Ebraniya 4:3 - NEAJEEDA EESH BEA BUUNEESSEAN

³ Aba gideaba aseaseeda ghayi numwas gaygaweay jeedeaba fuuftida, gawuurji gidanyaashta niny, “Gawuurji gidayaakti habeawooda aba nyarasteanyu, ‘Ghanyea maygaweay jeeda fuufteanyu,’” earappeadi niisha gadiyoojigaaschi ghang'eada dea ghayi subwada sindeetta ng'eanyiida.

Bibliyeeda Ghaydit

³ Aba gideaba aseaseeda ghayi nimwas gaygaweay jeedeaba fuuftida, gawuurji gidanyaashta niny, “Gawuurji gidaayaakti habeawooda aba nyarasteanyu, ‘Ghanyea maygaweay jeeda fuufteanyu,’” earapeadi niisha gadiyoojigaaschi ghang'eada dea ghayi sibwada sindeeta ng'eanyiida.

Ebraniya 4:3 Referans Kwoze

1 Betro 1:20

Niny ghayi geebean ealoat nea miyeabwada sindeetta ng'eanyiida, ak geattaajiit aba huuydeandeaba askwearjoojusu appadahuukkeagwa.

Ebraniya 9:26

aba sareani gwachchi gaygabiikkiida jeeda sawanateeda ghang'eada dea ghayi sisna sindeetta ng'eanyiida. Ak aba nii, ghwahidu nibwagi aba mudeanooda damanda ak gageanda ring'eeda aba gidaydeaydeaba geaw ghoaw lukghumeadaannyi.

Efeeso 1:4

iiduw nea ghwaloadeasa nea miyeabwat sindeetta ng'eanyiida, ak geewoschi ghaydidi nea geawoschi fuga meerukunana badahuukka ng'asheega munyas aba madeadaannyi.

Ebraniya 3:11

Gawuurji gidayaakti habeawooda aba nyarasteanyu, ‘Ghanyea maygaweay heeda jea dafuufa.’”

Mattayo 13:35

Abeeda ghoaw huumwa ng'asheanda ghayi rugu sibaneeda nea gwayi: “Gaydajaat ghuutteanyu aba galeega, gaydargu gea funyaat ghang'eada deasubwada sindeetta ng'eanyiida.”

Ebraniya 3:14

Aba gideaba geguuyeesi Gristo, iisibeachcheewi gideaba geang'ng'waanyi muuchchi gitta sisikteawi ammwadiin ea gagul muudeanooda,

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;