Filippi 2:1 - NEAJEEDA EESH BEA BUUNEESSEAN

¹ Nea iimida gimajeekta jeeda Gristo, ghana gichchea goomajeek bariinyeega, ghana gidasuguyeesa aba jeeda Gurorooda, ghana iimida bariinyeega ghana baydeayda,

Bibliyeeda Ghaydit

¹ Nea iimida giimajeekta jeeda Gristo, ghana gichea goomajeek bariinyeega, ghana gidasiguyeesa aba jeeda Guroorooda, ghana iimida bariinyeega ghana baydeayda,

Filippi 2:1 Referans Kwoze

Golosaayi 3:12

Asi okkwealsheatta fuga niloat Aseetta, ghaydiidi subwariiy, bea jeesinga bayyiida buuneeda, ea ng'eeninda, eattoodeaba geat bea ng'eanyi, miyinda ea milighteayda,

1 Yohaana 4:12

Manda siida nidaa Aseetta; isubwariinyayi geat, abeeda Aseetta goobiida jeedeanya, ak bariinyeagaaschi ea niihit aba jeedeanya.

Golosaayi 2:2

abeeda geemmajeek guroruunatka nyaawa, nea gaguuyi aba barinyeega, ak ghwanyas meanang'oochcheandumeeda sean bea huumwa, ak ghwanal makcheameetta bea Aseetta was Gristohiin,

1 Goriinto 12:13

Nea aba Guroroanagi geppaattiisaneasa aba saseanagi, fuga Yahuudi ghanea fuga Giriikki gili, ea ging'ng'oonyanga gil ghanea fuga abal geat gil, hean geanung' ghwaleayda sean Guroroanagi.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

Galattiya 4:6

Iiduw inoawoschi balloojigaaschi hean goojeagu Aseetta Gurorooda Balleandaannyi jeesingaasa, ayeawda nea gwayeena, “Aba! nea gideaba Bwaabwa gil!”

Gadiyeeda Giijasoodiga 4:32

Nea ghamneawa bareannyeedeaba fukka ghayi mwasiin gaba guroroanagi ak ghanyea manda siida ayi haleanjeessean mideawa ghanyea maygwayi geasu, nii abeeda saawa goobareannyi haleanjeessean.

1 Yohaana 3:24

Buuneessean ang'ng'waay digheannyeakkaaschi goobiitta jeadaannyi, nea goobiida niny jeannyaawa. Aba sareani abeeda geanalli gideaba goobiida jeedeanya, aba Gurorooda ghayi goaneasa.

Yohaana 17:13

Asi ghamneawa ghawunnyi headaang'u; ak ea nearukuti ng'asheesu aba jeeda ng'eanyiida, ak abeeda ghwanyas hooseaneegeasu muuchchi aba jeesinga nyaawa.

1 Yohaana 4:16

Aseasa geanalli ak geamwaschi Aseetta appadahuukkaasa. Aseetta bariinyeega gil, ak siida abiida jeeda bariinyeega, goobiida jeeda Aseetta, ak goobiida Aseetta jeadaannyi.

Filippi 3:3

Aba gideaba aseasa geewoschi ghasmeahooda huumwa, gadoowan Aseetta aba gurorooda, ea gheambalmeeda aba jeeda Gristo Yeesu, fuga mwarara ng'asheega saseeda.

1 Goriinto 3:16

Moanali gideaba agooga goowooschi gheeda sibatta Aseetta bea Aseetta, ea gideaba Guroorooda Aseetta gwanda jeedeang'wa?

Ruumi 8:26

Gwasnu eara Gurorooda ghaweadeasa aba ng'arng'arandeanya, aba gideaba meammuusi eamwaashta Aseetta gidahaguuwsiindaneasa, iiduw iissa ghamwaash Gurorooda ghawooda appadahuukkaasa nea gaba geaw nea gwasawana aba gisimeanda meammu eergu.

Ruumi 5:5

nea rarooda ea maygwareenganneasa, aba gideaba bariinyeega Aseetta nigeawiit ghwayiin jeesingaasa Gurorooda Ghaydit ghayi sugooneasa aseasan.

Gadiyeeda Giijasoodiga 2:46

Nea inyeessa galagasean geronnyeesa sean jeeda gheeda sibatta Aseetta nea geabwanach mukkatte aba gealga nyaawa, ghwaak hamitta nea gahoosan guroruunatka nyaawa,

1 Betro 1:2

ghayi siloat ak goojeakta Aseetta was Bwaabwa ak ghoammiidu Gurorooda aba mureeda appadayda Yeesu Gristo nea geappuunna foojeandaannyi: Gagasa elakkuuneegwa dagheerjeandumeeda ea weayda.

Ebraniya 6:18

asi aba jeemba haleanji iyyeenya moammu ghwayamwa, nea aba jeedeaba suu ea moammu gwargu Aseetta ng'uyyeega, aseaseeda mang'aw gasa heechchea gamng'awusa abeeda ghwanyas gimajeekta ak ghwanyas rarooda ghayi siyiin madeedeanya.

Filippi 1:8

Aba gideaba Aseetta muushoochcheandeanyu gil, aba gideagassiidi deatteang'wa oagasean, aba bariinyeekka leabu heeda Gristo Yeesuun.

Efeeso 4:4

Saseeda aagi, ea Guroroonagi, gidaghayi siguursiindaneegwa,

2 Goriinto 2:14

Asi badiischeesiinda gammiisa Aseetta, nea ghoadoabiiweasa aba naweeda Gristo aba hooseaneega, ak aba aseasa ghwadarda shearooda ng'andit bea fughareadaannyi aba hiji wassean.

1 Goriinto 15:31

Fuga eaduupcheewi, aniini geargu ng'asheesu nea ghaaghwarji geaw appadahuukkeagwa agoogeeda mida jeeda Gristo Yeesu was Ng'uttamiideanyean, iissa genuusan galeagasean!

Yohaana 14:27

Gaydanung'uneegwa hoyyoo, geagonnyeegwa hoyyooydeanyu; maydagoondaneegwa gidagonniida ng'eanyiida. Asi adagwasawana guroruunatkeagwa, nea adaghang'udeagwa muuwda.

Yohaana 14:18

“Maydanung'useegwa heeda bananga; gaydahidu heedeang'wa.

Lukka 2:25

Nea abeeda gwanda Yerusaleemu, siisi suguura gheawungaaschi Simon, nea siisi abeeda ea doabiiwaat, nea gabada Aseetta, nea goomuukku hawdeayda fuga Israeeli, nea gwanda badaydaannyi Gurorooda Ghaydit.