Efeeso 2:15 - NEAJEEDA EESH BEA BUUNEESSEAN

¹⁵ iiduw nea ghoahiit geandeayda deaweeda aba saseadaannyi aba digheannyeekka ea huumeannyeekka, ak abeeda gwasin siideesh nea gaba geaw ghoaghiisa gea assiyyeenya, ak gwasin hoyyoo,

Bibliyeeda Ghaydit

¹⁵ iidu nea ghoahiit geandeayda deaweeda aba saseadaanyi aba digheanyeeka ea huumeanyeeka, ak abeeda gwasin siideesh nea gaba geaw ghoaghiisa gea asiyeenya, ak gwasin hoyyoo,

Efeeso 2:15 Referans Kwoze

Golosaayi 2:14

iiduw nea nibuus ng'ooruutka mida badahuukkaasa jea goorgweakseasaan, gageanu ak ghwasach ak goongoorsa uhuuda behiida.

Galattiya 3:10

Ak fukka sean sina ng'asheega deaweedean abeeda ea sumwashta; aba gideaba gwayi Ng'ooruutka, “Simwaashta gilinyoo ea sii gil mwaada geeshta ng'asheega sean sung'oorsa jeeda gittaabooda deaweeda.”

Ebraniya 8:13

Aba rukunooda neajeedeesh ea nunung' ghawaasiit dea madeeda. Nea dea nuwaasiit ea niriikghta gammuudean.

Golosaayi 3:10

ak gookkweali searoojiga eashish, sinung' gaweeriidi ak ghoanalli nea geegala ninnyyeeda ghayi bwaat.

Golosaayi 2:20

Ama inoomeewudayeewi Gristo aba haleanjeeda ng'eanyiida was meangeenda, ghwasaan anda gooppiideatti gili duu abeaha ng'eanyiida? Ghwasaan inyasghoamwaschi huumeannyeekka nyaawa,

Galattiya 6:15

Siida eayaat ghasmeahooda ghanea meayaada mii gili, ghana dea miyeayaat ghasmeahooda geegasa ghoaw siideesh.

Galattiya 3:28

Ak biissa ea maheelli siida Yahuudi ea siida Yunaani, ghana siida was ging'ng'oonyaneeda ghana dea abalgeaw. Ea manda ng'eedeeda ghana gatmooda; aba gideaba agooga noowaschi agi aba naweeda Gristo Yeesu.

Efeeso 4:16

niny googuuyi saseessean ak ghwanung' ghoang'ng'waay geat robuutka, ak ghoadaw gilinyoo ea roobadeeda gil gichchea gwasinda gadiyeadaannyi muuchchi ak aba sareani gwaheedu saseessean nea ghwadeas geaw aba barinyeega.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

Ebraniya 7:16

amaduw ghoaw ashoohoochcheanda, nea mii aba naweeda deaweedeeda gasa saseeda gil aba jeatta geaghus aba uurda eaweega mayghwadattasa.

Ebraniya 9:23

Ak ghwadoabiiw gideaba haleanjeeda uurji gea humng'eeda gideaba geammiidu aba naweani, nea haleanjeeda humng'eeda geammiinna lukghumajeega miyaas mawuurji suu.

Efeeso 2:10

Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Efeeso 2:14

Aba gideaba niny hoyyooydeanya, nung' eahuwa easasean agi, ak gwanyarja ghamarda beashooda bea furjeeda,

Efeeso 2:16

hean gooduumpcheeweasa easasean Aseetta aba saseanagi aba naweeda beehiida, ak gwaduulu furjeeda.

Golosaayi 3:11

Ak aba sareani ea maheelli siida Yunaani ghana dea Yahuudi, dea siyaat ghasmeahooda ea dea miyeayaat ghasmeahooda, bunyeanda, ghana siida mwanala gil, ging'ng'oonyaneeda, ghana dea abal geaw, nea Gristo ea sean gil aba jeeda haleanjeesean.

Golosaayi 3:15

Ak ghoanung' goombalischi hoyyoo Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.