Ebraniya 4:2 - NEAJEEDA EESH BEA BUUNEESSEAN

² Aba gideaba giijasta miy ghwahittaayda heedeanya gidahittaayda heannyaawa; nea iitta nyas ghanyea maloossiina gil, aba gideaba mwanyasa masaweega aba jeeda fuga iiy.

Bibliyeeda Ghaydit

² Aba gideaba giijasta miy ghwahitaayda heedeanya gidahitaayda heanyaawa; nea iita nyas ghanyea maloosiina gil, aba gideaba mwanyasa masaweega aba jeeda fuga iiy.

Ebraniya 4:2 Referans Kwoze

1 Desaloniikke 2:13

Nea iissa geebadiischeesi Aseetta galeagasean appadaydeaba ng'asheanji, gideaba deanoang'ng'waanyi ng'asheanda Aseetta ghayi oyiing'si heedeanya, ea moang'ng'waaydani ng'asheanda buuneeda ghoanung' gawuurji ng'asheanda Aseetta, biissa gagadiyi aba jeedeang'wa agoogeeda mideawa masaweega.

Ebraniya 11:6

Nea iimanda masaweega ahang'waay gideaba gajahoosana niny. Aba gideaba siida wassean jea gwaneekkiissa Aseetta gagasa ghwanal gideaba niny gwanda ak gomeari fukka gaseadayyi ninyiin.

Ebraniya 3:12

Ang'ulla, fuga eaduupcheewi, adiiduw gobiida jeedeang'wa munyinda ea gurorooda mandeawana masaweega, jea ghwanung' ooppeada ea asheagiidana Aseetta mideawa eaweega.

1 Dimotteo 4:8

Aba gideaba deangheeda nung ghwanyas saseeda uurda ghwahit gilmwanang', ak baditta Aseetta ghwahit aba haleanjeesean, aba gideaba gindeawi heelleeda eaweegeaba ghamneawa ea diitta iiduw jea ghwahiduun.

Ruumi 2:25

Aba gideaba ghasmeahooda gammiisa iwosi siida sissa mureeda deaweeda ama inuusi deaweeda abeeda ghasmeahoadaang'u aniiw gideaba mii una ghasmeahooda.

Gadiyeeda Giijasoodiga 13:46

Gabalool Baulo ea Barnaba aba meaynatta nea gwayi, “Gammiisa gideaba gayghanyi erukuneegwa ammadeeda ng'asheanda Aseetta. Amaduw nea ghoaheawi ak gohindi geat gili mammiiseegwa eaweega manda muudeanooda, ang'ulla, gajeeyamsiina geat Emoojiga.

Yakkobo 1:21

Asi oshsheagiidana geat ririnnyeanda ea gassooda hawunda muy ak ghoang'ng'waanyi aba garbabanda ng'asheandida, ammu gwaleabu guroruunatkeagwean.

Ebraniya 4:6

Asi earagwasa gideaba gwanda fuga jea gaweay jeeda, nea fukka ghayi asheeda ghoang'ng'waay giijasta miyiin ghwaraay gaweay jeeda aba nyootta mureeda,

1 Goriinto 13:3

Iyaadaydi haleanjeedeanyu sean eandeawi, ama adaydi saseedeanyu eaghwarda, ak ea meandeawani bariinyeega, ea meanyasi gil.

1 Betro 1:12

Hean geettaheachsa saawa gideaba magadiyeesiina badahuukka nyaawa, appadahuukka haleanjeeda ghamneawa rukuneegwa fukghayi rukuneegwa giijasta miy aba naweeda Gurorooda Ghaydit siichcheagu leabu humng'eedean, ng'asheesu ghayi gagaseadayi malaykajeega ghwadaa.

1 Desaloniikke 1:5

bea gideaba giijasteanya miy mwahinna heedeang'wa nea geaghus ng'asheanda akghwahit, ghabwada gwandeawa uurda, ea Gurorooda Ghaydit nea geesikteawi muuchchi. Ak ghoanalli siisi sirguun giduurji jea goobiida heedeang'wa, appadahuukkeagwa.

Galattiya 3:8

Gabean gwargu Ng'ooruutka gideaba Aseetta gayghoadaw fuga emoojiga doobiiwnatta aba masaweega, Ak Giijasta Miy gabean gwaruksa Abrahaamu gideaba, “Gayghoadaw Aseetta ghawooda eemoojiga sean appdaydaang'u.”

Galattiya 4:13

Ak ghamneawa ghoanalli gideaba aba munyinda saseeda gearukuneegwa giijasta miy dea madeeda;

Gadiyeeda Giijasoodiga 3:26

Iiduw nea niduudu Aseetta soomjeandaannyi, goojeakta niny gaweesa fuga madeeda, ak abeeda gabadiischeesa giliwas sii aba jeedeang'wa arinnana jeeda munyasnachcheekkeagwa.”

Ruumi 3:3

Gay gawuurjiin abeeda ii mwamwasa fuga mwaatkwa? Nyootta masaweega nyaawa gay ghoammu ghwayam doobiiwnatta Aseetta?

Galattiya 3:2

Geagasayi danyaashta ng'asheanjagi, aba heedeang'wa, Heapi ghoanyaschi Gurorooda Ghaydit aba sinooda deaweeda, ghana aba gideaba ghooyiinyi aba masaweega?