Efeeso 5:3 - NEAJEEDA EESH BEA BUUNEESSEAN

³ Nea hiseadayeandumeeda ea ng'asheega munyas sean ghana gassooda ng'asheega munyas adiiduw geyiingsa jeedeang'wa, aba gideaba nii ghwahit aba jeeda fuga ghaydidi.

Bibliyeeda Ghaydit

³ Nea hiseadayeanduumeeda ea ng'asheega munyas sean ghana gasooda ng'asheega munyas adiidu geeyiing'sa jeedeang'wa, aba gideaba nih ghwahit aba jeeda fuga ghaydidi.

Efeeso 5:3 Referans Kwoze

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

Efeeso 5:5

Agooga ghoanalli ng'asheanji gideaba siida hiseada ghana dea sina ng'asheega munyas ghana dea gaseadayyi haleanjeeda ea dea (bada gidamwadaagha ghwanung' ghoaw Aseettaannyi) manda dea jea gwahearan gheambalmeeda Gristo ea Aseetta.

1 Desaloniikke 4:3

Aba gideaba ng'asheesu gea bwariiy Aseetta gil was gimmiinnoodeang'wa, ak gohhelleewi geat hiseadayeandumeeda;

1 Goriinto 6:18

Asalda anung'wana heeda mealuuleega. Gilinyoo ea riing'eeda gil sin siida gwanda badayda saseeda; amaduukku siida mealuul gwasin riing'eeda aba saseadaannyi nea gabwageaw.

1 Desaloniikke 4:7

Aba gideaba Aseetta maguurneasa eppiidana jeeda ririnnyeanda was ng'asheega munyas, gagasa eppiidana jeeda ghaydidanda.

1 Goriinto 6:13

“Hamitta gaba jeeda, nea jeeda gaba hamitta,” ak gaygwanyarja Aseetta duwaaw. Amaduukku saseeda ea maba mealuuleega, gaba Ng'uttamiida, nea Ng'uttamiida gaba saseeda.

Efeeso 5:12

Aba gideaba gaba baspaseega ruknooda ng'asheega sisin aba makcheameeda;

Mattayo 15:19

Aba gideaba jeeda gurorooda gwarittuuna gittemshajeega munyas, nuusta siida, mealuleega, hiseadayeandumeeda, mareanghumeeda, muuwunooda ng'uyeega, ea beeshta siida.

Giidaheechta 2:21

Ak ea naadawji gheatta gwaduukkuuna, ak ghaheawa duukkuunooda mealuuleegaaschi.

1 Goriinto 10:8

Nea adeemealuulli ak gewuurjeewi gidasiinda fuga mwaatkwa aba jeennyaawa, ak ghoabeeda fii sagalamnyooji diktam ea samwagu aweachchaanjagi.

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Giidaheechta 2:14

Ak geandeawi ng'asheesu ng'ay appadaydaang'u: gideaba gindeawi fiisu ng'ay aba hoowa aat geeshta ginealshooda Balaamu, niny ghayi ghoanaal Balakki ak gwaruusa balloojiga Israeeli ak ghwanung' ghwaak hamichchoojiga siyaat lukghumajeega siittaw haleanjeeda mawosa Aseetta ea biissa mealuleega.

1 Goriinto 5:1

Gwanda iitta huumwa nighayda bea gideaba jeedeang'wa gwanda fuga mideawa searoojiga munyas, ak gabiissa ea muy ea manda earaba jeeda Emoojiga; bea gideaba iissa siida gwalluudayi gatmooda ghwaan.

Giidaheechta 9:21

ak ea maduukkuuna nuusta nyaawa bea buuneeda, ghana beeneetkuumeeda nyaawa, ghana munyasnachcheekka nyaawa ghana gwadishta nyaawa.

2 Betro 2:3

Nea aba shidooda nyaawa bea ghaang' gaygoheadeesa haleanjeeda appadahuukkeagwa aba ng'asheega ng'uyyeega; ghang'eada garayi girgweageeda nyaawa ghanyea maygafuuf, nea nyariida nyaawa ghanyea maygwalil.

Ebraniya 12:16

nea adagwanda siida sina ng'asheega munyas ghana dea meawalla gheang'da Aseetta uurji Esawu, ghayi shaayda hawundaannyi doobiiwsa aba agiischooda assagi.

