Efeeso 3:17 - NEAJEEDA EESH BEA BUUNEESSEAN

¹⁷ nea goobiida Gristo jeesingeagwa aba naweeda masaweega, ak geng'eapseegwa jeeda barinyeega,

Bibliyeeda Ghaydit

¹⁷ nea goobiida Gristo jeesingeagwa aba naweeda masaweega, ak geeng'eapseegwa jeeda bariinyeega,

Efeeso 3:17 Referans Kwoze

Golosaayi 2:7

nea goongooreadi hawungeagwa ak geemmajeegeegwa aba jeadaannyi ak gamajeegiit masaweegeagwa, ak gawuurji gidaghayi siinnaaldaneegwa, nea goobadiisachcheesi.

1 Yohaana 4:16

Aseasa geanalli ak geamwaschi Aseetta appadahuukkaasa. Aseetta bariinyeega gil, ak siida abiida jeeda bariinyeega, goobiida jeeda Aseetta, ak goobiida Aseetta jeadaannyi.

Yohaana 14:23

Ghwasha Yeesu nea gwayeeshsha, “Siida ibwariinyan gayghoang'ng'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaannyi ak geppiidi headaannyi.

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Ruumi 5:5

nea rarooda ea maygwareenganneasa, aba gideaba bariinyeega Aseetta nigeawiit ghwayiin jeesingaasa Gurorooda Ghaydit ghayi sugooneasa aseasan.

Giidaheechta 3:20

Ng'ulla, ghaamiinaadi aba gidaghuut nea geagulgulli; siida jea ghwayiiny ghuutteanyu ak ghwajaat gidaghuut gaydoan headaannyi ak geambuuchcheewi, nea eara niny goombuuchcheewean.

2 Goriinto 6:16

Neada gwanda neajeemba naaha dageascheeda gheada sibatta Aseetta sea gidamawosa Aseetta? Aba gideaba aseasa geewoschi gheeda sibatta Aseetta majeek; ak gawuurji ginnyaashta Aseetta nea gwayi, “Gaydeabiida jeannyaawa, nea gaydaneayeewa jeanyaawa, ak gaydoaw aniini Aseetta nyaawa, nea ghoaw saawa fugeasu.

1 Yohaana 4:4

Diibiga manang'i, agooga goobeayi Aseetta, ak ea noajoarji saawa; aba gideaba dea mida jeedeang'wa ahaweawa dea mida jeeda ng'eanyiida.

Golosaayi 1:27

Aba jeannyaawa ghwaloat Aseetta ak ghwang' ghwanal Emoojiga gitteenna hawunda meanang'oochcheandumeeda ea makcheameeda gheambalmeadaannyi was Gristoyda mida jeedeang'wa, was rarooda gigheambiitta.

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

Yohaana 17:23

aniini gaydeabiida jeannyaawa nea gibiidi ang'iing'i jeedeanyu; gideaballi gemmajeek ak ghoaw gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gidubwariiydanaan aniini.

Yohaana 14:17

niny Gurorootta bea huumwaani nea fuga ng'eanyiida ea mwoammu ghwadeapta aba gideaba moammu ghwadaa ghana ghwanal; agooga ghoanalli niny aba gideaba gajandeawana nea gwanda jeedeang'wa.

Lukka 6:48

gawuurji sea siida deekshi, ghurghurda daranajeega muuchchi ak ghwayiin sindeetta heeda mida lagheanga; hidu guldeayda eenda, gagulsa gheeda, ak ea mwabwaanya, aba gideaba sideas muuchchi.

Mattayo 13:6

iiduw nea gwadagu daknooda ghoaseal beasta daknooda; ak ghwasis aba gideaba manda hawunga.

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

Yohaana 6:56

Siida iiyak saseedeanyu ak ghwali foojeandeanyu gaygobiida jeedeanyu, nea eara aniini gaydeabiida jeadaannyi.

1 Goriinto 8:1

Asi ghamneawa aba iitta hamichchoojiga siittaw haleanjeeda mawosa Aseetta; geanalli gideaba “Aseasa easasean gendeawi fughareeda.” Fughareeda iissa ghaghwar geaw, nea bariinyeega iissa gwadeegu.

1 Goriinto 3:6

Aniini ghayi geahisti, ak ghwayiin Appolo beega, nea dea arruudu ea Aseetta.

2 Goriinto 13:5

Asi asawsiina geat agooga, adaaha ea ghoang'ng'waannyi masaweegeagwa. Asma geat, agooga. Ghana moanali agooga gideaba Yeesu Gristo gwanda jeesingeagwa? Geaghus aba huumwa araanya gideaba gajeesmeegwa!