1 Goriinto 5:11 - NEAJEEDA EESH BEA BUUNEESSEAN

¹¹ Ak geang'oorneegwa gideaba adoobareannyeewi siida was oorjeeda suguura dea giyeang'wa, iyaadiiy ghana gwaseeja haleanjeeda, ghana ea siida bada haleanjeeda mawosa Aseetta, ghana ea siida ang'eawi buuneeda gil, ghanea siida boogidi, ghana ea siida areedi buuneeda haleanjeeda, siissunu adoamwaschi eara gideaba gajoombucheewana.

Bibliyeeda Ghaydit

¹¹ Ak geang'oorneegwa gideaba adoobareanyeewi siida was orjeeda siguura dea giyeang'wa, iyaadiiy ghana gwaseaja haleanjeeda, ghana ea siida bada sanaamu, ghana ea siida ang'eawi buuneeda gil, ghanea siida boogidi, ghana ea siida areedi buuneeda haleanjeeda, siissunu adoamwaschi eara gideaba gajoombucheewana.

1 Goriinto 5:11 Referans Kwoze

Ruumi 16:17

Ofuga eaduupcheewi, geamuscheegwa gideaba ang'ulla fuga eattu jaleadinga ea ng'asheega jea gwaruusa buuneeda, mawoosa giinealshooda ghayi sinnaleagwa; asi ohheelleewana geat.

2 Desaloniikke 3:14

Ama deeppa gwanda siida wassean heawa gwasissa mureeda ng'asheandeanya surgu aba jeedeaba barawajeanji, abeeda orroora siisi, nea adiiduw goppaloolli, ak abeeda ghabwaspwas.

2 Desaloniikke 3:6

Fuga eaduupcheewi, geegoonnyeegwa digheanda, aba gheawunga Ng'uttamiida was Yeesu Gristo, ohhelleewana geat oorjeedagiyeang'wa wassean bea ghaleahu nea masna ng'asheega ghayi sing'ng'waanyaan heedeanya.

Mattayo 18:17

Ama mealeysiniit saawa, abeeda girukusi ganiisa; ama mealeysiiniit ganiisa, abeeda ginung' ghoaw aba headaang'u siida Emoojiga ea dea ang'ng'waannyi gwaadi.”

1 Goriinto 5:13

Aseetta gaygoorgweaksa fuga mida jarooda. “Ak ghahoan fuga munyas aba jeedeang'wa.”

2 Yohaana 1:10

Siida ihidu heedeang'wa nea meanna ginealshooni, abeeda ea adideapti aba gheang'u nea adiigeachcheewi;

Giidaheechta 22:15

Hoowa bea jaroodean gwanda gudajeega ea beneediga ea fuga hiseada ea fuga nuusa buuneeda ea fuga ghadoawani gidamwawosa aseetta, ea gilinyoo ghabwariiy ng'uyyeega nea gwasin.

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

1 Dimotteo 3:3

Mii siida boogidi gil, mii siida bara buuneeda, ak ea garbabu, mii siida gheangnyachi gil, ak ea mii siida bwariiy lapiya,

Mattayo 23:25

“Eamuy deang'wa ng'oorshoodiga, ea Farisayajeega ammiittu geat! Aba gideaba iissa goohuunnyi badayda bayookta ea dea gweeriida, nea jeeda ghwannyiit haleanjeeda orreedayi buuneeda ea shidoodeaba ghaang'.

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.

Efeeso 5:5

Agooga ghoanalli ng'asheanji gideaba siida hiseada ghana dea sina ng'asheega munyas ghana dea gaseadayyi haleanjeeda ea dea (bada gidamwadaagha ghwanung' ghoaw Aseettaannyi) manda dea jea gwahearan gheambalmeeda Gristo ea Aseetta.

Lukka 21:34

“Asi afra geat adagoobal guroruunatkeagwa beeshkweeda ea booktuumeeda ea eaweesu bea ghamneawean, ea gwashameegwa eaweettida; gawuurji gidang'ng'oonnyiida ghudumbwaada haleanjeeda;

1 Goriinto 6:10

ghana mareanghooga, ghana fuga geawi ghaanyan, ghana leeyda, ghana fuga giing'weaka, ghana fuga areedi fii haleanjeeda jea gwahearan sugoochcheandumeeda Aseetta.

