Filippi 1:6 - NEAJEEDA EESH BEA BUUNEESSEAN

⁶ Ak geasikteawi siitta ang'eat gadiyeeda miy aba jeedeang'wean gayghoahiit aba eaweeda Yeesu Gristo.

Bibliyeeda Ghaydit

⁶ Ak geasikteawi siidida ang'eat gadiyeeda miy aba jeedeang'wean gayghoahiit aba eaweeda Yesu Gristo.

Filippi 1:6 Referans Kwoze

Filippi 2:13

aba gideaba Aseetta gagadiiyi aba jeesingeagwa, ak gagooneegwa gassooda ea sinooda ng'asheega miyaas gasa niny.

Efeeso 4:12

ak ghoadaw fuga ghaydidi uurda jea gwasna gadiyeeda Aseetta ak geemajeek saseeda Gristo,

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

1 Goriinto 1:8

niny gaygoomajeegeegwa ea ghwahitta mudeanooda, nea manda ramaseanda aba eaweeda Ng'uttamiideanya was Yeesu Gristo.

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

Ebraniya 10:35

Asi adiiduw goojakti gidoararji, mideawa gimearda haw.

Yohaana 6:29

Ghwashsha Yeesu nea gwayeeshsha, “Gadiyeeda Aseetta nihi, gideaba amwasa siida ajeagu niny.”

Filippi 1:10

hean abeeda goosikteawi gida hidaat, ak ghammiidu nea meerukunana badayda ng'asheega munyas aba eaweeda Gristo,

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.

Filimoon 1:21

Ghamwaaschi aba mureadaang'u, ak geang'oorneey ang'iing'i nea ghaanalli gideaba gaysina ng'asheesu ea ghwanaawa gea earukuneey.

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

2 Desaloniikke 3:4

Amaduw earaseasa ea sughuschi Ng'uttamiida appadahuukkeagwa, nea gideaba goosinnyi ng'asheega ghayi surukuneegwa, ea gideaba gajasna ng'asheega sugoonnyeegwa aba digheanda.

Golosaayi 2:12

nea geepnyeegwa sea niny aba gibattiisanda, amaduw geettuunneegwa sea niny aba masaweega aba gadiyeeda Aseetta, ghayi aduunna niny jeeda miyeeda.

2 Goriinto 7:16

Geahoosannyi, aba gideaba geandeawi masaweega muuchchi aba badahuukkeagwa.

Gadiyeeda Giijasoodiga 11:18

Iiduw nea ghwayiiy ng'asheesu ghwasiinda. Ng'atta geakghambiit Aseetta nea geeyi, “Aseetta niidaw eara Emoojiga gheatta duukkuunooda ak ghwanyas eaweega.”

Gadiyeeda Giijasoodiga 16:14

Abeeda gwanda gatmoanagi aleeyseasa iit suguura Lidiya, leabu mujiineeda Diyattira, nea gwasheahhiida hang'weakka oomng'i, haw sheayeat ak gabada Aseetta. Hean ghwajaat Ng'uttamiida guroroadaannyi goleeysiit muuchchi ng'asheega rugu Baulo.

Galattiya 5:10

Aniini ghaaghuschi Ng'uttamiida ea gideaba mwajayamwana mwajadaakta ng'asheega gidadaakti aniini; nea siida adeawiideegwa agooga gayghwanyas girgweaksiindaannyi, siida wassean.

2 Betro 3:10

Nea eaweeda Ng'uttamiida gay ghwahitaayda mareanghweanda, aba eaweettida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

2 Goriinto 9:4

amaduw nea ghawunnyi nea geadeani fuga Makkedoniya, ak ghaahidu nea mowosi hidaat, gajeappwaspwaseasa, ak abeeda ea mwajeammuusa eerukuna gil appadahuukkeagwa, aba damani sindi jeeda masaweegean.

2 Goriinto 2:3

Ak ghang'waarji gawuurji gideasindi, ak abeeda iyaawunnyi ea measawanani aba heedeaba fukka ghwanyawa jea ghwanung' dahoosaniin. Aba gideaba ghadaayi aba huumwa aba jeedeang'wa oagasean, gideaba hooseaneegeasu gajea hooseaneegeagwa gil oagasean.

2 Goriinto 1:15

Iiduw nea ghaanalli ng'asheanji, hean geagasayi doan heedeang'wa ammwadi, ak abeeda ghoanyaschi hooseaneega deabiyyeenya;

Filippi 2:12

Asi fugeasu abwariinyi, aba gideajusu ondeayeatti mureeda galagasean, asi ghamneawa, ea adoosinnyi gideaballi ghwaraanya muuchchi iimeandani hiji, agadiyeesiina lealeanoodeang'wa aba muwda nea ghoabwadannyi;

Filippi 2:16

nea ghoong'ng'waay muuchchi ng'asheanda eaweega, ammuuchchu eaweeda Gristo ghammuuschi daghwar geaw aba gideaba mwaafwaji mwadaagha ghana dagadiyi mwadaagha.