Ditto 1:2 - NEAJEEDA EESH BEA BUUNEESSEAN

² Aba jeeda rarooda eaweega manda mudeanooda, aba heeda Aseetta moammu gwanaba ng'uyyeega, sibean eheelleesa gweannyeekka goolla ghang'tta

Bibliyeeda Ghaydit

² Aba jeeda rarooda eaweega manda muudeanooda, aba heeda ASEETA moamu gwanaba ng'uyeega, sibean eeheeleesa gweanyeeka goola ghang'ata

Ditto 1:2 Referans Kwoze

1 Yohaana 2:25

Nea nii ea heelleeda ghayi rukuneasa gil, nea ea eaweega manda mudeanooda.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Yuuda 1:21

afrageat aba jeeda bariinyeega Aseetta; nea ghoammughu baydeayda Ng'uttamiideanya was Yeesu Gristo, ea ghwahitta eaweega manda muudeanooda.

2 Dimoteo 1:1

Aniini Baulo ghawooschi gijasoocheanda Gristo Yeesu aba gidagasiida Aseetta appadayda heelleeda eaweega mida jeeda Gristo Yeesu,

Ditto 3:7

ak abeeda gegoaneasa doobiiwnatta aba dagheerjeandumeedaannyi ak geararji hearanda eaweega manda muudeanooda.

Ditto 2:13

nea geammuughu ghusooda mideawa ghawooda ea gidaheachta gigheambitta Aseetta haw ea lealnoochcheandeanya was Yeesu Gristo,

2 Dimoteo 2:15

Milmiliida eadaanyi gideaba nimwasnyi Aseetta, siida gadiyeeda mwabwaspwasa aba gadiyeedaanyi, ak ginaali ng'asheanda huumwa aba gidamisiinda.

2 Dimoteo 2:13

Nea aseasa imeawasi doobiiweadi, ninyi doobiiwnattaanyi ea maygoosha. Aba gideaba ninyi mwayghaheawa geaw.”

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

Ditto 2:7

Ahiimda geaw aba mureeda sean eadaa ormeeda gadiyoojiga miyaas, nea aba ginealshoodaang'u gihiimu seareeda miy, ea gideeneadayda,

1 Desaloniikke 5:8

Duukku, aseasa deesuwooseewi fuga askwearda, gagasa endeawana gheadeenda, nea geediinyi daghanuunatkaasa igeambooda masaweega ea bariinyeega, nea nngoofanjeandeanya bea gharinyeanda gagasa eanung' ghoaw rarooda jea gweadu lealeanooda.

Ruumi 6:23

Aba gideaba mushaahareeda ring'eeda miyeeda gil, nea gichchea gagu Aseetta mwadaagha ea eaweega manda mudeanooda gil aba jeeda Gristo Yeesu Ng'uttamiideanya.

Mattayo 25:46

Abeeda fiisu gaygaweay jeeda ghoorjooda manda mudeanooda, nea fukka doobiiweadiin gaygaweay jeeda eaweega manda mudeanooda.”

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeanna uutta shoomanda mammudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gittaabooda eaweega dea sibwada sindeetta ng'eanyiida, gayghahamng'eanyi idaa diyeaydida. Aba gideaba gwanda, ak ea mandana ak gayghwahidu.

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

2 Dimoteo 2:10

Ak aba sareani geamilikteaysi ng'asheega sean aba badayda fuga loat Aseetta, gideaba eara saawa ghwanyas lealeanooda mida jeeda Gristo Yeesu ea giigheambiitta ea eaweega manda mudeanooda.

1 Dimotteo 6:19

nea goodiiwsa geat haleanjeeda ghoaw sindeatta miy aba damanda jea ghooni ak ghwanyas eaweega was gea huumwa.

Ruumi 5:21

gawuurji gidambalda ring'eeda miyeeda, gwasnu eara miyeenooda goombal doobiiwnatta ak gweadu eaweega manda muudeanooda aba naweetta bea Yeesu Gristoyda was Ng'uttamiideanyean.

