Filippi 1:15 - NEAJEEDA EESH BEA BUUNEESSEAN

¹⁵ Aba huumwa gwanda fuga inyeesa gwarukwiida iitta Gristo aba lajoodeaba ghuut ea foolayda, nea suuk gearukwiida aba gidamiy sigasa.

Bibliyeeda Ghaydit

¹⁵ Aba huumwa gwanda fuga inyeessa gwarukwiida iita Gristo aba lajoodeaba ghuut ea foolayda, nea suuk geerukwiida aba gidamiy sigasa.

Filippi 1:15 Referans Kwoze

Filippi 2:3

Adisni ng'asheanda aba shidoodeaba ghaang' ghana aba ghwarjeeda, sina aba eatteaba geaw bea ng'eanyi nea ginung' ghoaw buuneeda suurja fuga miyaas ea ghang'alleagwa.

2 Goriinto 11:13

Aba gideaba fuga uurji suu giijasoodiga ng'uyyeega, nea iissa gwasin gadiyeeda aba rengaweega, fuga iissa ghwayamgeat ak gwasin geat giijasoodiga Gristo.

2 Goriinto 4:5

Aba gideaba meerukkuuni ng'asheega badahuukkaasa aseasa geerukku gideaba Gristo Yeesu Ng'uttamiida, ea gideaba aseasa geewoschi soomjoogeagwa appadayda Yeesu.

2 Goriinto 1:19

Aba gideaba Balleanda Aseetta, was Gristo Yeesuun ghayi surukku iittaannyi aba jeedeang'wa, Silwano ea Dimotteo ea aniini, mii Eahi ghana Manda; nea aba jeedeaba niny galeagasean iissa ea Eah gil.

Mattayo 23:5

Gichcha sinaweega nyaawa sean inyeessa gwasin ghwadaa buuneeda aba gideaba iissa gooheettu barawajeegeagwa bea mooshta ghawooda, nea googeawiidi seapseata nyaawa.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Galattiya 2:4

Iiduw appadayda oorjoogiyya bea ng'uyyeega siyeanna makcheameeda, ahuudaan ak ghamwaal giibaldeanya bea geat aba jeeda Gristo Yeesu, ak gagasa ghwaadeasa jeeda soomjeandumeeda,

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

1 Goriinto 13:3

Iyaadaydi haleanjeedeanyu sean eandeawi, ama adaydi saseedeanyu eaghwarda, ak ea meandeawani bariinyeega, ea meanyasi gil.

1 Goriinto 1:23

amaduukku aseasa geerukkwiidi Gristoyda ghayi singoor, aba heeda fuga Yahuudi gwaruusa fii nea aba heeda fuga Emoojiga ea lendeeda gil,

Gadiyeeda Giijasoodiga 11:20

Ak gwanda fuga mwaatkwa, was fuga leabu Saypras ea Grene, amaduw nea ghapka ng'eanyiida Antiyokkiya gobalool eara fuga Yunaani, nea gwarukkwiida iitta Ng'uttamiida was Yeesu.

Gadiyeeda Giijasoodiga 10:36

Ak ghoanalli ng'asheanda ghayi ajeaksa fuga Israeeli, bea rukwiideayda giijasta miy bea hoyyoo aba naweetta bea Yeesu Gristoohiin, (nea niny ea Ng'uttamiida buuneessean,)

Gadiyeeda Giijasoodiga 9:20

Ak deagheatta ghoong'eat ghuutta rukwiideayda iitta Yeesu, nea gwayi, aba jeeda ghoorajeega sinnealshachcheewa gideaba “Niny Balleanda Aseetta.”

Gadiyeeda Giijasoodiga 8:35

Ghang'eat Filippo ghwajaat ghuuttaannyi, nea ghoong'eada ng'ooruussu ak gwarukusa giijasta miy bea Yeesu.

Gadiyeeda Giijasoodiga 5:42

Nea galeagasean iissa aba jeeda gheeda sibatta Aseetta ea aba ghoah ea mii ghwanung'waada ginealshooda ea rukkwiideayda Yeesu gideaba Gristohi.

Gadiyeeda Giijasoodiga 8:5

Gawa Filippo mujiineeda Samariya ak gwarukwiisa saawa ng'asheega Gristo.

Ruumi 2:8

nea fukka aheakkiida suurjeaniin biissa ea moawalla ng'asheega huumwaan, nea gwasinniisa mureeda ng'asheega munyas, gay ghwanyas nyarasta ea gharbeeda.