1 Goriinto 2:6 - NEAJEEDA EESH BEA BUUNEESSEAN

⁶ Nea jeeda fuga nihittiisa heeda aba masaweega ginaali weaghuumeeda, earappeadi mii weaghuumeedeaba damani ghana dea fuga ambaliischi aba damani, was gea jea gammuudean gil.

Bibliyeeda Ghaydit

⁶ Nea jeeda fuga nihitiisa heeda aba masaweega giinaali weaghuumeeda, earapeadi mii weaghuumeedeaba damani ghana dea fuga ambaliischi aba damani, was gea jea gamuudean gil.

1 Goriinto 2:6 Referans Kwoze

Ebraniya 5:14

Hamitta hang'waay gaba fuga nihittiisa heeda, nea giikka mideawa fughareengean ea sinnaal sinooda gichchea goheelleatta ng'asheega miyaas ea gea munyas.

Yakkobo 3:15

Abeeda weaghumeeni ea maleapna heettiyeada, nii gaba badayda ng'eanyiida, ak ea maba gurorooda, ak gaba meang'nyeandeenda.

2 Goriinto 4:4

Aba sareani aseetteaba ng'eanyiini ninung' gang'oowiidi fughareenga fuga mandeawana masaweega, ak ghaweada deakta weeshinda giijasta miy mideawa gigheambiitta Gristo, nea niny gawuurji sea Aseetta.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

1 Goriinto 2:8

Ea manda aba jeeda fuga ambaliischi aba damani dea nal ng'asheanji; aba gideaba inyeeda heetta ghwanal, abeeda ea maygongoor Ng'uttamiida ghambiidaat.

1 Goriinto 1:28

Aseetta ghwaloat haleanjeeda ng'arng'ari sifool aba jeeda ng'eanyiida, ea haleanjeeda mandana, ak ghwanung' ghoaw haleanjeeda mwadaagha gea mida,

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

2 Goriinto 1:12

Aba gideaba aseasa geaghwari geat ng'asheanji, nea gitta muuwwu fughareengaasaan gil ak ghoaw gissibeadi aba jeeda ng'eanyiida, ak gabiissa ghwaraanya muuchchi aba heedeang'wa, aba ghaydidanda ea baditta Aseetta bea huumwa, nea mii aba weaghumeeda ng'eanyiida gil geaghus aba dagheerjeandumeeda Aseetta.

Yakkobo 3:2

Aba gideaba aseasa eesasean iissa gearamwaschi gasaang'a, ama deeppa ea mwaramwasta siida wassean aba ng'asheega rugu abeeda siisi adoabiiwaat, ak ghoammu ghwarat eara saseadaannyi sean.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuuwa diibiga aba ng'asheega munyas, nea aba fughareengeagwa ghoahuuyi fuga hees.

1 Goriinto 2:13

Ak geerukkwiidi gili aba ng'asheega maleapna weaghuumeeda anaal fii siida geaghus dea anaal fii Guroorooda, ak gwaroobu humeanda guroorooda aba heeda fuga mideawa Guroorooda.

1 Goriinto 2:1

Hean iyaawunnyi heedeang'wa, fuga eaduupcheewi, mwaawuuni darukuneegwa muuwwuunooda Aseetta aba ghwarjeeda ghana aba weaghuumeeda.

Lukka 16:8

Gagwarsa Siida haw haghweadoochcheandida sina ng'asheega munyasiin, aba gideaba balloojigeaba ng'eanyiin eabareahi iheen aba jeedeaba rooproobang'su ea ghang'al fuga abiitta heedeesh.

Mattayo 19:21

Gwayeeshsha Yeesu niny, “Iigasayi huuwa siida hidaat, guwi ak gishaaydi haleanjeadaang'u indeawi, ak giidawi fuga barbari, ak abeeda gaymideawana gheaseeda aba humng'eeda, ama ng'atta guwuni eanni geeshteanyu.”

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

1 Goriinto 3:1

Nea aniini fuga eaduupcheewi mwammuusi deabalooldaneegwa fuga mideawa guroorooda, geaghus awuurjeewana fuga saseeda, nea goowuurjeewi diibiga Gristo.

1 Goriinto 12:8

Aba gideaba siyagi aba Gurorooda geattaw gwarukku weaghuumeeda, nea geattaw nuut gwarukku ng'asheega aba fughareeda aba gidabwariiyda Gurorooda,

2 Goriinto 4:3

Ama deeppa giijasteanya miy afunyaat, ada abeeda geaghus afunyaat aba heedeaba fukka rodeadiin.

Golosaayi 1:28

Niny geergu aseasa, nea gereekusi giliwas sih nea geannaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

Ebraniya 6:1

Asi aseasa eweaya mwadi eanung'waada ng'asheekka ghayi bea garayi bea ginealshooda Gristohiin nea gehittiisi heeda, ak ea adagudeesinnyi sindeetta duukkuunooda aba gadiyoojiga nimeewa ak geendeawi masaweega aba heeda Aseetta,