Ebraniya 1:2 - NEAJEEDA EESH BEA BUUNEESSEAN

² amaduw aba mudeanoodeaba askwearjoojusu goobalooleasa aseasa aba naweeda Balleanda, ghayi loat ghoaw siida jea gwahearan haleanjeessean, ak aba niny gwasin ng'eanyiida appadaydeaba niny.

Bibliyeeda Ghaydit

² amadu aba mudeanoodeaba askwearjoojisu goobalooleasa aseasa aba naweeda Orjeeda, ghayi loat ghoah siida jea gwahearan haleanjeeda sean, ak aba niny gwasin ng'eanyiida aba badaydeaba niny.

Ebraniya 1:2 Referans Kwoze

1 Goriinto 8:6

iiduu aba heedeanya aseasa Aseetta aakkalealla, was Ghweanda, was deaghayi leabu haleanjeessean, ak geepiideewi bwadaydaannyi ak gabiissa gwanda Ng'uttamiinagi, was Yeesu Gristo, ghayi rinna haleanjeessean badaydeaba niny, nea eara aseasa geepiideewi niny.

Yohaana 1:3

haleanjeessean geesin aba niny, nea iimanda niny ghanyea maygwanda gil aba haleanjeeda sisin.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

1 Betro 1:20

Niny ghayi geebean ealoat nea miyeabwada sindeetta ng'eanyiida, ak geattaajiit aba huuydeandeaba askwearjoojusu appadahuukkeagwa.

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Yohaana 13:3

abeeda Yeesu ghwanal gideaba niyiin Bwaabwa geattingaaschi halaneassean, ea gideaba niny gwaleabu heeda Aseetta ak gaygabiikta heeda Aseetta,

Mattayo 17:5

Damani duu gabalolean deagheatta ghwahidu shamoghooda eesh ak gwadukta, ak ghwanyaasha ghuutta jeeda shamoghooda nea gwayi, “Nii Balleandeanyu abwariinyi ahoosanani, olleeysiina iit niny.”

Ebraniya 11:3

Aba masaweega geanalli gideaba ng'eanyiida geesin aba ng'asheanda Aseetta, ak eara haleanjeeda sidaa eameesnana haleanjeeda meadaaha.

Ruumi 8:17

ama suwooschi diibiga, adabeeda geewooschi fuga jea gwahearaniischi, fuga adaw Aseetta hearaniischooda, jea gwahearaniischi sea Gristo, asaha, iisisawaneasa sea niny abeeda iimuchchu geakghambiideasa sea niny.

Yohaana 3:16

Aba gideaba Aseetta ghabwariiy ng'eanyiida ea eeyibwak ea ghoadayda Balleandaannyi assakkalealla, ak abeeda siida wassean mwas niny amwaroada ak abeeda ghwanyas eaweega manda mudeanooda.

Mattayo 26:63

Ghwasiinda Yeesu. Gwayeeshsha Ashoohoochcheanda haw, “Eaniyean aksiina Aseetta majeek habeawooda rukuneasa ang'iing'i ea guwosi Gristo, Balleanda Aseetta.”

Mattayo 21:38

Iiduw nea ghwadaa fugiga ghayi aragan madamnyeandean balleandida gabaloola saawa nea gaba geat gideaba, ‘Nii siichchea gwahearaniischi gil, eabwara ghami ak geegeandi hearaniischoadaannyi.’

Ebraniya 5:8

Earappeadi was Balleanda, ghwanal mureeda aba gitta ghayi sawaniin;

Efeeso 1:10

ak goguuyi haleanjeessean aba niny, haleanjeeda mida humng'eeda ea gea mida badayda ng'eanyiida.

Ebraniya 7:3

Niny manda ghwaan ghana ghaamwat ghana rooproobanga, ak ea manda ging'eetta askwearjoojigaaschi ghana huydeanda eaweagaaschi, gawuurji sea Balleanda Aseetta nea ashoohoochcheanda manda mudeanooda.

Ebraniya 2:3

aseasa gajeammuusa eemuldaan imeduuppi lealeanooda haw deenu? Aba gideaba ghayi nibay gwayi Ng'uttamiida ammwadi, ak gagoaneasa fukghayi iiy niny,

Ebraniya 1:5

Neada Aseetta ea niyeeshsha ana malaykajean, “Ang'iing'i nuwosi Balleandeanyu, askwareani neajiilleey?” Ghana gichcha, “Aniini gaydoaw aba headaannyi ghweanda, ak gayghoaw aba heedeanyu balleanda?”

Efeeso 3:9

ak ghwanung' ghwadaa buuneeda sean badiida makcheameeda ghayi sufuy aba gweannyeekka aba heeda Aseetta sin haleanjeessean;

Galattiya 4:4

Iiduw nea ghwahitta damanda, hean goojeagu Aseetta Balleandaannyi, jiilu gatmooda, aba jeeda deaweeda,

Gadiyeeda Giijasoodiga 10:36

Ak ghoanalli ng'asheanda ghayi ajeaksa fuga Israeeli, bea rukwiideayda giijasta miy bea hoyyoo aba naweetta bea Yeesu Gristoohiin, (nea niny ea Ng'uttamiida buuneessean,)

Yohaana 15:15

Mayguttabiikta dagurewaneegwa soomjooga aba gideaba soomjeanda iissa amwanala gissin siidaannyi haw, ak ghamneawa aniini ea neagureewaneegwa fuga eaduupcheewi aba gideaba nearukuneegwa ng'asheega sean eayiing'si heeda Bwaabwa.

