Efeeso 4:12 - NEAJEEDA EESH BEA BUUNEESSEAN

¹² ak ghoadaw fuga ghaydidi uurda jea gwasna gadiyeeda Aseetta ak geemajeek saseeda Gristo,

Bibliyeeda Ghaydit

¹² ak ghoadaw fuga ghaydidi uurda jea gwasina gadiyeeda ASEETA ak geemajeek saseeda Gristo,

Efeeso 4:12 Referans Kwoze

Efeeso 4:16

niny googuuyi saseessean ak ghwanung' ghoang'ng'waay geat robuutka, ak ghoadaw gilinyoo ea roobadeeda gil gichchea gwasinda gadiyeadaannyi muuchchi ak aba sareani gwaheedu saseessean nea ghwadeas geaw aba barinyeega.

1 Goriinto 12:27

Asi noahuuyi saseeda Gristo nea gaba siisi was roabadeadaannyi.

Ruumi 15:14

Asi neasikteawi aniini iitteang'wa, fuga eaduupcheewi, gideaba earagooga goondeawi alooheeda haw, ak ghwanyiideagwa fughareenga sean, ak ghoammuuschi oattoabiiwa geat.

1 Goriinto 14:26

Fuga eaduupcheewi, asi gajeeyeanaan? Iyoobwachchi geat, gaba siisi mideawa duumda, ea ginealshooda, ea gidaheachta, ea iit nuut, ghana rooppunooda ng'asheega.

Ruumi 14:19

Asi iisunu geang'ng'waanyi ng'asheega weayda ea ng'asheega miyaas jea gwadeekneegwa.

1 Dimotteo 1:12

Aniini geabadischeesi Yeesu Gristoyda was Ng'uttamiideanya goonan uurda aba gideaba ghwadaa geawoschi doobiiwaat, ak ghwayiinan jeeda gadiyeedaanyi.

1 Goriinto 14:12

Gwasnu earaba heedeang'wa; aba gideaba googasayi muuchchi gideaba gajahuuwa fuga mideawa uurda aba Gurorooda, agassa muuchchi gideaba gajandeawana ak ghoadeaschi ganiisa.

Ebraniya 13:17

Asissiina mureeda fuga ahaghwaneegwa nea googadiyeesi; aba gideaba saawa gang'ula guroruunatkeagwa, nea gawuurji siida jea godayyii ng'asheega. Asi saawa gagasa gwasin ng'asheesu nea gahoosan, nea adagagiisan, aba gideaba ng'asheega sunu maygwarachchi gil aba heedeang'wa.

Ebraniya 6:1

Asi aseasa eweaya mwadi eanung'waada ng'asheekka ghayi bea garayi bea ginealshooda Gristohiin nea gehittiisi heeda, ak ea adagudeesinnyi sindeetta duukkuunooda aba gadiyoojiga nimeewa ak geendeawi masaweega aba heeda Aseetta,

2 Goriinto 6:3

Meagassi eayiina naweemba siida wassean gichchea gwaruusa, ak abeeda eameedeaksiina gadiyeedeanya munyinda,

2 Goriinto 5:18

Amaduw haleanjeessean gwaleabu heeda Aseetta, ghayi aduupchaneasa aseasa sea niny aba naweeda Gristo, amang'atta gagoaneasa gadiyeeda giduuupcheeda;

Lukka 22:32

ak aniini ea namwaaschi Aseetta amwasuunya masaweagaagu, ama ibiikeani gimajeegi oorjooga geamadu.”

2 Dimoteo 4:5

Asi ang'iing'i mideawana gheadeenda aba haleanjeessean, milighteaysiina gea munyas sina gadiyeeda rukwiideayda giijasta miy ahiida gadiyeedaang'u nea gidoobiiw.

Golosaayi 4:17

Arukusiina Arkipa, “Gideaba ng'ulla muuchchi gadiyeetta goonnyi Ng'utamiidean sina nea gihiidi.”

Golosaayi 1:28

Niny geergu aseasa, nea gereekusi giliwas sih nea geannaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

Golosaayi 1:24

Ak ghamneawa geang'weelayi aba sawanadeeda anyaschi appadahuukkeagwa, nea aba saseedeanyu ghahiichchi giikka shoodaan aba sawanadeeda Gristo appadayda saseadaannyi, nea ea ganiisa,

Efeeso 1:23

was saseadaannyi, nea hidoadaannyi gil was dea annyiit haleanjeessean aba jeeda haleanjeessean.

