Ditto 1:9 - NEAJEEDA EESH BEA BUUNEESSEAN

⁹ nea ghoang'ng'waay muuchchi ng'asheanda gawuurji gissinnaalda, ak abeeda ghoammu ghoadayda ng'asheega gichchea eabeeda aba ginealshooda huumwa nea ghwajoar fukka heawaan.

Bibliyeeda Ghaydit

⁹ nea ghoang'waay muuchi ng'asheanda gawuurji gissiinaalda, ak abeeda ghoamu ghoadayda ng'asheega gichea eabeada aba giinealshooda huumwa nea ghwajoar fugiga heawaan.

Ditto 1:9 Referans Kwoze

2 Desaloniikke 2:15

Asi, fuga eaduupcheewi, amiinaada nea gommajeekchi geat, ak ghoang'ng'waanyi ng'asheekka ghayi sinnalleagwean, gaba ng'asheega ghana gaba barawajeanda.

2 Dimoteo 1:13

Ang'ng'waanya gidahiimu ng'asheega mideawa eaweega ghayi iyiing'si heedeanyu, aba masaweega ea bariinyeega mida jeeda Gristo Yeesu.

1 Dimotteo 6:3

Siida wassean iyanaal fughara nuut nea mwamwasa ng'asheega mideawa eaweega Ng'uttamiideanya was Yeesu Gristo, ghana ginealshooda samgeat sea baditta Aseetta,

1 Dimotteo 1:10

ea fuga mealuuli, ea ng'eedeeda mealuuli sea niirja, ghana fuga jagwadi suurja, ea gea ng'uyeega, ea fuga akka habeawooda ng'uyeega, ea imiida ng'asheanda wassean maweapchi sea ginealshooda bea huumwaani.

Giidaheechta 3:3

Asi apkaada gidaghayi inyasi ea gidaghayi iyiinyi; asi ang'ng'waanya gidida, ak giduukkuuni. Ak iming'wearni gaydahittaayda mareanghweanda, ak ea mwaynala damanda jea dahinna headaang'u.

1 Dimotteo 1:15

Ng'asheanji huumwa gil, ak gamiisa masooda muuchi gideaba Gristo Yeesu ghwahidu munda ng'eanyiida gwalealu fuga ring'eega, ak siida madeeda aba jeedeaba fiisu ea aniini.

Ditto 2:1

Asi ang'iing'i anaala ng'asheega miisa ginealshooda huumwa.

Ditto 1:11

gidabal gearat ghuusiga nyaawa aba gideaba fiisu inyeesa gahutteawi buuneeda aba ginealshooda ak ghwanyas haleanjeeda aba ginealshooda mwadaagha.

2 Dimoteo 4:3

Aba gideaba gayghwahidu damanda jea eaheawa ginealshooda mideawa eaweega ak ghwaat geeshta naweeda gidagasiida saawa ak gwanyaksa geat gimughuscheekka ginealshoodiga aba gideaba gwandeawa idiga jea gwasikkiideawa ng'asheega.

1 Desaloniikke 5:21

asimsima haleanjeessean; ak ghoang'ng'waanyi ng'asheanda miy,

Giidaheechta 3:11

Gaydahidu nea ghaalamwajaannyi; ang'ng'waanya muuchchi gidindeawi, ak ea mooreannyi sih shiipkaagu.

Giidaheechta 2:25

ghusa ging'ng'ooyda gidindeawi, ea dahidu.

Yuuda 1:3

Fuga abwariinyi, geagasayi muuchchi dang'oorneegwa iitta lealeanoodeanya bea geallaan, ak ghadaayi ghwahit gideaba geang'oorneegwa nea geamuscheegwa ak geeng'allealleesi masaweega ghayi sugu nibwagi ak ea majeebiikta siittaw fuga ghaydidi.

2 Dimoteo 2:25

Aba damandida rekkusiina fuga mwamwasa ng'asheegaashciin, gamiisa ea garbabu aba gideaba ideapa gwasa gwadeapa ghwaadaw Aseetta fiisu duukuunooda ak ghwanal humeanda.

2 Dimoteo 2:2

Ak ng'asheega ghayi iyiingsi heedeanyu aba madeeda muushoodiga saang'a iina ng'asheega geatinga fuga doobiiweadi jea ghoamu ghwanal suurja.

1 Dimotteo 4:9

Ng'asheanji huumwa gil ak gammiisa gideaba gajeemwas.

1 Dimotteo 1:19

Ak guhuwi siida masaweega bissa amiy fughara aba gideaba gwanda fuga ninung'waada miyinda fughareeda, hea ghwadatas masaweega nyaawa.

Gadiyeeda Giijasoodiga 18:28

aba gideaba gabalool nea mwaawala gil ea ghwajoar fuga Yahuudi aba eeshpwaara, nea ghoahiimu aba ng'ooruutka ghaydidi gideaba Gristo niny Yeesu.

1 Goriinto 14:24

Ama ramoaran sean, amaduu ghwahidu gah siida iiyiin gaygoohiimsa munyindaannyi, nea ng'asheekka sean iiyiin gaygoorgweaksa,

2 Dimoteo 3:14

Asi ang'iing'i abiidana jeeda ng'asheega ghayi sinaalnyi nea geesikteawean aba gideaba ginali gideaba geabeang'a guil gea ghayi anaalanyi.