Ditto 3:1 - NEAJEEDA EESH BEA BUUNEESSEAN

¹ Apkeassiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

Bibliyeeda Ghaydit

¹ Apkeasiina saawa gweada geat ng'eanyi aba heeda fuga ahaaghwa ng'eanyiida ea gea mideawa gheambalmeeda, ak gwasissa mureeda, nea hidaat aba gilinyoo ea gadiyeeda miy gil,

Ditto 3:1 Referans Kwoze

Mattayo 22:21

Geeyeeshsha, “Gaba Gaysaari.” Gwayeeshsha saawa, “Haleanjeeda Gaysaari oattawa Gaysaari, ak gea Aseetta ghoattawji Aseetta.”

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

2 Dimoteo 2:21

Ak siida iamiidu geaw ak gooheelli geaw ng'asheesu munyasiin ninyi abeeda gayghoaw dabicheanda siihuun ak ghwanyas mureeda haguuwsa Ng'uttamiida ak sinoodaanyi geebaysiina gwasin gadiyoojiga sean miyaas.

2 Dimoteo 1:6

Ak aba seareeni geapkeaneey gideaba aseawsiina ghwaahaada giimuusta goonyi Aseetta mida jeedang'u aba damanda ghayi ayiini geattingeasu uhuudaang'uuni.

1 Dimotteo 5:10

Ak easumwowuna badaydaanyi ng'asheega miyaas bea gireerda diibiga, ak ea nideapta rabasta nea niihuun gishanga fuga ghaydidi ak ea niweat fuga mida jeeda sawanadeeda, ak ea nisin muuchi ng'asheega miyaas.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

1 Dimotteo 4:6

Apkeasiina oorjoogiga ng'asheesu, ak gaywoosa siida gadiyeeda miy bea Gristo Yeesu, naal ng'asheega masaweega, ea ginealshooda miiy ghayi iyaadi geeshta.

1 Dimotteo 2:2

Amooriisiina sugoodiga ghawooda ea fuga hees sean mideawa gheambalmeeda, ak geanyaschi gibinda siippiit ng'eanyi ea hoyyooyda, ak geabwachchi Aseetta nea geepiidi naweeda miy.

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

2 Betro 1:12

Nea iissa geagasayi galeagasean deapkeanneegwa ng'asheesu, earappeadi oanalli ak geemajeek jeeda huumeanda ondeawiin.

Ditto 3:8

Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Efeeso 2:10

Aba gideaba aseasa geawaschi gadiyeadaannyi, gwasinneasa naweeda Gristo Yeesu, aba gadiyoojiga miyaas, ghayi bean gwasin Aseetta ammwadi, gideaba eyaada geeshta.

Yuuda 1:5

Asi ghamneawa geegaasayi deapkeaneegwa, earappeadi siirukuneegwa muuchchi nibwagi ak ea maygudeebiikta, gideaba dea ghayi lealna buuneeda jeeda ng'eanyiida Misri, imuchchu ghwalas uhuudeaba fukka mwamwasaan.

Ditto 3:14

Ak eara fugaasa saawa gamiisa gideaba ghoanaal geat gibinda jeeda sinooda ng'asheega miyaas, ak gwasissin ng'asheega gasa ealamwach sinooda, ak ea mawosa gea manda haghweega.

2 Dimoteo 2:14

Apkeasiina fugaagu ng'asheesu nea gireekusi aba madeeda Aseetta gideaba ghwoabuut ng'asheega galleadayda gea mwalooda gil nung' gwarooda fuga aleeysiiti.

Ditto 1:16

Iissa gwargu gideaba geanalli Aseetta, nea iissa ghwashaang' aba sinaweega nyaawa, nea gwandeawa sichcheeda, ak ea mandeawana mureeda, mammiisiina sinooda gadiyeeda miy.