Filippi 1:23 - NEAJEEDA EESH BEA BUUNEESSEAN

²³ Geaminighisan aba dageascheemba ng'ashiyyeenya. Geagasayi dawa dandeayi sea Gristo, aba gideaba gidang'wana gil.

Bibliyeeda Ghaydit

²³ Geaminighisan aba dageascheemba ng'asha iyeenya. Geagasayi dawa dandeayi sea Gristo, aba gideaba gidang'wana gil.

Filippi 1:23 Referans Kwoze

2 Goriinto 5:8

Asi edaruusiitta, ak abeeda ghang'wana geesheagiidi saseeda ak geppiidi ghoah sea Ng'uttamiida.

Giidaheechta 14:13

Hean ghaayiinyi ghuutta nyaasha humng'eeda nea gwayi, “Ng'waara ng'asheesu: Ghang'wana siida meah ghamneawa meewsa heeda Ng'uttamiida. Ghang'wana huumwa, gwayi Gurorooda, ak gafuuf iing'atta gadiyeeda nyaawa, aba gideaba sinaweega nyaawa ghwaat geeshta!”

Gadiyeeda Giijasoodiga 7:59

Damani sifutteewa Stefaano lagheangean, ghamwaash Aseetta nea gwayi, “Ng'uttamiida was Yeesu, deabwa guroroodeanyu.”

Lukka 23:43

Ak gwayeeshsha, “Aba huumwa geayeeshshineey askweareeni, gajendeayesiina nyeamus.”

2 Dimoteo 4:6

Aba gideaba aniini ghamneawa gajeetaydanaan doow gujaweeda ak ea nihiitta damanda jea dameawa.

Yohaana 17:24

Bwaabwa, suu ghayi igonnyeaniin geagasayi dandeawa galeagasean aba hiji eandi sean, ak abeeda ghwadaa gigheambiitteanyu ghayi igonnyean, aba bwariinyeegaagu nea miyeabwat sindeetta ng'eanyiida.

Yohaana 12:26

Siida jea gwasinnean gadiyeeda geaghus gweadu geeshtteanyu; ak abeeda heeda eandi aniini eara soomjeadeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

1 Desaloniikke 4:17

hean abeeda aseaseeda suwoschi majeekcheewiin, suhuuydeannyiin, gajeassealdaneasa sea saawa aba jeeda shamoghuutka, ak geadeapti Ng'uttamiida aba heettiyeada; ak abeeda gajendeawana Ng'uttamiida galeagasean.

Yohaana 14:3

Nea iyeawi ak geasinneegwa hoorgeedeang'wa, gaydabiigu gichcha ak ghayachcheagwa heedeandi, abeeda heedeandi aniini eara agooga gajandana.

Lukka 12:50

Ak gwanda giibattiisanda miisa gideaba gajeeppattiisanan ea eaghus anihiit!

1 Desaloniikke 2:13

Nea iissa geebadiischeesi Aseetta galeagasean appadaydeaba ng'asheanji, gideaba deanoang'ng'waanyi ng'asheanda Aseetta ghayi oyiing'si heedeanya, ea moang'ng'waaydani ng'asheanda buuneeda ghoanung' gawuurji ng'asheanda Aseetta, biissa gagadiyi aba jeedeang'wa agoogeeda mideawa masaweega.

Yohaana 13:1

Hean nea mii ghwahidu ghwelmeeda Basakka nea ninal Yeesu gideaba damandaannyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ahuumwa gil ghabwariiy ea ghwanaawda.

Lukka 8:38

Gamus Siidida sihhaabwa meangeendean iidaa nea gawa hean gwaneawsageaw nea gagasa godeayi, ghwanung' gawa nea gwayeeshsha,

1 Desaloniikke 2:1

Aba gideaba fuga eaduupcheewi ghoanalli, gideaba gidasupkaandi heedeang'wa mii mwadaagha gil;

2 Goriinto 6:12

Aseasa meakghumeagwa, agooga ghoaghuumeegwa haleanjeetta oabwariinnyiin.

Filippi 1:24

Amaduw amiy muuchchi iyeabiidi aba saseeda appadahuukkeagwa.