Efeeso 1:19 - NEAJEEDA EESH BEA BUUNEESSEAN

¹⁹ nea aba gitteanna hawunda uurdaannyi meammu eetteen aba heedeanya was fuga mideawa masaweega, aba gidagadiyeatta uurdaannyi haw

Bibliyeeda Ghaydit

¹⁹ nea aba giteena hawunda uurdaanyi mwoamu eeteen aba heedeanya was fuga mideawa masaweega, aba gidagadiyeata uurdaanyi haw

Efeeso 1:19 Referans Kwoze

Filippi 2:13

aba gideaba Aseetta gagadiiyi aba jeesingeagwa, ak gagooneegwa gassooda ea sinooda ng'asheega miyaas gasa niny.

Efeeso 3:20

Asi aba ninnyeeda mideawa uurda gadiyi aba jeesingaasa ghoammu gwasin ng'asheega saang'a ea ghang'al haleanjeeda sumuschi ea gea siipkaachchi,

Golosaayi 2:12

nea geepnyeegwa sea niny aba gibattiisanda, amaduw geettuunneegwa sea niny aba masaweega aba gadiyeeda Aseetta, ghayi aduunna niny jeeda miyeeda.

2 Goriinto 4:7

Asi aseasa geendeawi gheaseeda aba jeeda haleanjeeda sigeeda, ak ghoahiimu gideaba uuri hawiin gwaleabu heeda Aseetta nea maleapna heedeanya aseasa.

Golosaayi 1:29

Nea geasawannyi geaw aba nii, nea geamajeekchi aba uurda sinoodeaba gadiyeeni iin jeedeanyuun.

Efeeso 6:10

Aba huuydeanda awoosa majeekcheewi aba jeeda Ng'uttamiida ea aba gimmuusta ea uurdaannyi.

Efeeso 3:7

Appadaydeaba giijasi miyiin geanung' doaw siida gadiyeeda gawuurji gidagoondanean Aseetta dagheerjeandumeeda ghayi sugoonan aniini aba uurda sin gadiyeadaannyi.

Efeeso 2:10

Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Ruumi 1:16

Aba gideaba maydabwaspwas aba Giijasta Miy, ba gideaba uurda Aseetta gil dea eadu lealeanooda aba heeda siida wassean mideawa masaweega, heeda siida Yahuudi ammadeeda ak gabassa siida Yunaani.

Yakkobo 1:18

Aba gidabwariiyda niny gwajiileasa aseasa aba ng'asheanda huumwa ak gewuurjeewi haghweega madeeda aba jeeda haleanjeedaannyi ghayi sin.

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

1 Desaloniikke 1:5

bea gideaba giijasteanya miy mwahinna heedeang'wa nea geaghus ng'asheanda akghwahit, ghabwada gwandeawa uurda, ea Gurorooda Ghaydit nea geesikteawi muuchchi. Ak ghoanalli siisi sirguun giduurji jea goobiida heedeang'wa, appadahuukkeagwa.

2 Goriinto 5:17

Nea siida iimida jeeda Gristo, ea niiw siideesh; haleanjeedeaba garayi ning'atta, ng'ulla, nihidu haleanjeedeashish.

Gadiyeeda Giijasoodiga 26:18

ak ghwayam gheanyanga nyaawa, geat gwaheelli misaneeda ak gaweay jeeda weeshinda ak gwaritteawa jeeda uurda Shattaani amahit gwayamsa geat Aseetta, ak ghwanyas samsiinda ring'eega ea giibinda aba jeeda fukka ghayi simmiidu aba masaweega aba jeedeanyuun.’”

Yohaana 3:6

Gissijiila saseeda gaba saseeda, nea gissijiila gurorooda gaba Gurorooda.

Filippi 3:21

jea ghwayam sasanuukkaasa nyeauuriin, ak ghwanung' gawuurji sea saseadaannyi ghambiidaat, aba uurda iissa ghoommu gwasin ghapka haleanjeessean headaannyi.

1 Betro 4:11

siida wassean balool, gawuurji dea rukku ng'asheega Aseetta; nea dea wassean sin gadiyeeda, dawuurji dea sin gadiyeeda aba uurda adaw Aseetta; ak abeeda aba haleanjeessean geakghaambiit Aseetta aba naweeda Yeesu Gristo. Gigheambiitta gammiisa niny ea gheambalmeeda ea ghoaw damanda manda muudeanooda. Amin.