2 Goriinto 12:19

Ghoang'ng'wa apkaada gideaba geefurji geat aba heedeang'wa? Nii ammadeeda Aseetta geebaloolli aba jeeda Gristo, nea aba sean gedeegu bariinyeegeagwa, fuga abwariinyi.

2 Goriinto 7:1

Iinukkwa gendeawi hellesiini fugeasu abwariinyi, abeeda ghang'wana geehhuunnyi geat aba ririnnyoojiga sean bea saseeda ea gurorooda nea geemmajeekchi ghaydidanda aba gheawalmeeda Aseetta.

2 Goriinto 4:1

Asi aba sareani, iinukwa gendeawi gadiyeeni aba baydeayda Aseetta, ghanyea meabealbeali.

2 Goriinto 3:8

abeeda deaweedeeda Gurorooda ea majeefurda ak ea majeadeapta aba giigheambiitta hawi?

1 Goriinto 14:14

Aba gideaba iyaamwaashchi Aseetta aba iit nuut, ghamwaach guroroodeanyu Aseetta, nea fughareedeanyu ea mandeawana haghweega.

Ruumi 15:29

ak ghaanalli gideaba iyaahidu ng'eang'deang'wa gaydoan nea geawoschi hidaat aba ghawooda Gristo.

Ruumi 15:2

aba jeedeanya daba siisi ahoosan gischeewoochcheandaannyi aba ng'asheega miyaas ak geemmajeek masaweagaaschi.

Ruumi 12:7

ii gadiyeeda gil, aba jeeda gadiyeedeanya; ama ii siida anealshi, aba jeeda ginealshoodaannyi;

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Gadiyeeda Giijasoodiga 20:24

Ak ea mwanung' ghoaw eaweegeasu gil ghana danung' ghoaw gidaghaloamwaat, geagasayi ghanyi dahiit gadiyeedeanyu anyaschi aba heeda Ng'uttamiida was Yeesu, ak geammuuwwu iitta giijasta miy bea dagheerjeandumeeda Aseetta.

Gadiyeeda Giijasoodiga 11:23

Hitta hooweanji ak ghwadaa dagheerjeandumeeda Aseetta, gahoosan; ak gwayeeshsha fukkeanji oppiidana jeedeaba doobiiwnadi itteang'wean aba heeda Ng'uttamiida nea ghwaarjeang'da;

Gadiyeeda Giijasoodiga 9:31

Iiduw ganiisa aba jeeda Yudeeyayda sean ea Galilaaya ea Samariya ghwanyas hoyyoo nea gedeegu; hean ghabeawa muuwda aba heeda Ng'uttamiida nea gageanda salagheang'da Gurorooda Ghaydit ak ghoahaada.

Gadiyeeda Giijasoodiga 1:25

ak gwasin gadiyeeni bea giijasoochcheandumeedean, gawa horgeeda ghayi bea Yuuda nung'usa heeda niny ak gawa hich nuut.”

Gadiyeeda Giijasoodiga 1:17

Yuuda abeeda gaba meatkweendeanya aba gideaba gealoat eara niny gwasin gadiyeeni.”

2 Dimoteo 4:11

Lukka geandeayeesi hiji nea gabageaw. Gasa Marko ak giideani aba gideaba ninyi gayghaweadan aba gadiyeedeanyu.

Efeeso 4:29

Adagwarinna ghuusigeagwa ng'asheega munyas, inyeessa goobalooli gaamiyaas jea ghaweat gilinyoo ea siida gil, ak ghoadaw dagheerjeandumeeda fuga aleeyseegwa iit.

Efeeso 4:4

Saseeda aagi, ea Guroroonagi, gidaghayi siguursiindaneegwa,

2 Goriinto 13:9

Aba gideaba geehoosannyi isuwoschi ng'arng'ari ak gondeawi agooga uurda. Gissumwaashchi Aseetta gideaba gagasa amajeegiitta.

1 Goriinto 12:7

Nea giliwas sih goohiimsa Aseetta Guroroadaannyi aba alooheeda buuneessean.

Ruumi 12:5

gwasnu eara aseaseeni saang'aan, geewooschi saseanagi aba jeeda Gristo, ak gaba roobadeeni roochchi sea nuut.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.