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

1 Goriinto 8:11

Nea aba fughareadaang'u genuus siida ng'arng'ar, was oorjeeda giyeang'wa ghayi meah Gristo appadaydaannyi.

1 Goriinto 6:6

iissa gawa siida ghoahaakta oorjeeda ghaamwat, ea biissa aba madeeda fuga mandeawana masaweega?

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktumeeda, mii ng'asheega munyas gil ea hiseadayeandumeeda, mii jaliida gil ea lajoodeaba ghuut.

Giidaheechta 2:14

Ak geandeawi ng'asheesu ng'ay appadaydaang'u: gideaba gindeawi fiisu ng'ay aba hoowa aat geeshta ginealshooda Balaamu, niny ghayi ghoanaal Balakki ak gwaruusa balloojiga Israeeli ak ghwanung' ghwaak hamichchoojiga siyaat lukghumajeega siittaw haleanjeeda mawosa Aseetta ea biissa mealuleega.

1 Dimotteo 6:5

ea sheangnyeeda fuga nidatasa fughareenga nyaawa nea mandeawana humeanda ak ghaghay gili meanang'oocheandumeeda gil.

Efeeso 5:18

Asi adooboogidayi aba difaayeeda jea gahutteawweegwa; ghang'wana geannyideagwa Gurorooda Ghaydit.

Galattiya 2:12

Damandida mii ghapkaana fiisu ng'ay ajeagu Yakobo, abeeda goombuuchchi sea fuga Emoojiga; ama iiduw nea ghapka hean ghwanung'waada gimbuchcheeda ak gabiikta bwadaw ak gooheeli geaw aba gideaba ghwoawal fuga siyat ghasmeahooda.

1 Goriinto 11:21

Aba agiischooda, iissa gaba siisi geanda hamittaannyi, nea siyagi gabearji jalooda nea niirja ea boogideat.

1 Goriinto 10:14

Asi fugeasu abwariinnyi, aba sareani anung'waada baditta gidamawosa aseetta.

1 Goriinto 7:15

Nea fuga nigeennyi mandeawana masaweega igasa ghwadarda, ea dadarda; aba sareani oorjeediyya ea hudiyya ea mii radeadi. Aba gideaba Aseetta gaguurneasa aba hooyyooh.

1 Goriinto 7:12

Nea buuneeda suurja gearukusi aniini mii Ng'uttamiida gil gideaba iimida oorjeeda giyeanya wassean mideawa gatmooda mandeawana masaweega, ak ghamwas gideaba gay gwandeayi sea niny adaghwanung' gatmoani.

Gadiyeeda Giijasoodiga 9:17

Iiduw gawa Anania ea gawa jeedeaba gheedida. Ak ghwayiin geattingaaschi uhuuda nea gwayeeshsha, “Oorijeediyya Sauli, Ng'uttamiida was Yeesu heetta iroonyeewi aba naweeda nea abeeda gigalu hiji, goojeakneani ghwajaada gheanyangaagu nea ginyasi uurda Gurorooda Ghaydit.”

Lukka 18:11

Ghang'eat Farisayajeanda ak ghamwaashtunu Aseetta aba jeadaannyi, ‘Ea Aseetta, geabadischoweey aba gideaba aniini meawurjeewani buuneeda suurja, fuga areedi buuneeda haleanjeeda, ea fuga miidoobiiweadi, ghana fuga mealuuli, nea meawuurjeewani eara siisi ang'ng'oonyi gwadiin.

Gadiyeeda Giijasoodiga 1:15

Aba eawoojikka ghang'eat Betro ghamiinaada aba jeeda fuga siduupcheewi (nea abeeda monneeda buuneeda ghwahitta bughala ea diktam), ak gwayeeshsha,

1 Goriinto 6:9

Ghana moanali gideaba fuga mii doobiiweadi maygwahearan sugoochcheandumeeda Aseetta? Adeereenganneegwa; fuga munyas searooji gil, ghanea fuga bada haleanjeeda gidamawosa Aseetta, ghanea fuga mealuuli, ghanea fuga ashiigi suurja,