Efeeso 6:12 - NEAJEEDA EESH BEA BUUNEESSEAN

¹² Aba gideaba ng'uchcheedeanya maba saseeda ea foojeanda gaba badayda sugoochcheandumeeda ea gheambalmeeda appadayda fuga ambaliischi bea jeedeaba misaneani, appadayda shirikkareeda meangeenda munyas aba jeeda daroorakka humng'eeda.

Bibliyeeda Ghaydit

¹² Aba gideaba ng'ucheedeanya maba saseeda ea foojeanda gaba badayda sugoocheanduumeeda ea gheambalmeeda aba badayda fuga ambaliischi bea jeedeaba misaneani, aba badayda shirikareeda meangeenda munyas aba jeeda darooraka humng'eeda.

Efeeso 6:12 Referans Kwoze

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Golosaayi 2:15

Ak ghoareat fuga mideawa uurda gheambalmeeda dabitta ng'uchcheeda ak geanu ghoaw gichchea eahhiimda aba eeshpwara aba saawa, ak gahoosan appadahuukka nyaawa.

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Efeeso 1:21

hean goombal fuga ambaliischi sean ea gheambalmeeda ea uurda ea sugoochcheandumeeda, ak ghang'attaawa gheawunga sean ghayi sing'at, ak ea mii aba seaygeeni gil eara diitta jea ghwahiduun;

Ruumi 8:38

Aba gideaba naanalli aba huumwa gideaba ea miyeeda, ghana eaweega, ghana malaykajeega, ghana gea ambaliischi, ghana ng'asheega ghamneawa bunu, ghana gea jea ghwahidu, ghana fuga mideawa uurda,

Efeeso 3:10

ak aba naweeda ganiisa abeeda weaghumeeda Aseetta meammu ettean abeeda ghwanal sugoodiga ea gheambalmeeda aba jeeda daroorakka humng'eeda.

Efeeso 1:3

Ghawooda daba Aseetta ea Bwaabwa Ng'utaamiideanya was Yeesu Gristo, ghayi goaneasa ghawooda aba jeeda Gristo aba giliwas ghawooda gurorooda aba daroorakka humng'eedean,

1 Goriinto 15:50

Gearukuneegwa ng'asheesu, fuga eaduupcheewi: saseeda ea foojeanda maygwahearan sugoochcheandumeeda Aseetta, ghana dea jea ghami mayghoammu gwahearan dea mayghami.

1 Betro 3:22

nea niny eanuwa humng'eeda ak gwanda meatkweeda geattinda dugwa bea Aseetta, sea malaykajeega, ea gheambalmeeda, ea uurda ak gagadiyeesa niny.

Ebraniya 12:1

Asi, dea nineaweesiinaneasa shamooghooda haw bea muushoodiga, gagasa easaja giliwas sareenda, ea ring'eeda nekkiisseasa muuchchi ak ghwanung' eesalda nea geemmiriikchi ng'weega siyiin madeedeanya,

Yohaana 14:30

Maygutteabaloolaneegwa gichcha ng'asheega saang'a aba gideaba siida ahaaghwa ng'eanyiin gayghwaan. Aba heedeanyu niny moammu gil;

Yohaana 12:31

Damani nihitta heeda jea ergweaksiina ng'eanyiini, nihitta damanda jea ejakteawa siida ahaaghwa ng'eanyiini.

Yohaana 16:11

aba ng'asheega girgweaksiinda, aba gideaba siida ambaliischi bea ng'eanyiida sirgweaksa.

Lukka 22:53

Eajusu nea gendeaydooschi galeagasean aba jeeda gheeda sibatta Aseetta, ghanea miyoang'ng'wanyaan ak ghamneawa nii ea damandeang'wa gil ea uurda misaneeda.”

Lukka 13:24

“Amilmiliitta ak goosikchi gidaghuutta mwanang'; aba gideaba geayeeshshineegwa, gaygagasa fuga saang'a gwasik ak ea mayghoammu.

2 Dimoteo 2:5

Eara siida igalleada aba jeeteangheeda mwajeataw shiipka imagaleada muuchchi.

Mattayo 16:17

Ghwasha Yeesu nea gwayeeshsha niny, “Ging'wani ang'iing'i, Simoneeda Bar-Yoona! Aba gideaba ng'asheanji moadaajiida saseeda ea foojeanda nii ghoahiimneey Bwaabwa mida humng'eeda.

Ebraniya 12:4

Aba ng'uchcheedeang'wa sea ring'eeda miyoahhang'waanya ea eeyi bwak ea oahhiida foojeandeang'wa.

Galattiya 1:16

ak geanung' ghoahimnaan Balleandaannyi, ak abeeda geerukkwiidi aniini iittaannyi aba jeeda Emoojiga, aniini mwaawunani saseeda ea foojeanda,

Marko 4:19

iiduw ghwahidu mittagheasta muunda ng'eanyiida bea geaba gassooda baruureega, ea sechmeeda seach saawa gilinyoo ghwariis ng'asheandida, ghwanung' ea mudugwaji haghweega.

2 Goriinto 11:14

Ak ea mayghaham fih ng'eanyi, aba gideaba eara Shattaani iissa ghwayamyam geaw gawuurji malaykajeanda weeshinda.