Filippi 1:7 - NEAJEEDA EESH BEA BUUNEESSEAN

⁷ Asi ghwadoabiiw aba heedeanyu gideaba gaydahiit suuh appadahuukkeagwa oagasean, aba gideaba neang'ng'ooyseegwa jeedeanyu, aba gideaba gowoschi oagasean fuga eaweechcheewi aba dagheerjeandumeeda, aba jeeda ghealoonigeasu ea aba furooda aba giimajeekta giijasta miy.

Bibliyeeda Ghaydit

⁷ Asi ghwadoabiiw aba heedeanyu gideaba gaydaahiit suh aba badahuukeagwa oogasean, aba gideaba neang'ooyseegwa jeedeanyu, aba gideaba goowooschi oogasean fuga eaweecheewi aba dagheerjeanduumeeda, aba jeeda ghealoonigeasu ea aba furooda aba giimajeekta giijasta miy.

Filippi 1:7 Referans Kwoze

2 Goriinto 7:3

Aniini mearukuni ng'asheanji aba giirgweaksiindeang'wa, aba gideaba neabay dargu ammwadi gideaba agooga goondi jeeda guroruunatkaasa, iisimewuudayi ghana iisindeayi.

Filippi 1:5

geabadiischoweegwa aba guyeedeang'wa aba giijasta miy siguuyeesi ghang'eada mwadi ea ghoaw ghamneawa.

2 Dimoteo 2:9

Aniini geesawanan appadaydeaba Giijasi miyiin, ea eeyaadan ghealooniga dawurji siida siin ng'asheega munyas, ak ng'asheega Aseetta ea mwajeerat.

Golosaayi 4:18

Giighadi ghaang'waarji aniini Baulo aba geattindeanyu. Oppkaada gideaba sirattean. Gagasa anyasa dagheerjeandumeeda.

Filippi 4:14

Ak eanoosinnyi ng'asheanda miy aba damanda sindeayeesi jeeda sawanadeedeanyu.

Efeeso 6:20

Ak aniini geawoschi siida sichcheagu ak geandi ghealooniga; asi amwaasha Aseetta appadaydeanyu dammu darukta giijasta miy ghabeada gidamiisean rukuteayda.

Efeeso 3:1

Aba sareani aniini Baulo, was siida ghealooniga Gristo Yeesu aba badahuukkeagwa agooga fuga Emoojiga,

Gadiyeeda Giijasoodiga 20:23

geaghus gitta nimuwwunean Gurorooda Ghaydit aba mujiinajeega sean bea gideaba ghoamuukghunaan ghealooniga ea sawanadeeda.

1 Yohaana 3:14

Aseasa geanalli gideaba sisuuchchi miyeeda ak geeweayi jeeda eaweega, aba gideaba geabwariinyi fuga suduupcheewi. Nea damwabwariinya goobiida jeeda miyeeda.

2 Betro 1:13

Iyeang'ulayi ghwadeabiiw, aba hiji duudandean, daheadeagwa agooga iyeapkeanneegwa,

1 Betro 4:13

Asi ahoosana aba gideaba nooppareanyi sawanaduutka Gristo, ak abeeda earagooga gohoosannyi nea goong'weelayi damanda jea eattahaaja gigheambiittaannyi.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

2 Dimoteo 1:8

Adibwaspwasi aba muwunooda badayda Ng'uttamiideanya ak eara aniineani eandi ghealooniga appadaydaanyiin adibaspasseeweani, asi milighteaysiina ng'asheega munyasiin sea aniini appadayda Giijasta Miy aba uurda Aseetta.

1 Desaloniikke 5:5

Aba gideaba agooga oagasean noahuuyi balloojiga weeshinda, ea balloojiga askweari; aseasa mebeahi eaweeda ghana misaneeda.

Golosaayi 4:3

ak ghoamwaschi Aseetta appadahuukkaasa, ak goottinneasa Aseetta gidaghuut aba ng'asheanda, ak geerukuti gitta funyaat bea Gristo ghayi siyiissean ghealoonigean,

Efeeso 4:1

Asi aniini, geawoschi siida ghealooniga appadayda Ng'uttamiida, geamuscheegwa gideaba oattoabiiwa eaweega deeschi sea gurnooda ghayi suguurneegwa,

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

2 Goriinto 3:2

Agooga gowoschi barawajeandeanya bea gwarsiinda, sing'oorsa jeesinga guroruunatkeagwa, biissa analaat nea ghoassoamwa buuneessean;

1 Goriinto 13:7

Bariinyeega iissa ghamilikghta ng'asheega sean, ak ghamwas ng'asheega sean, ak ghwarar ng'asheega sean ak ghwarjeang'da aba ng'asheega sean.

1 Goriinto 9:23

Ak geasinyi haleanjeessean appadayda giijasta miy, ak abeeda geeppareanyi ghawooda sea buuneeda suurja.

Gadiyeeda Giijasoodiga 21:33

Gaweesa shirikkarajeanda haw Baulo ak ghwang'ng'waay, ak gwayeeshsha aradana munyaloalaji iyyeenya, amahit ghoabwaarda, siida was ng'eaha, ea ginnisin.

1 Betro 5:1

Geamuschi gweargwa mida ng'eang'deang'wa, eara aniini geawoschi gweargweeda geawujeeweegwa, ak geawoschi muuwshoochcheanda sawanadeeda Gristo, ak geendeayeesi giigheambiitta jea iiduw eattaajiit.

Filippi 1:12

Asi oorjoogiyya geagasayi anala gideaba sawanaduutka sean ghayi anyaschi, iiduw ghwanung' gawa giijasta miy mwadi,

Filippi 1:13

ak ghamneawa ea sinalli aba heeda furiischoodiga sean ea heeda buuneessean gideaba ghealoonigeasu gaba badayda Gristo;

Filippi 1:14

nea oorjooga saang'a bea giyeanya ea sunung' ghamwas Ng'uttamiida aba ghealoonigeasu, ak ea ninyas muraneandumeeda muuchchi ak gwarukwiida ng'asheanda Aseetta nea mwabeala.

Filippi 2:22

Dimotteo ghamneawa ghwaloat gil aba headaang'u, gawuurji balleanda ea ghwaan niny geaweechcheewi aba gadiyeeda giijasta miy.

Filippi 4:3

Ak geamuscheey earang'iing'i, siideanyu bea huumwa eaduupchcheewi, aniyean weada gadeemsu, aba gideaba gagadiyi sea aniini aba iitta giijasta miy sea Glemeenti sea fugeasu mwaatkwa eaweechcheewi, mida gheawunga nyaawa jeeda gittabooda eaweega.

Filippi 4:15

Nea agooga fuga Filippi, ghoanali gideaba aba damandida bea ging'eatta Giijasta miyiin, damanda ealeapni Makkedoniya, manda ganiiseeda eaweechcheewi aba ng'asheanji bea giidaydeayda ea ging'ng'ooydean geaghus agooga;

Filimoon 1:13

Gaydahoosan aniini iyabiida heedeanyu ak ghaweadan aba meatkweedeang'wa damani eandeawi ghealooniga appadayda giijasta miyiin,