1 Goriinto 4:12 - NEAJEEDA EESH BEA BUUNEESSEAN

¹² geebiissi edeawiida nea geesinnyi gadiyeeda aba geattingaasa. Iisingng'eaweasa geebadiischeesi, iisibwareasa gearjeang'di.

Bibliyeeda Ghaydit

¹² geebiissi eedeawiida nea geesinyi gadiyeeda aba geatingaasa. Iisiing'eaweasa geebadiischeesi, iisibwareasa gearjeang'di.

1 Goriinto 4:12 Referans Kwoze

1 Betro 3:9

Adowalliideawi ng'asheanda muy dea muy ghana ging'weakka ea ging'weakka; ghang'wana gidawi ghawooda, aba gideaba geeguurneey appadaydeaba ng'asheanji, ak abeeda ginyasi ghawooda.

Mattayo 5:11

“Ghoang'wani agooga iyang'eawweegwa buuneeda nea geesawaneegwa nea geerukuna badahuukkeagwa ng'asheega munyas sean aba ng'uyyeega appadaydeanyu.

Ruumi 12:14

Abadiischeesiina fuga sawaneegwa; abadiischeesiina nea ghanyea adoamwaashti.

Ruumi 12:20

Manda, “Iibearji weajoochcheandaang'u jalooda, giidaw gichchea ghwaak, amabearji muwooshta, giidawi beega; aba gideaba iisni ng'asheanji abeeda giyiini uhuudaannyi rarayga beasta.”

Gadiyeeda Giijasoodiga 18:3

iiduw aba gideaba gwasin gadiyeanagi gopteada sea saawa, ak gagadiiyi, aba gideaba gadiyeeda nyaawa sinooda udahabaschajeega.

Lukka 6:28

Abadiischeesiina fuga morridaneegwa, amwaasha Aseetta appadahuukka fuga ghabwaseegwa.

1 Betro 3:14

Eara gwasa asawanana appadayda doabiiwnatta, gajeegooneegwa ghawooda. Adoawalli saawa, nea adaghang'udeegwa muuwda,

1 Betro 2:23

Niny ghayi iisiing'ng'eawi ea miighoodeelda ging'weakka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.

Lukka 23:34

Ak gwayi Yeesu, “Bwaabwa, eaniiyean samsiina fiisu; aba gideaba mwanala gissin.” Hean geelaja hang'wakkaaschi ak geng'alealleesa.

Mattayo 5:44

Ak geayeeshshineegwa, abwariinya weajoodigeagwa amoasha ghawooda appadahuukka fuga sawaneegwa.

Gadiyeeda Giijasoodiga 7:60

Ng'atta gwatkuy ak ghoahawda nea gwayi, “Ng'uttamiida, adiiduw ginung' ghwanyas fiisu ring'eani.” Iiduw nea niihiit ng'asheesu, ghami.

Yohaana 15:20

Oapkaada ng'asheanda ghayi earukuneegwa, bea gideaba, ‘Soomjeanda mihaweawa siida haw.’ Iinukwa nisawanan aniini, earagooga gaygwasawaneegwa; inyeeda gwachchi ghoang'ng'waay ng'asheandeanyu, gayghoang'ng'waay eara ng'asheegeagwa.

Yuuda 1:9

Nea Mikkaeleeda was malaykajeanda haw, gang'alealii sea meang'nyeandeenda, nea gwasheang'nyeesa saseeda Muusa, mii gabadaksa rukunooda ging'weakka appadayda girgweageeda mida badaydaannyi, geaghus gideaba gwayeeshsha, “Gagasa goowoowseey Ng'uttamiida.”

1 Dimotteo 4:10

Aba gideaba ghoaw gidaghamna adeawiideasa ea gidasigadiyeatti muuchchi appadaydeaba gili. aba gideaba aseasa geeghuschi Aseetta majeek was lealnoochcheanda buuneessean, ghwaraanya gea mwas niny.

2 Desaloniikke 3:8

nea ghanyea miyeayaaga mukkatteeheemba siida wassean nea meashaahi, geaghus aba sawanadeeda ea deawiitmeeda nea geesinnyi gadiyeeda eawa ea askweari, ak abeeda ea meesawani siida wassean aba jeedeang'wa.

1 Desaloniikke 2:9

Ak ghoapkaachchi gissuburdi ea gissisawaneatti, fuga eaduupcheewi; aba gideaba iissa geegadiyi eawa ea askweari, ak ea meesawani siida wassean aba jeedeang'wa, nea geerukkuneegwa giijasta miy bea Aseetta.

1 Goriinto 9:6

Ghana sughus Barnaba sea aniini was fuga jea gagadiiyi ak ea mwanyasa hamitta?

Gadiyeeda Giijasoodiga 20:34

Ak ghoanalli agooga gideaba aniini geagasayi aba geattingeasu, ak ghaanyaschi haleanjeeda aba gitteenna, sea fugeandeawi.

1 Betro 4:19

Asi fukka sawana aba gidagassiida Aseettean ghoadoabiiw aba giidaydeayda jeesinga nyaawa heeda Deabwat haleanjeessean biissea doabiiwaat.

Ruumi 8:35

Ak ea ng'eaha gil siida jea gooheellaneasa sea bariinyeega Gristo? Heappi, gajea hang'weaniidoodea, ghana deawiitmeeda, ghana sawanadeeda, ghana jalooda, ghana dawiishnatta, ghana halootta, ghana bwaanga?

2 Goriinto 11:8

Nareachchi ganiisajeega suuk haleanjeeda nyaawa goonan saawa ak abeeda ghaweachcheegwa.

Efeeso 4:28

Mareanghweanda danung'waada gwadishta, dang'eada ghuutta gadiyeeda miy aba geattingaaschi, ak ghwanyas gichchea ghoadaw fukka gassean.