Efeeso 4:14 - NEAJEEDA EESH BEA BUUNEESSEAN

¹⁴ aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

Bibliyeeda Ghaydit

¹⁴ aba gideaba adeebiikti gicha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeameeda bea giinealshooda fughareenga, aba milmilanda buuneeda ea seechmeeda nea geayaachi naweedinga reengani buuneeda.

Efeeso 4:14 Referans Kwoze

Ebraniya 13:9

Adiiduw ghoayaachchi geeshta ng'asheega saang'a ea ginealshajeega hidu; aba gideaba ghwahit geemmajeek gurorooda aba dagheerjeandumeeda, nea mii aba hamichchoojiga gil, ak ea mwanyagaada aba gidaat geeshta.

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuuwa diibiga aba ng'asheega munyas, nea aba fughareengeagwa ghoahuuyi fuga hees.

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahhiida ng'asheanda Aseetta; gagasa ewuurjeewana fuga mideawa doobiiwnatta, was fuga adaw Aseetta gadiyeeda, aba madeeda Aseetta iissa geebaloolli appadayda Gristo.

Yakkobo 1:6

Ak gagasa gamus aba masaweega, nea mamwachmwaja gil, aba gideaba siida machmajiischi gawuurji laweachkweeda basooda aat jeammeeda nea geyyuuk.

Efeeso 6:11

Oang'ng'waanya dabitta ng'uchcheeda sean bea Aseetta ak gajoammuusa otteala ng'asheega rengaweega bea meang'nyeandeenda.

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

2 Dimoteo 4:3

Aba gideaba gayghwahidu damanda jea eaheawa ginealshooda mideawa eaweega ak ghwaat geeshta naweeda gidagasiida saawa ak gwanyaksa geat gimughuscheekka ginealshoodiga aba gideaba gwandeawa idiga jea gwasikkiideawa ng'asheega.

Yuuda 1:12

Suu geeyeatta ghuussi aba ghweelmajeegeagwa, aba damanda leeshoodeang'wa iyoabwachchi geat, nea iissa goong'ulayi geat; shamooghuutka manda beega, nea iissa ghwaat jeammeeda; geediga manda haghweega doomeelda shing'da, nimeewa deabiyyeenya, ak gealoatta;

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Galattiya 3:1

Ea fuga Galattiya dasheahi! Goong'ushooneegwa ng'eaha, Yeesu Gristo geala bwadaw ak geengoor aba eeshpwara aba madeedeabeang'a?

Mattayo 24:11

Amaduw gayghwahidu sibanga saang'a bea ng'uyyeega ak gaygwareengani fuga saang'a.

1 Yohaana 2:26

Geang'oorneegwa ng'asheesu appadayda fukka gasa gwareenganneegwea;

2 Dimoteo 3:13

Ak fuga munyasearooji ea gea ng'uyyeega gayghang'atta mwadi ak ghwaranya buuneeda nea eara saawa geereengani.

2 Goriinto 4:2

Siheawi ng'asheega baspaseega, ea naweadinga ng'uyyeega; ak geaheawi gideaba gajeesna milmilanda ghana eyyamujeena sea ng'asheanda Aseetta, geaghus aba ng'asheega huumeanda surgu aba eeshpwara ak geaghwarji geat aba giliwas fughareemba sih aba madeeda Aseetta.

Mattayo 11:7

Ngeatng'eat gabiikta, gwarukusa Yeesu emeeda ghwanyawa badageat iitta Yohaana, “Gooweayi adaaha naaha aba dareapcheeda? Nyeeshtooda ayuuk jeammeeda?

1 Goriinto 12:2

Ak ghoanalli gideaba damanda ghayi owoseewi fuga mandeawana masaweega, geehutteawweegwa ak ghoabwachchi haleanjeeda mawosa aseetta, ak earagwasa ghaghanyi sihheelleewaneegwa.

Gadiyeeda Giijasoodiga 23:21

Asi adumwasi aba gideaba ghamneawa gwanda fuga abiina haradam jea gwanuus, eaniyaak habeawooda gideaba maygweagischi nea mayghwali gil ea eaghus ea sinuus Baulo; ghamneawa saawa ghoammughu gidajea nyaasha ang'iing'i.”

1 Yohaana 2:19

Nea saawa ghabeawa heedeanya, ak ea maba meatkweedeanya; aba gideaba inyeeda gaba meatkweedeanya, gwachchi gaygoobiida heedeanya; hean ghang'eatng'eat gwaritta jarooda, ak ghwadaajiit gideaba maba sean meatkweedeanya.

2 Betro 2:18

Aba gideaba iissa gwargu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

Yakkobo 3:4

Ang'ulla maleambajeega hees ea gwadeenachcha naaha iissa ghwaat jeammeeda ng'waan, iissa geasaja gidamwanang' muuchchi sumwanmwana ak gogeal siida mwanmwan heeda wassean gasa gawa.

1 Dimotteo 3:6

Ak ea adaghoaw siida duughwalalaan askwearjoojusu neekiin, ak ghaghwargeaw ak goobeedeaysa jeeda girgweaksiinda gawurji gidasihinda Shataan.

2 Dimoteo 1:15

Ang'iing'i ginali gidaghayi nungsiindanean heeda fuga ng'eanyiida Asiya eara geaba gwanda jeeda eara geaba Figelo ea Hermogene.

1 Goriinto 3:19

Aba gideaba weaghuumeedeaba ng'eanyiini leendeeda gil aba heeda Aseetta. Aba gideaba geang'waar, “Siida ang'ng'oonyi siida weaghoot aba jeeda milmilanda nyaawa,”