Efeeso 3:7 - NEAJEEDA EESH BEA BUUNEESSEAN

⁷ Appadaydeaba giijasi miyiin geanung' doaw siida gadiyeeda gawuurji gidagoondanean Aseetta dagheerjeandumeeda ghayi sugoonan aniini aba uurda sin gadiyeadaannyi.

Bibliyeeda Ghaydit

⁷ Aba badaydeaba giijasi miyiin geanung' doaw siida gadiyeeda gawuurji gidagoondanean ASEETA dagheerjeanduumeeda ghayi sigoonan aniini aba uurda sin gadiyeadaanyi.

Efeeso 3:7 Referans Kwoze

Efeeso 1:19

nea aba gitteanna hawunda uurdaannyi meammu eetteen aba heedeanya was fuga mideawa masaweega, aba gidagadiyeatta uurdaannyi haw

Efeeso 3:20

Asi aba ninnyeeda mideawa uurda gadiyi aba jeesingaasa ghoammu gwasin ng'asheega saang'a ea ghang'al haleanjeeda sumuschi ea gea siipkaachchi,

Efeeso 3:2

ama deeppea noayiinyi iitta sitteaganean bea dagheerjeandumeeda Aseetta ghayi sugoonan appadahuukkeagwa,

2 Goriinto 3:6

aba gideaba niny dea nung' eammuusa eahuwa fuga gadiyeesa neajeedeesh, meng'oorsiina jeeda barawajeanda geang'waar aba jeeda Gurorooda; aba gideaba gissung'waar was deaweeda gaygwanuus, nea Gurorooda gagoona eaweega.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

1 Desaloniikke 2:13

Nea iissa geebadiischeesi Aseetta galeagasean appadaydeaba ng'asheanji, gideaba deanoang'ng'waanyi ng'asheanda Aseetta ghayi oyiing'si heedeanya, ea moang'ng'waaydani ng'asheanda buuneeda ghoanung' gawuurji ng'asheanda Aseetta, biissa gagadiyi aba jeedeang'wa agoogeeda mideawa masaweega.

Golosaayi 1:29

Nea geasawannyi geaw aba nii, nea geamajeekchi aba uurda sinoodeaba gadiyeeni iin jeedeanyuun.

1 Goriinto 15:10

Iiduu aba dagheerjeandumeeda Aseetta anaahuuyi gideawuurjeewi bea ghamneawa, nea dagheerjeameadaannyi aba heedeanyu ea maba mwadaagha. Aba meatkweeda niirja ghaaraanyi muuchchi aba sinooda gadiyeeda ea dalaabwa hoowa siida wassean aba saawa, nea mii aniini gil, nii gwasin dagheerjeandumeeda Aseetta mida heedeanyu.

1 Goriinto 3:5

Asi Apoolo ng'eaha? Ama Baulo ng'eaha? Soomjooga ghayi nung amwasa gil, gawuurji gidadawda Ng'uttamiida giliwas sih gwasin.

Ruumi 15:16

ak abeeda ghahuuyi siida gadiyeeda bea Gristo Yeesu aba jeeda Emoojiga, ak abeeda geasissi gadiyeeda Giijasta miy bea Aseetta gadiyeeda was ashohoochcheandumeeda ak abeeda ghoaw Emoojiga haleanjeeda sisappa geadi bea ghadooweeda miyaas, iing'atta nea nimmiidu Gurorooda Ghaydit.

Ruumi 1:5

nea appadaydeaba niny ghayi geanyaschi dagheerjeandumeeda ea giijasoochcheandumeeda ak ghwanyas mureeda ea masaweega aba ghawungaaschi aba jeeda emoojiga sean;

Efeeso 4:16

niny googuuyi saseessean ak ghwanung' ghoang'ng'waay geat robuutka, ak ghoadaw gilinyoo ea roobadeeda gil gichchea gwasinda gadiyeadaannyi muuchchi ak aba sareani gwaheedu saseessean nea ghwadeas geaw aba barinyeega.

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

Galattiya 2:8

(aba gideaba siitta gadiyi sea Betro aba gadiyeeda ghasmeahoodean gagadiyi eara niny aba heedeanyu appadayda Emoojiga),

2 Goriinto 4:1

Asi aba sareani, iinukwa gendeawi gadiyeeni aba baydeayda Aseetta, ghanyea meabealbeali.

Gadiyeeda Giijasoodiga 9:15

Gwayeeshsha Ng'uttamiida niny, “Una, aba gideaba siisi dabichcheanda siloat gil iitteanyu ghwaat gheawungeasu jeeda Emoojiga ea sugoodiga ea fuga Israeeli;

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.