Yuuda 1:18

nea gwayeeshshiineegwa, “Eaweeda huydean gaygwanda fuga inyeessa jea gwajuuga buuneeda, nea ghwaat geeshta gassooda ng'asheega nyaawa meawwalleawana Aseetta”.

Ruumi 1:4

Balleanda Aseetta sihhiimu gideaba gwandeawa uurda aba Gurorooda ea ghaydidanda aba duunnoodaannyi aba jeeda miyeeda, Yeesu Gristoyda was Ng'uttamiideanya,

Gadiyeeda Giijasoodiga 2:17

‘Nea aba askwearjoojiga huydean gaygwasnu, gwayi Aseetta, gaydadaw buuneassean Guroroodeanyu, ak dibigeagwa was balloojiga ea haweega, gayghwaramoaran ak gheareemangeagwa gayghwadaah girgweatka, nea gweargweagwa gaygoorgweadi girgweatka;

Yohaana 17:2

aba gideaba ghayi giidawi niny uurda appadahuukka buneassean ak abeeda ghoadaw eaweega manda mudeanooda fukka sean ghayi idawiin.

Yohaana 16:15

Haleanjeessean mideawa Bwaabwa geasu gil; ak ghoaw gidearukuni gideaba gaygageanna heedeanyu ak gwarukuneegwa.

Marko 12:6

Abeeda ea sippuussa heeda siyagi, nea jeaptaannyi bwariiy gil. Iiduw Gojeakta ada nea gwayeeshsha geaw, ‘Gajeawwal gheang'da.’

Marko 1:1

Nii gidangeatta Giijasta Miy bea Yeesu Gristohi was Balleanda Aseetta.

2 Betro 3:3

Gidamadeeda geagasayi anala ng'asheanji bea gideaba damanda huydean gay ghapka fuga bwariiy shikkooda nea gay gwashikeagwa, nea ghwaat geeshta gidagasa sasanuukka nyaawa

Ebraniya 1:8

Ak gwayi appadayda Balleanda, “Horgeadaang'u, Ea Aseetta gaba eaweega manda muudeanooda, sugoochcheandumeeda doobiiw sugoochcheameeda gheambalmeedaang'u.

Ebraniya 9:26

aba sareani gwachchi gaygabiikkiida jeeda sawanateeda ghang'eada dea ghayi sisna sindeetta ng'eanyiida. Ak aba nii, ghwahidu nibwagi aba mudeanooda damanda ak gageanda ring'eeda aba gidaydeaydeaba geaw ghoaw lukghumeadaannyi.

Yohaana 3:25

Iiduw ghoaptu sheang'nyeeda aba jeeda Ginealanga Yohaana ea siispa Yahuudi aba ng'asheega gimminooda.

Mattayo 3:17

deagheatta, ghwanya ghuutta nyaasha humng'eeda nea gwayi, “Nii Balleandeanyu abwariinyi, ahoosanani.”

Mattayo 13:39

Nea weajoochcheandida histean ea meang'nyeandeenda, nea lajitta ea mudeanooda ng'eanyiida, nea fuga lach ea malaykajeega.

Marko 12:7

Hean gwayeeshsha geat Fukka, ‘Nii siida jea numuji gwahearaniischi gil asi enuusa, ak abeeda gaygabwaheasa hearaniischooda!’

Yohaana 1:10

Niny ghayi abeeda gwanda jeeda ng'eanyiida, nea ng'eanyiida geesin appadaydaannyi ak amwanala ng'eanyiida.

Yohaana 5:26

Gawuurji gitta mideeyeatta Bwaabwa eaweega aba jeadaannyiin, gwasnu niidaw Balleanda eaweega aba jeadaannyi,

Yohaana 5:27

ak gabiissa ghoadaw gheambalmeeda jea gorgweaksiina buuneeda, aba gideaba niny Balleanda Siida gil.

Yohaana 9:29

Aseasa geanalli gideaba Aseetta ghayi gobalool Muusa amaduukku siisi ghanyea meanali eara helleabu.”

1 Goriinto 2:7

Ak geergu makcheameetta ea weaghuumeetta funyaat bea Aseettean, ghayi nung' Aseetta ghoaw digheanda ammwadi aba gigheambiitteanyean.

Ebraniya 3:6

nea Gristo ea doabiiwaat aba jeeda gheeda Aseetta nea gawuurji balleanda. Ak geewoschi gheannyi ising'ng'waanyi muuchchi gitta sisikteawiin nea geaghwarji gitta sirarjiin.

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

Ebraniya 7:28

Aba huumwa deaweeda iissa gageanu fuga ng'arng'ari ak ghwanung' ghoaw ashoohoodiga hees, nea ng'asheanda habeawooda, eadu geeshta deaweeda, ghwaloat Balleanda ghayi bean ahidaat damanda manda mudeanooda.

Yohaana 13:32

Abeeda isikghambiit Aseetta aba jeadaannyi, abeeda gayghoaghambiit niny aba jeadaannyi, ak gaybay ghoaghambiit.