niny aba madeeda Bwaabwa mida humng'eeda;

Gadiyeeda Giijasoodiga 10:36

Ak ghoanalli ng'asheanda ghayi ajeaksa fuga Israeeli, bea rukwiideayda giijasta miy bea hoyyoo aba naweetta bea Yeesu Gristoohiin, (nea niny ea Ng'uttamiida buuneessean,)

Gadiyeeda Giijasoodiga 2:36

Fuga sean bea gheennyea Israeeli, gammiissa ghwanal aba huumwa gideaba Aseetta ninung' ghoaw Yeesuheeni ghayi ongoorjiin Ng'uttamiida ea Gristo.”

Yohaana 9:22

Gwarukuteaydunu ghwaan ea ghaamwat aba gheawalmeeda fuga Yahuudi aba gideaba fuga Yahuudi nihelleesa gideaba siida wassean jea gwargu aba ghuuttaannyi gideaba Yeesu niny Gristohi gajerrutteawa jeeda ghoriida sinnealshachcheewa.

Yohaana 5:23

abeeda gwasissa buuneessean mureeda Balleanda gawuurji gidasinnisiinda mureeda Bwaabwa. Siida masissiina Balleanda mureeda masissiina mureeda Bwaabwa ghayi ajeagu niny.

2 Yohaana 1:7

Aba gideaba nirinna badayda ng'eanyiida fuga saang'a bea ng'uyyeega, gea mwamwasa gideaba Yeesu Gristo ghwahittayda siida; anni ea diitta bea ng'uyyeegeani, ak ea dea mwamwasa Gristo gil.

1 Goriinto 15:47

Siida madeeda ghayi gwaleabu ng'eanyiida, ak geesna birjeanda; siideaba iyyeenya gwaleabu humnng'eeda.

Ruumi 15:9

ak abeeda ghoaghamiit fuga Emoojiga Aseetta aba baydeaydaannyi. Gawuurji gissung'waarda, “Asi gaydaduummiseey aba jeeda Emoojiga, ak gay dasarmani gheawungaagu;”

Yohaana 20:28

Ghwasha Domaso nea gwayeeshsha, “Ng'uttamiideanyu ea Aseetteanyu!”

Yohaana 17:1

Iiduw nea niihiit Yeesu rukunoodeaba ng'asheesu, gong'weersa humng'eeda ak gwayi, “Bwaabwa, nugul damanda; aghambiida Balleandaang'u, ak abeeda eara Balleanda ghoaghambiinnyi ang'iing'i,

Yohaana 12:42

Gwanda fuga saang'a earaba jeeda gea ambaliischi mwas niny, iiduw aba gheawalmeeda Farisayajeega ea marukunana ghuusiga nyaawa aba gideaba gajiiduw geerrutteawa jeeda ghooriida sinnealshachcheewa.

Lukka 2:11

Aba gideaba eannean aba mujiineeda Dawdi siji appadahuukkeagwa, lealnoochcheanda, niny Gristoyda was Ng'uttamiida gil.

Yohaana 14:23

Ghwasha Yeesu nea gwayeeshsha, “Siida ibwariinyan gayghoang'ng'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaannyi ak geppiidi headaannyi.

Yohaana 13:14

Asi aniini iyeawoschi Ginealshochcheanda ea Ng'uttamiida ak gajoohhuuna geeshangeagwa, asi gammiiseegwa earagooga gideaba ohhuunna geeshangeaba geat.