1 Goriinto 2:9 - NEAJEEDA EESH BEA BUUNEESSEAN

⁹ gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

Bibliyeeda Ghaydit

⁹ Gawuurji gissing'oarda, “Haleanjeeda manda gheang'da nidaah, ghana iita niyiiy, ghana ghoapkaat guroorooda siida, haleanjeeda nigeawiit gwasisin ASEETA aba badahuuka fuga bwariiy niny.”

1 Goriinto 2:9 Referans Kwoze

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Ruumi 8:28

Ak geanalli gideaba aba jeeda ng'asheega sean iissa gwasin Aseetta gadiyeeda miy sea fukka bwariiy ninyiin, fukka ghayi suguursa aba gidagassiida ninyiin.

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Ebraniya 11:16

Asi ghamneawa aba giduurji, gagaseadayyi ng'eanyiida miy, nea diitta bea humng'eedeani. Hean Aseetta ea moammu ghabwaspwas aba gideaba geguura Aseetta nyaawa, aba gideaba nisissa saawa mujiini.

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

1 Yohaana 4:19

Aseasa geabwariinyi, aba gideaba goosheeda niny ghabwariinyeasa.

Yohaana 3:16

Aba gideaba Aseetta ghabwariiy ng'eanyiida ea eeyibwak ea ghoadayda Balleandaannyi assakkalealla, ak abeeda siida wassean mwas niny amwaroada ak abeeda ghwanyas eaweega manda mudeanooda.

1 Betro 1:12

Hean geettaheachsa saawa gideaba magadiyeesiina badahuukka nyaawa, appadahuukka haleanjeeda ghamneawa rukuneegwa fukghayi rukuneegwa giijasta miy aba naweeda Gurorooda Ghaydit siichcheagu leabu humng'eedean, ng'asheesu ghayi gagaseadayi malaykajeega ghwadaa.

Mattayo 20:23

Gwayeeshsha Yeesu, “Sawanadeedeanyu gajoomilikghteaysiina, ama duukku giipteadayda geattindeanyu bea dugwa ea geattindeanyu ghadaam, meandeawani uurda jea dagoona, geaghus eattaw fukghayi nibay gwararsa Bwaabwa.”