Efeeso 3:2 - NEAJEEDA EESH BEA BUUNEESSEAN

² ama deeppea noayiinyi iitta sitteaganean bea dagheerjeandumeeda Aseetta ghayi sugoonan appadahuukkeagwa,

Bibliyeeda Ghaydit

² ama deepea noayiinyi iita siiteaganean bea dagheerjeanduumeeda ASEETA ghayi sigoonan aba badahuukeagwa,

Efeeso 3:2 Referans Kwoze

1 Dimotteo 1:11

Ak gineashooni ea diitta ghayi sigoonan darukwiida Gijasta Miy bea badayda gigheambiita Aseetta diitta mideawa ghawoodean.

2 Dimoteo 1:11

appadaydeaba ng'asheesu geayiinan doaw ginealshoocheanda ea gijasoocheanda darukwiida giijasta miy.

Ruumi 1:5

nea appadaydeaba niny ghayi geanyaschi dagheerjeandumeeda ea giijasoochcheandumeeda ak ghwanyas mureeda ea masaweega aba ghawungaaschi aba jeeda emoojiga sean;

Efeeso 4:7

Nea dagheerjeandumeeda gaba siisi siittaw aba aseesa aba gitteenna gidaguh Gristo.

1 Goriinto 4:1

Nii gidagasa ghwadaaktaneasa siida gil, gideaba geewooschi soomjooga Gristo ea fuga siitteaga gadiyeeda funyaat bea Aseetta.

Efeeso 1:10

ak goguuyi haleanjeessean aba niny, haleanjeeda mida humng'eeda ea gea mida badayda ng'eanyiida.

Galattiya 1:13

Agooga noayiinyi iitta ghayi bea giibindeanyu aba jeeda diineeda fuga Yahuudi gideaba geasawannyi muuchchi fuga Ganiiseeda Aseetta nea geagasayi dalas uhuuda;

Gadiyeeda Giijasoodiga 22:21

Ak gwayeeshshinean, ‘Una aba gideaba gaydeajeaktaneey heeda sheagi was ng'eanyiida Emoojiga.’”

Gadiyeeda Giijasoodiga 13:46

Gabalool Baulo ea Barnaba aba meaynatta nea gwayi, “Gammiisa gideaba gayghanyi erukuneegwa ammadeeda ng'asheanda Aseetta. Amaduw nea ghoaheawi ak gohindi geat gili mammiiseegwa eaweega manda muudeanooda, ang'ulla, gajeeyamsiina geat Emoojiga.

Gadiyeeda Giijasoodiga 13:2

Ghayi eaweechcha nea ghabwat Ng'uttamiida, nea ghwarat jalooda, hean gwayeeshsha Gurorooda Ghaydit, “Aloada Barnaba ea Saulo gwasin gadiyeeda eaguursi gwasin.”

Gadiyeeda Giijasoodiga 9:15

Gwayeeshsha Ng'uttamiida niny, “Una, aba gideaba siisi dabichcheanda siloat gil iitteanyu ghwaat gheawungeasu jeeda Emoojiga ea sugoodiga ea fuga Israeeli;

1 Dimotteo 2:7

Ak aniini appadaydeaba nii geayiinan doow gijasoocheanda ak gearukwiidi giijasta nea ghawaschi gineashoocheanda fuga eemoojiga danal masaweega ea huumeanda. (geargu huumwa mearukni ng'uyeega).

1 Dimotteo 1:4

Ak ea adagang'ulla ng'asheega ghwasildeanga ea iitooda gheambaghweaniga mamudeana jea gweadu sheangnyeeda ak ea mwalooda gil nea mii gheambalmeeda Aseetta mida jeeda masaweega, asi sindunu.

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

Golosaayi 1:4

aba gideaba siyiinyi iitta masaweegeagwa appadayda Gristo Yeesu ea gidoobwariydi fuga sean ghaydidi,

Efeeso 4:21

abeeda ghayi iyoayiinyi ak geannaleagwa appadaydaannyi, humeanda mida jeeda Yeesu.

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.

Ruumi 11:13

Asi ghamneawa geebaloolleegwa agoogeeda was Emoojiga. Aba gideaba geewooschi giijasoochcheanda Emoojiga,

Efeeso 3:7

Appadaydeaba giijasi miyiin geanung' doaw siida gadiyeeda gawuurji gidagoondanean Aseetta dagheerjeandumeeda ghayi sugoonan aniini aba uurda sin gadiyeadaannyi.

Efeeso 3:9

ak ghwanung' ghwadaa buuneeda sean badiida makcheameeda ghayi sufuy aba gweannyeekka aba heeda Aseetta sin haleanjeessean;