Gadiyeeda Giijasoodiga 15:18

gwayi Ng'uttamiida, ng'eaha siida ghayi nung' ghwanal buuneeda ng'asheesu ammwadi.’

Yohaana 17:2

aba gideaba ghayi giidawi niny uurda appadahuukka buneassean ak abeeda ghoadaw eaweega manda mudeanooda fukka sean ghayi idawiin.

Yohaana 10:28

aniini iissa ghaadawji eaweega manda mudeanooda, ak eara saawa ghanyea maygwarooda eara hay eaghoaw eaweega manda mudeanooda, nea ghanyea manda siida ammu gageandeawa geattindeanyu.

Yohaana 6:68

Ghwasha Simon Betro ak gwayeeshsha, “Ng'uttamiida, akajeeweaya heedeabeang'a? Ang'iing'i gindeawi ng'asheega eaweega manda mudeanooda;

Yohaana 6:54

siida akk saseedeanyu nea ghwali foojeandeanyu gaygwandeawa eaweega manda mudeanooda, nea abeeda gaydeaduudu niny eaweetta huydean.

Yohaana 5:39

Agooga gosikkideawi ng'oruutka nea ghoaghayi gili aba jeannyaawa gondeawi eaweega manda mudeanooda; ak ea dea muuwwu ng'asheega badaydeanyu.”

1 Dimotteo 6:12

Ng'uchcheena muuchchi ng'uchcheedida bea masaweegean, ang'ng'waanya eaweegiga manda mudeanooda ghayi suguurnaneeyiin, ak gimuuwwu muuwwunooda miy aba madeeda muushoodiga saang'a.

1 Desaloniikke 2:15

dea ghayi nuus sean Ng'uttamiida was Yeesu ea sibanga, ak gooruuttaneasa jarooda, ak ghoanyareas Aseetta nea ghaheawa buuneessean

Ruumi 16:25

Asi ghamneawa siitta ammu goomajeegeegwean, aba gitteascheetta sea giijasteanyu miy ea gissurukkwiideayda Yeesu Gristo, ak gwadeaschi sea gidaheachta makcheameetta ghayi funyaat ng'eada deaghayi bea garayiin,

Ruumi 5:4

nea milikghteayda gaygweadu hang'ooynatta jeeda, nea hang'ooynatta jeeda gaygweadu rarooda,

Ruumi 5:2

Nea appadaydeabwa niny ea sinyaschi naweeda dagheerjeandumeeda ghamneawa simiinaadawiin, nea geehoosannyi aba rarooda gigheambiitta Aseetta.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Ruumi 1:2

ghayi siheelleesa ammwadi aba naweeda sibangaaschi aba jeeda ng'ooruutka ghaydidi,

Yohaana 17:24

Bwaabwa, suu ghayi igonnyeaniin geagasayi dandeawa galeagasean aba hiji eandi sean, ak abeeda ghwadaa gigheambiitteanyu ghayi igonnyean, aba bwariinyeegaagu nea miyeabwat sindeetta ng'eanyiida.

Golosaayi 1:27

Aba jeannyaawa ghwaloat Aseetta ak ghwang' ghwanal Emoojiga gitteenna hawunda meanang'oochcheandumeeda ea makcheameeda gheambalmeadaannyi was Gristoyda mida jeedeang'wa, was rarooda gigheambiitta.

Marko 10:30

aba damani bea ghamneawean, gajeattaw niba bughala, ea ghwanaawa damani bea ghamneawean gheeda, ea oorjooga ghaamwat, haweega ghaamwat, ghaamwat, diibiga, ea madameega ea sawanadeeda ama damanda jea ghwahidu gayghwanyas eaweega manda mudeanooda.

Marko 10:17

Ng'eat Yeesu nea gaygawa bareannyeakkaaschi, gafaju sih ama hidu gwatkuy aba madeadaannyi ak gwayeeshsha, “Ea Ginealshoochcheanda waam, akkaydasin naaha ijadanyas eaweega manda mudeanooda?”