Ebraniya 12:3 - NEAJEEDA EESH BEA BUUNEESSEAN

³ Asi ng'ulla dea ahang'waay appadayda fuga ring'eega ea fuurjeeda appadaydaannyi, ak abeeda ea moahuuwi fuga bur ghana gea giyoonnyi.

Bibliyeeda Ghaydit

³ Asi ng'ula dea ahang'waay aba badayda fuga riing'eega ea furjeeda aba badaydaanyi, ak abeeda ea moahuuwi fuga bur ghana gea giyoonyi.

Ebraniya 12:3 Referans Kwoze

Galattiya 6:9

Ak ea adeeburji aba sinooda ng'asheega miyaas aba gideaba gajeelaja iihitta damanda imiyeepra.

2 Goriinto 4:16

Asi majeabealbeala. Earappeadi iissa gawosiidi sasanuunatkkaasa, iiduw guroruunatkaasa iissa gewweshiit giliwas eaweechcha.

Giidaheechta 2:3

ak ghaanalli gihang'ooydaang'u nea gimilikghti nea gidiing'di gheawungeasu, ak ghanyea mii bura.

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

2 Goriinto 4:1

Asi aba sareani, iinukwa gendeawi gadiyeeni aba baydeayda Aseetta, ghanyea meabealbeali.

Yohaana 5:16

Hean ghoaw gidasawassa fuga Yahuudi Yeesu, aba gideaba gwasin ng'asheanji eaweetta Sabatto.

Ebraniya 12:5

Ak ea niroosseegwa ng'asheega ghayi rukuneegwa nea gwahindaneegwa balloojiga? “Balleandeanyu, adiiduw gung'ulayi nea giibudeayani lasooda lasnyi Ng'uttamiida, ghana gabur iheengeagwa iilaseegwa niny.

Lukka 14:1

Eaweechcha nea gwanda sabatto gawa gweagiischi aba gheappa siyagi ambaliischi bea Farisayajeega, hean geeng'ulla niny.

2 Desaloniikke 3:13

Asi fuga eaduupcheewi, adoalagaannyi aba sinooda ng'asheega miyaas.

Yohaana 18:22

Ing'atta rukunoodeaba ng'asheesu ghwalas madeang'da Yeesu Furiischoochcheanji ghwanyawa minaada aba hoowa nea gwayeeshsha, “Nii gidurukusiindi ashoohoochcheanda hawi?”

Yohaana 8:52

Hean gwayeeshsha Fuga Yahuudi niny, “Asi ghamneawa sinalli gideaba ang'iing'i gindeawi meangeenda. Abrahaamu ghami ak eara sibanga, ak ghamneawa giyeeni, ‘Siida ang'ng'waay ng'asheandeanyu maygwasamu miyeeda eara hay.’

Yohaana 8:59

Ng'atta gooliimu lagheanga nea geegasa eefta iiduw ghafuygeaw Yeesu amahit gwaritteawa jeeda gheeda sibatta Aseetta.

Yohaana 8:13

Gwayeeshsha Farisayajeega niny, “Ang'iing'i gimuuwu ng'asheega badaydaang'u nea gubwageaw ak ghamneawa muwwunoodaang'u ea mii huumwa gil.”

Yohaana 7:12

Iiduw gwaheedu giniikghta aba jeeda buuneeda. Mwaatkwa iissa gwayi, “Siisi aamiy”, nea mwaatkwa gwayi, “Mannda, niny gahutteawi buuneeda.”

Lukka 16:14

Iiduw nea ghwayiiy Farisayajeega ng'asheesu seaniin gwashka niny aba gideaba sawa ghabwariiy lappiya.

Lukka 15:2

Hean ghoaniikghi Farisayajeega ea ng'oorshoodiga nea gwayi, “Siisi gaguursa fuga ring'eega ak gombuuttooschi.”

Lukka 5:21

Gonyeari geat Farisayaajeega ea ng'oorshoodiga nea gwayeena, “Siisi ng'eaha ang'eawi Aseetttean ghanyeamanda siisi ammu gwasamsa ring'eeda geaghus Aseetta akghwahiit.”

Lukka 2:34

Gang'ushsha Simon saawa nea gwayeeshsha Mariyaayda was ghaamwat, “Ng'ulla, jeebi gajeenung ghoaw gibeedeayda ea ng'eedooda fuga saang'a bea Israeeli, ak gayghoadaw gwadeagooda jea ghaheawa buuneeda

Mattayo 22:15

Ng'atta gaweay Farisayajeega ak gabaloola gichchea ghaghasta Yeesu aba ng'asheagaaschi.

Mattayo 21:46

Hean geebiissa eegasa gichchea eang'ng'waayda, amaduw geawal buuneeda aba gideaba ghwadaa gideaba sibaneeda gil.

Mattayo 21:23

Iiduw nea gawa Yeesu jeeda gheeda sibatta Aseetta goonealshi, damani anealsheewean gaweay heeda ashoohoodiga hees ea gweargwa ak geannyaash, “Ng'asheesu deenuun gisni aba gheambalmeedeabeang'a, gagoonnyi ng'eaha gheambalmeani?”

Mattayo 15:2

“Ghwasaan anda giinealangaagu maduuppa ng'asheega siing'ng'wanyaana fugeaba garayi bea ghaheanya? Iissa gweagiischi nea meahuuna geattinga.”

Mattayo 12:24

Iiy Farisayajeega ng'asheesu gwayi, “Siisi ghahoan meangeenda aba gideaba gwandeawa uurda Belsebuuli, meang'nyeandida bea eenda hawiin.”

Mattayo 11:19

ghwahidu Balleanda Siida ak gweagiischi nea gwaleeshi, ak gwayi, ‘Ng'ulla, nii aadeaw nea boogideati, nea gwaduupchi fuga ang'ng'oonyi gwaadi ea fuga riing'eega!’ Amaduw weaghumeeda ea nidaajiit aba sinaweagaaschi.”

Yohaana 9:40

Gwayiing'shi fuga mwaatkwa bea Farisayajeega ghwanyawa neekki ng'asheekka ak ghoanyaash gideaba, “Earaseasa gewoschi ng'oowwi?”

Yohaana 10:20

Gwayi fuga saang'a aba jeanyaawa, “Siisi gabearji meangeenda, ak ghabwada nii gaba geas; ghwasaan anda golleysiit?”

1 Betro 2:23

Niny ghayi iisiing'ng'eawi ea miighoodeelda ging'weakka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.