2 Goriinto 2:3 - NEAJEEDA EESH BEA BUUNEESSEAN

³ Ak ghang'waarji gawuurji gideasindi, ak abeeda iyaawunnyi ea measawanani aba heedeaba fukka ghwanyawa jea ghwanung' dahoosaniin. Aba gideaba ghadaayi aba huumwa aba jeedeang'wa oagasean, gideaba hooseaneegeasu gajea hooseaneegeagwa gil oagasean.

Bibliyeeda Ghaydit

³ Ak ghaang'waarji gawuurji gideasindi, ak abeeda iyaawunyi ea measawanani aba heedeaba fugiga ghwanyawa jea ghwanung' dahoosaniin. Aba gideaba ghaadaayi aba huumwa aba jeedeang'wa oogasean, gideaba hooseaneegeasu gajea hooseaneegeagwa gil oogasean.

2 Goriinto 2:3 Referans Kwoze

Galattiya 5:10

Aniini ghaaghuschi Ng'uttamiida ea gideaba mwajayamwana mwajadaakta ng'asheega gidadaakti aniini; nea siida adeawiideegwa agooga gayghwanyas girgweaksiindaannyi, siida wassean.

2 Goriinto 8:22

Hean geechcheagu sea saawa orjeediyya nigeawiit eesimsim ak geadaayi gideaba aahiidaat aba haleanjeesaang'a, ak ghamneawa ea hidaat muuchchi ea ghang'alda appadayda masaweegaaschi adareemshi aba heedeang'wa.

Filimoon 1:21

Ghamwaaschi aba mureadaang'u, ak geang'oorneey ang'iing'i nea ghaanalli gideaba gaysina ng'asheesu ea ghwanaawa gea earukuneey.

2 Goriinto 7:12

Asi earappeadi eang'oorneegwean, mwang'waari appadaydeaba siitta adiiyiin, ak ea maba badaydeaba siitta sittiysean, geebaysiina gideaba bariinyeegeagwa aba heedeanya gajeattajiit aba heedeang'wa aba madeeda Aseetta.

2 Desaloniikke 3:4

Amaduw earaseasa ea sughuschi Ng'uttamiida appadahuukkeagwa, nea gideaba goosinnyi ng'asheega ghayi surukuneegwa, ea gideaba gajasna ng'asheega sugoonnyeegwa aba digheanda.

2 Goriinto 12:21

Aniini ghaawalli gideaba gajiiduw iyaawunnyi gichcha gayghwahiing'naan Aseetteanyu aba madeedeang'wa, ak abeeda geagiisannyi appadahuukka fuga saang'a ghayi sin ring'eeda ammwadiin ak ea mii gwaduukkuuna munyinda, ea munyinda, ea hiseadayeandumeeda ghayi sineadayyi.

2 Goriinto 12:11

Nadashahiichchi! Ak ghoanung' agooga dasnu, ak gahaguuwan gideaba gajagwarsean agooga. Aba gideaba meawosi mwanang'eawa giijasoodiga suurja hees, earappeadi meawosi giliin.

2 Goriinto 7:8

Aba gideaba earappeadi nanyareascheagwa aba barawajeandeanyu, maydagiisan aba gili (earappeadi neagiisannyi aba giliiin,) aba gideaba ghadaayi gideaba barawajeandida niinyareaseagwa, earappeadi gheadi nuwaasi.

2 Goriinto 7:6

Nea Aseetta, geanniida salgheang'da fuga giisan, gageanda salgheang'deanya aba hinnooda Ditto,

2 Goriinto 1:15

Iiduw nea ghaanalli ng'asheanji, hean geagasayi doan heedeang'wa ammwadi, ak abeeda ghoanyaschi hooseaneega deabiyyeenya;

1 Goriinto 4:21

Ghoabwariinyi anneeda? Gaydoan heedeang'wa nea geayeadu bileangida, ghana jea doana bariinyeega ea guroorooda garbabu?

2 Goriinto 1:23

Iiduw geeguursi Aseetta ghoaw mushoochcheandeanyu, ak abeeda iyaawunnyi ea moanyasi sawanadeeda ak ghoaw gissitteelsiinanean hinnooda Goriinto.

2 Goriinto 2:9

Nii gideang'oorsi barawajeanji gil, gideaba geagasayi dasin danal ea goosissi mureeda ng'asheega sean.

2 Goriinto 7:16

Geahoosannyi, aba gideaba geandeawi masaweega muuchchi aba badahuukkeagwa.

2 Goriinto 13:10

Ghang'waarji barawajeanji nea geawoschi sheageewaneegwa, nea geabaysiini gideaba iyaawunnyi ea mwang'waniidi aba uurdeanyu bea gheambalmeeda ghayi goonan Ng'uttamiida jea dadeekna nea mii dea nyarjeawda.