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

Ditto 2:3

Ak eara gadeemga woosi gamiisa ea fuga sinniisa geat mureeda gil, nea adagwanaba ng'uyyeega, ghana leeyeanda, gamiisa gideaba gaygoonealli ng'asheega miyaas,

2 Dimoteo 3:2

Aba gideaba buuneeda gaygaba nii bwariiy geaw, ak gaygaba siisi bwariiy lappiya, gaba nii ghwargeaw ea gea weashweashta ea gea ging'weakka ea fuga mwamwasa ng'asheega jilnoodiga nyaawa ea gea mandeawana badischooda ea gea miimiyaas.

Gadiyeeda Giijasoodiga 15:20

ak ging'oorsi gideaba adoayaaji hamichchoojiga mideawa ririnnyeanda gidamawosa Aseetta ak ghwasaja geat hiseadayeandumeeda ea gida sing'ng'waay ghuutta ea foojeanda.

2 Betro 2:14

gheanyanga nyaawa ghwannyiit hiseadayeandumeeda, ak ea malang'uutta aba ring'eeda. Iissa gwareengani jeesinga ng'arng'ari. Ak gwandeawa gurooruunatka sinnaal shidoodeaba ghaang'. Diibiga sumwaashta!

2 Betro 2:10

nea ghwaraanya giikka aat geeshta ng'asheega gasa saseeda aba gassooda ng'asheega munyasiin nea gafool gheambalmeedean. Daruuschi mideawa uurjeenga meawalla ging'weakka haleanjeeda gheambiideadi,

1 Betro 5:2

Oahaaghwana mughusheanda fuga Aseetta ghayi siiteaganeegwa, nea goomiineadaysi, nea meediingseegwa, asna aba gidoogassiidi nea adoosinnyi aba gideaba googasayi lappiyeeda baspaseega, asi asna nea goommajeekchi,

Ditto 1:11

gidabal gearat ghuusiga nyaawa aba gideaba fiisu inyeesa gahutteawi buuneeda aba ginealshooda ak ghwanyas haleanjeeda aba ginealshooda mwadaagha.

Ditto 1:7

Nea jeagiischoochcheanda ganiisa, was siida sitteaga gadiyeeda Aseetta, gammiisa ea meerukunana badaydaannyi ng'asheega munyas; ak gagasa ea maba ghwarja ghanea mii assas nyaras ak ea mii leeyeanda ghana gwajala ghana gwashissa ghaang' haleanjeeda mwahida,

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida gheangnyachi gil, ak ea mii siida bwariiy lapiya,

1 Dimotteo 2:10

Ak suulga nyaawa gidabal ea gibinda nyaawa miy gil aba gideaba nii gidamiisa gadeemga awali Aseetta.

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

Ruumi 16:2

ak geagasayi gideaba gajadeapta aba gheawunga Ng'uttamiida, gawuurji gidahaguuwda fuga ghaydidi, ak ghoaweachchi aba ng'asheega wassean deeppa gagasa aba heedeang'wa, aba gideaba niny nuweat fuga saang'a ak ghaweadan earaniini.

Ruumi 6:13

Nea adiiduw ghoattaydi sasanuukeagwa ghoaw dabitta jea eesna ng'asheega munyas bea ring'eeda, ghang'wana ghoattawji geat Aseetta nea goowuurjeewi fuga majeekcheewi iing'atta miyeeda, nea ghoattawji Aseetta sasanuukkeagwa ghoaw dabitta doobiiwnatta.

Ruumi 1:29

Ninnyiit jeesinga nyaawa ng'asheega sean munyas, munyinda, ea shidoodeaba ghaang; geawunda gheangda. Lajoodeaba ghuut, ea nuusta buuneeda, ea jaleadinga, ea reengaweega, sichcheeda, fuga aga badahuukkeaba geat,

Gadiyeeda Giijasoodiga 20:33

Ak ea mii dashissa ghaang' lappiyeeda siida ghana lagheanga meeng'meeng'i ghana eagweega.

Lukka 16:14

Iiduw nea ghwayiiy Farisayajeega ng'asheesu seaniin gwashka niny aba gideaba sawa ghabwariiy lappiya.

1 Dimotteo 6:10

Aba gideaba gumdooda ng'asheega munyas sean gweadu bariinyeega lappiya, ak buuneeda mwaatkwa ea ninungwaada masaweega aba bariinyeesu bea lappiyaan ea gwasawan jeesinga nyaawa.

Lukka 12:15

Ak gwayeeshsha saawa, “Afra geat aba geawunda gheang'da; aba gideaba eaweega siida manda jeeda haleanjeeda saang'a mideawa.”