Efeeso 2:10 - NEAJEEDA EESH BEA BUUNEESSEAN

¹⁰ Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Bibliyeeda Ghaydit

¹⁰ Aba gideaba aseasa geawooschi gadiyeadaanyi, gwasinneasa naweeda Gristo Yesu, aba gadiyoojiga miyaas, ghayi bean gwasin ASEETA aba mwadi, gideaba eeyaada geeshta.

Efeeso 2:10 Referans Kwoze

Filippi 2:13

aba gideaba Aseetta gagadiiyi aba jeesingeagwa, ak gagooneegwa gassooda ea sinooda ng'asheega miyaas gasa niny.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

2 Goriinto 9:8

Nea Aseetta ghoammu ghoannyiideagwa ghawooda, ak abeeda gondeawi agooga heluutka haleanjeessean aba galeagasean abeeda ghoannyiideagwa muuchchi aba giliwas gadiya miy.

Efeeso 4:24

Ak daba siisi mideawa guroroodeesh, sisin gawurji Aseetta aba doobiiwnatta huumwa ea ghaydiidanda.

Filippi 1:6

Ak geasikteawi siitta ang'eat gadiyeeda miy aba jeedeang'wean gayghoahiit aba eaweeda Yeesu Gristo.

2 Dimoteo 3:17

Abeeda aahidaat siida gadiyeeda Aseetta nea sinung ghwahit ak gwasin giliwas gadiyeeda miy.

Efeeso 4:1

Asi aniini, geawoschi siida ghealooniga appadayda Ng'uttamiida, geamuscheegwa gideaba oattoabiiwa eaweega deeschi sea gurnooda ghayi suguurneegwa,

2 Dimoteo 2:21

Ak siida iamiidu geaw ak gooheelli geaw ng'asheesu munyasiin ninyi abeeda gayghoaw dabicheanda siihuun ak ghwanyas mureeda haguuwsa Ng'uttamiida ak sinoodaanyi geebaysiina gwasin gadiyoojiga sean miyaas.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Efeeso 1:4

iiduw nea ghwaloadeasa nea miyeabwat sindeetta ng'eanyiida, ak geewoschi ghaydidi nea geawoschi fuga meerukunana badahuukka ng'asheega munyas aba madeadaannyi.

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Ditto 3:14

Ak eara fugaasa saawa gamiisa gideaba ghoanaal geat gibinda jeeda sinooda ng'asheega miyaas, ak gwasissin ng'asheega gasa ealamwach sinooda, ak ea mawosa gea manda haghweega.

Ebraniya 10:24

ak geanalli gichchea eanung' gabarinnyiida geat buuneeda ea gadiyoojiga miyaas,

Ditto 3:8

Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.

Golosaayi 3:10

ak gookkweali searoojiga eashish, sinung' gaweeriidi ak ghoanalli nea geegala ninnyyeeda ghayi bwaat.

Ditto 2:7

Ahiimda geaw aba mureeda sean eadaa ormeeda gadiyoojiga miyaas, nea aba ginealshoodaang'u gihiimu seareeda miy, ea gideeneadayda,

1 Goriinto 3:9

Aba gideaba aseasa geewooschi fuga sin gadiyeeda Aseetta; agooga goowooschi madamnyeanda Aseetta, nea goowooschi gheeda Aseetta.

1 Betro 2:12

Andeawana searoojiga miyaas aba jeeda Emoojiga, aba gideaba iisinapsa badahuukkeang'wa ng'uyyeega gideaba goosinnyi ng'asheega munyas, hean iing'ula sinaweegeagwa miyaas ghoaghaambiit Aseetta eaweeda jea ghwahinna.

Ditto 3:1

Apkeassiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

1 Yohaana 2:6

siida eena gwanda jeedeaba niny gammiisa gideaba gayghabeada gidabeada niny.

Mattayo 5:16

Asi eara weeshindeang'wa gagasa ghoabwaay buuneessean, amaduw nea ghwadaa gadiyoojigeagwa miyaas ghoaghambiit Ghweandeang'wa mida humng'eeda.”

Yohaana 3:21

Nea siitta sina humeandean gayghwaan heedeesh, ak geesikteawa sinagweegaaschi gideaba ghoawal gheang'da Aseetta.

2 Desaloniikke 2:17

ak gageandeawa guroruunatkeagwa salgheang'da, nea gomajeegideegwa aba giliwas gadiyeeda miy ea ng'asheanda.

Ruumi 8:29

Aba gideaba fukka ghayi bay ghwanal niny ammwadiin geegala sea balleandaannyi, ak abeeda ghoaw niny siichchea eeshsheeda eeji aba jeeda fuga eaduupcheewi saang'a.

Gadiyeeda Giijasoodiga 9:31

Iiduw ganiisa aba jeeda Yudeeyayda sean ea Galilaaya ea Samariya ghwanyas hoyyoo nea gedeegu; hean ghabeawa muuwda aba heeda Ng'uttamiida nea gageanda salagheang'da Gurorooda Ghaydit ak ghoahaada.

2 Goriinto 5:5

Nea siida ghayi sineasa appadaydeaba ng'asheanji ea Aseetta gil, amaduw gagoaneasa Gurorooda uurji raduutka.

1 Dimotteo 5:25

Ak aba sareani sinooda ng'asheega miyaas aadaachi ak eara giikka miidaajiin ea mwajeamu eafuyi.

1 Dimotteo 2:10

Ak suulga nyaawa gidabal ea gibinda nyaawa miy gil aba gideaba nii gidamiisa gadeemga awali Aseetta.

1 Dimotteo 5:10

Ak easumwowuna badaydaanyi ng'asheega miyaas bea gireerda diibiga, ak ea nideapta rabasta nea niihuun gishanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

Gadiyeeda Giijasoodiga 9:36

Abeeda gwanda ng'eanyiida Yoppa ginealaneeni suguura gheawungaaschi Dabitta, nea gideaba Dorkas gil. Abeeda gwasna gadiyoojiga ninyas nea gaweeda buuneeda.

Galattiya 6:15

Siida eayaat ghasmeahooda ghanea meayaada mii gili, ghana dea miyeayaat ghasmeahooda geegasa ghoaw siideesh.

Ruumi 8:1

Asi ghamneawa manda girgweaksiinda appadahuukka fuga mida jeeda Gristo Yeesu.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Efeeso 1:1

Baulo, Giijasoochcheanda Gristo Yeesu, aba gidagasiida Aseetta, Heeda Fukghaydidi biissa ea doobiiweadi aba jeeda Gristo Yeesu.

Efeeso 2:6

ak goodunneasa sea niny ak ghwanung eepiitpiida sea niny aba jeeda ng'eanyiida guroorooda, aba jeeda Gristo Yeesu,

Efeeso 2:13

Ak ghamneawa aba jeeda Gristo Yeesu agoogeeni ghayi owaschi sheagiin ea sinnekkideegwa aba foojeanda Gristo.

Efeeso 2:15

iiduw nea ghoahiit geandeayda deaweeda aba saseadaannyi aba digheannyeekka ea huumeannyeekka, ak abeeda gwasin siideesh nea gaba geaw ghoaghiisa gea assiyyeenya, ak gwasin hoyyoo,