Ditto 3:2 - NEAJEEDA EESH BEA BUUNEESSEAN

² adagoong'eawi siida wassean, amulsiina jaliida, ahuuwa emoojiga miyaas, nea ghoahiimu garbabanda sean aba heeda buuneessean.

Bibliyeeda Ghaydit

² adagoong'eawi siida wassean, amulsiina jaliida, ahuwa eemoojiga miyaas, nea ghoahiimu garbabanda sean aba heeda buuneesean.

Ditto 3:2 Referans Kwoze

Efeeso 4:31

Asi ageandeana geat ng'asheega sean ng'weani was mukkunooda ea nyarasta ea gijuureanda ea nappooda ng'uyyeega nea gooshsheagiidi geat gea munyas sean,

Efeeso 4:2

nea gooyeadayi geat ng'eanyi ak goowooschi garbappi, nea ghoahhang'waannyi nea goomilikkideaysi geat aba barinyeega,

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida gheangnyachi gil, ak ea mii siida bwariiy lapiya,

1 Betro 3:10

Aba gideaba “Gili was sih bwariiy eaweega ak gwadaa askwearjoojiga miyaas, dadeala ng'ushaptaannyi adagwargu ng'asheanda muy ak eara ghuuttaannyi adagwargu milmilanda;

1 Betro 3:8

Ng'asheanda huydean nii gil, awoosa gilagi, ak goobayiidi geat nea ghoabwariiydi geat oorjoospwa ghaamwadagi, nea goowoschi ng'eeni ak gooyeadayi geat ng'eanyi.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

Mattayo 11:29

Aghasana geat jookkeedeanyu, ak ghoanalanaan ng'asheega; aba gideaba aniini geewoschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hoseaneega aba jeesingeagwa.”

1 Betro 2:1

Asi ageandeawana geat munyinda sean ea milmilanda sean ea nyootta doobiiwnatta ea shidoodeaba ghaang' ea beeshta sean.

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Galattiya 6:10

Ak damani duu eendeawana gheattean esissiina buuneessean ng'asheega miyaas, ak ghwaraanya fukka mideawa masaweegean.

Galattiya 6:1

Oorjoogiyya, iyoadaayi siida nea niibitta jeeda ring'eeda asi agoogeani owoschi fuga guroroodean ootteelni siisi aba gurorooda garbabu. Fura geaw, ang'iing'i adiiduw geesimnyi.

1 Dimotteo 3:11

Eara gadeemga nyaawa gamiisa ea fuga miyaas searooji gil, mii fuga nappiisa buuneeda ng'uyeega, ak gamiisa ea fuga mideawa gheadeenda gil, nea doobiiweadi aba haleanjeesean.

1 Desaloniikke 2:7

Iissa gewoschi ng'eeni aba jeedeang'wa, gawuurji gidang'ulliida gheamatta diibigaaschi.

Filippi 4:5

Anung' ghwanal buuneeda sean milikghteadeang'wa. Ng'uttamiida nineekkiit.

1 Goriinto 9:19

Earappdi eaballi geaw aba heeda buuneessean iin geasinyi geaw ging'ng'oonyaneeda buuneessean, ak abeeda geanyaksi geaw fuga saang'a.

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

2 Goriinto 10:1

Aniini Baulo, geamuscheegwa nea gabwageaw, aba garbabanda ea ng'eeninda Gristo, nea iissa geawoschi ng'eeni aba gheanyangeagwa, nea iyeawoschi sheageewaneegwa geawoschi daruus!

Gadiyeeda Giijasoodiga 23:5

Ghwalamda Baulo ak gwayeeshsha, “Fuga eaduupcheewi, miidanal gideaba niny ashoohoochcheanda haw gil; aba gideaba geang'waar, ‘Adirgu ng'asheanda muy aba badayda siida ambal fugaagu.’”

Yuuda 1:10

Nea fiisu goong'eawi haleanjeeda mwanala, nea aba haleanjeetta nal amwadiin iissa gwasin gawuurji diyeanga manda fughareenga, gajeelas uhuuda.

Yuuda 1:8

Ak eara fiisu aba jeeda girgweatka nyaawa ghang'uda saseenuuka nyaawa ririnyeanda, ak ghaheawa gheambalmeeda ak geeng'ng'eawi haleanjeeda gheambiideadi.

2 Betro 2:10

nea ghwaraanya giikka aat geeshta ng'asheega gasa saseeda aba gassooda ng'asheega munyasiin nea gafool gheambalmeedean. Daruuschi mideawa uurjeenga meawalla ging'weakka haleanjeeda gheambiideadi,

1 Betro 4:4

ak ghahamng'eanyi saawa iidaa gideaba moguyeesiini jeedeaba ng'asheesu bea roodaweegean, amang'atta ghoabwaaspwaseagwa;

1 Goriinto 6:10

ghana mareanghooga, ghana fuga geawi ghaanyan, ghana leeyda, ghana fuga giing'weaka, ghana fuga areedi fii haleanjeeda jea gwahearan sugoochcheandumeeda Aseetta.