Efeeso 6:23 - NEAJEEDA EESH BEA BUUNEESSEAN

²³ Gagasa ghwanyas oorjoogiyya hoyyoo ea bariinyeega ea masaweega leabu heeda Aseetta was Bwaabwa ea Ng'uttamiida was Yeesu Gristo.

Bibliyeeda Ghaydit

²³ Gagasa ghwanyas orjoogiyya hoyyoo ea bariinyeega ea masaweega leabu heeda ASEETA was Bwaabwa ea Ng'utamiida was Yesu Gristo.

Efeeso 6:23 Referans Kwoze

Galattiya 6:16

Hoyyoo ea baydeayda gagasa ghwanyas fukka sean ang'ng'waay deaweedeeni, appadayda Israeeleeda Aseetta.

1 Betro 5:14

Ookkatta geat nea goosamayi geat aba bariinyeega. Gagasa anyasa weayda oagassean mida jeeda Gristoohiin.

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

1 Dimotteo 1:14

Ak ghanyaschi muuchi dagheerjeandumeeda Ng'uttamiideanya, ea masaweega ea barinyeega mida jeeda Gristo Yeesu.

Giidaheechta 1:4

Yohaana heeda ganiisajeega assispwa mida Asiya: Gagasa anyasa dagheerjeandumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda guroruunat ispwa mida madeeda hoorgeadaannyi bea sugoochcheandumeeda,

1 Dimotteo 1:3

Damanda ghayi eaweewi Makkedoniya geamuscheeyi gideaba abiidana Efeso. Ak eara ghamneawa geamuscheey aba gideaba gwanda fiisu anaal ginealshooda ng'uyyeega aghuuma fiisu.

2 Desaloniikke 3:16

Asi ghamneawa gagasa gagooneegwa weayda Ng'uttamiida ninyeeda mideawa weayda galeagasean aba naweadinga sean. Gagasa gobiida Ng'uttamiida heedeang'wa oagasean.

2 Desaloniikke 1:3

Aseasa gammiiseasa ebadiischeesiina galeagasean appadahuukkeagwa, fuga eaduupcheewi, ak ea gittoobiiwsiinda gil, aba gideaba masaweegeagwa niheedu muuchchi, nea bariinyeega gilwas sih aba jeedeang'wa aba hichpa nuut ea niihaada.

1 Desaloniikke 5:8

Duukku, aseasa deesuwooseewi fuga askwearda, gagasa endeawana gheadeenda, nea geediinyi daghanuunatkaasa igeambooda masaweega ea bariinyeega, nea nngoofanjeandeanya bea gharinyeanda gagasa eanung' ghoaw rarooda jea gweadu lealeanooda.

1 Goriinto 1:3

Gagasa andeawana dagheerjeandumeeda ea hooyyoo leabu heeda Aseetta was Ghweandeanya ea heeda Ng'uttamiida was Yeesu Gristo.

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Yohaana 14:27

Gaydanung'uneegwa hoyyoo, geagonnyeegwa hoyyooydeanyu; maydagoondaneegwa gidagonniida ng'eanyiida. Asi adagwasawana guroruunatkeagwa, nea adaghang'udeagwa muuwda.

1 Dimotteo 5:8

Gili was sii mwaghamwada fugaaschi was fugaabwa gheanyi niheawa masaweega, ak gamunyiiti ea ghang'al siida mandeawana masaweega.

Ruumi 15:33

Aseetta mideawa weayda gagasa goobiida headeang'wa oagasean. Amin.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

Efeeso 6:24

Gagasa gagooneegwa Aseetta dagheerjeandumeeda sea Fuga sean bwariiy Ng'uttamiida was Yeesu Gristo, appariinyeega manda mudeanooda.

3 Yohaana 1:14

ak ghaararji gideaba gaydabay dadaanyi, ak abeeda gajeebaloola nea geeng'ulayi geat.