Ditto 3:5 - NEAJEEDA EESH BEA BUUNEESSEAN

⁵ hean gwalealneasa, ea meabaysiinana sinaweagaasa doobiiweadi sisinnyi aseasa niny gwalealneasa ak geejilneasa niba iyyeenya ak ghwanung' eahuuwa fuga eashish aba Gurorooda Ghaydit,

Bibliyeeda Ghaydit

⁵ hean gwalealneasa, ea meebaysiinana sinaweagaasa doobiiweadi sisinyi aseasa niny gwalealneasa ak geejilneasa niba iyeenya ak ghwanung' eahuuwa fuga eashish aba Guroorooda Ghaydit,

Ditto 3:5 Referans Kwoze

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iiduu ea siihhuuneegwa, ak ea simiineegwa, ak geegooneegwa doobiiwnatta aba gheawunga Ng'uttamiida was Yeesu Gristo, ea aba Guroorooda Aseetteanya.

1 Betro 3:21

Gibattiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus Aseetta aba fughareeda miy, aba duunnooda Yeesu Gristo,

1 Betro 1:3

Badiischeesiinda gaba Aseetta was Bwaabwa Ng'uttamiideanya Yeesu Gristo! Aba baydeaydaannyi haw sibiikta eejiileasa gichcha ak gagoaneasa eaweega eashish sirarji aba naweeda duunnooda Yeesu Gristo aba jeeda miyeeda,

Ruumi 12:2

Adiiduw gommaseawji giduurji ng'eanyiida, geaghus ghanyi eayameagwa ak geanung' ahuuwa fuga eashish aba fughareengeagwa, ak abeeda ghoanalli muuchchi gidabwariiy Aseetta was ng'asheega miyaas, sumwas biissa ea majeekcheewi.

Efeeso 2:4

Nea Aseetta baruur aba baydeayda, aba jeeda bariinyeegaaschi haw aba gidabwariiydaneasa,

Efeeso 5:26

ak abeeda gabaysiina gimminoadaannyi nea goohuun aba beega ea ng'asheanda.

Ruumi 11:6

Abeeda ii dagheerjeandumeeda, abeeda ea maba gadiyeeda sisin; abeeda dagheerjeandumeeda ea mudu ea dagheerjeanduuma gil.

Ebraniya 4:16

Asi gagasa eneekkiida aba gissirarji eapkaana heeda hoorgeeda ghambiidaat bea dagheerjeandumeeda, ak abeeda geanyaschi baydeayda ak geanyaschi dagheerjeandumeeda jea ghaweat fih damanda sigasseewa.

Golosaayi 3:10

ak gookkweali searoojiga eashish, sinung' gaweeriidi ak ghoanalli nea geegala ninnyyeeda ghayi bwaat.

Galattiya 2:16

nea geanalli gideaba siida majeattaw doobiiwnatta aba sinnooda deaweeda, geaghus aba masaweega Yeesu Gristo, aseasa ghayi geamwaschi Gristo Yeesu ak abeeda geegoaneasa doobiiwnatta aba masaweega Gristo, nea mii aba sinooda deaweeda, aba gideaba aba sinooda deaweeda manda siida jea eattaw doobiiwnatta.

Ruumi 3:20

ak ea manda siida jea ghwanyas doobiiwnatta aba madeadaannyi aba gadiyoojiga deaweeda, nea aba deaweeda iissa geanyas fughareeda ring'eeda.

1 Betro 2:10

Ammadeeda ghayi moowosi buuneeda ak ghamneawa eanoowoschi fuga Aseetta; ammwadi ghayi miyanyasa baydeayda ak ghamneawa eanoanyaschi baydeayda.

Efeeso 4:23

asna geat gaweeriidi guroruunatgeagwa ea giitteemshoodeang'wa.

Ruumi 3:28

Asi sidaayi gideaba siida iissa ghwanyas doobiiwnatta aba masaweega nea meakna sinooda deaweeda.

Ruumi 9:11

earappeadi saawa miyeejiin ak ea miigwasin ng'asheanda miy ghana dea muy, ak abeeda gitta gasa Aseetta aba loottean abeeda geesin, nea mii aba gadiyeeda gil geaghus aba gidaguurdeayda, ak geeyeeshsha,

Lukka 1:78

Aba baydeayda Aseetteanya, nirearseasa weeshinda leabu humng'eeda,

Lukka 1:54

Ak anuweat soomjeandaannyi was Israeeli, aba giipkeatta baydeaydaannyi,

Lukka 1:50

Nea baydeaydaannyi gwanda heeda buuneessean awal gheang'daannyi ghang'eada jeachcheenga ea gagul jeachcheenga.

Ditto 3:4

Ak miyinda ea bariinyeega Aseetta was lealnoochcheandeanya geattajiit,

Ruumi 9:30

Asi gajeayeanaan? Gajeeyeena fuga Emoojiga mwaada geeshta doobiiwnatta ninyas doobiiwnatta, nea ghwanyas doobiiwnatta aba masaweega;

Ruumi 9:16

Asi meakghusa gitta gasa siidean gil ghana badiidaannyi, geaghus aba baydeayda Aseetta.

Ruumi 4:5

Nea aba siida masna gadiyeeda ghus gideaba ghoadaw doobiiwnatta siida mammiisiina, abeeda masaweegeaba siisi sinung' ghoaw doobiiwnatta.

Lukka 1:72

ak gayghabwayda ghwanigaasa aba gidaheelleesa, nea ghoapkaat neajeadaannyi ghaydit,

Ebraniya 6:6

amaduw ghwayam geaw nea nittambiilan, nea abeeda ea ningoor Balleanda Aseetta aba gidagassiida saawa ak gong'ng'ooysa humng'eeda aba foolda.

Mattayo 3:11

Geabattisananeegwa beega aba dukkuunooda, nea dea jea ghwaduupnaan geash gaburdeawean uurda, nea mammisean eara sareenda geakkaaschi; niny gaygoobattiisananeegwa Gurorooda Ghaydit ea beasta.

Ruumi 11:14

gaydaghwar gadiyeedeanyu ak abeeda ghanung' gwashissean ghaang' fugeasu was Yahuudi, ak abeeda gealealu mwaatkwa.

Ebraniya 10:22

ghang'wana geneekkiissi nea geebeayi guroruunatka huumwa nea geesikteawi muuchchi masaweega, nea geappuunna guroruunatkaasa aloheeda ak geang'ami ng'asheega munyas ak gehhuun sasanuukkaasa aba beega miyaas.