1 Goriinto 14:4 - NEAJEEDA EESH BEA BUUNEESSEAN

⁴ Siida baloola iitnuut goomajeek geaw niny, nea siida rukku ramooranga goomajeek ganiisa.

Bibliyeeda Ghaydit

⁴ Siida baloola iit nuut goomajeek geaw niny, nea siida ruku ramooranga goomajeek ganiisa.

1 Goriinto 14:4 Referans Kwoze

1 Goriinto 14:22

Asi, iit nuut gwadeagooda gil ak ea maba fuga mideawa masaweega, gaba fuga mandeawana masaweega, nea ramooranga ea maba fuga mideawa masaweega.

1 Goriinto 14:26

Fuga eaduupcheewi, asi gajeeyeanaan? Iyoobwachchi geat, gaba siisi mideawa duumda, ea ginealshooda, ea gidaheachta, ea iit nuut, ghana rooppunooda ng'asheega.

Marko 16:17

Ak abeeda eara gwadeagooda gaygodeaydooschi Fukka mideawa masawegean, aba gheawungeasu gaygoruutta meangeeniga ak gaygabaloola iit nuut.

1 Goriinto 14:12

Gwasnu earaba heedeang'wa; aba gideaba googasayi muuchchi gideaba gajahuuwa fuga mideawa uurda aba Gurorooda, agassa muuchchi gideaba gajandeawana ak ghoadeaschi ganiisa.

1 Goriinto 14:5

Ak geagasayi aniini gideaba gajabaloolana iit nuut, nea ghwaraanya muuchchi gideaba gajaramoarana. aba gideaba siida ramoorani ahaweewa siida baloola iit nuut, geaghus gwarooppu siinuut, ak abeeda geemmajeek ganiisa.

1 Goriinto 14:3

Nea aba meatkweeda niirja, siida ramoorani gobalool buuneeda aba gidiing'nooda nyaawa nea goomajeek ea geandeayda salagheang'da.

1 Goriinto 13:2

Nea eara dandeawa uurda sibaneandumeeda, ak ghaanalli makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawosi gil.

Ruumi 14:19

Asi iisunu geang'ng'waanyi ng'asheega weayda ea ng'asheega miyaas jea gwadeekneegwa.

1 Goriinto 12:10

nea nuut geattaw gadiyeeda jea gwasna ng'asheega deamdeameedi, nea nuut geattaw sibaneandumeeda, nea nuut gooheeldooschi gurooruunatka, nuut heeluutka ghuusiga emoojiga, nea nuut geattaw rooppiideayda ghuusiga emoojiga.

1 Goriinto 12:28

Nea Aseetta ea niloat giijasoodiga madeeda aba jeeda ganiisa, deaba iyyeenya sibanga, geaba samwagu ea ginealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloolla ghuusiga emoojiga mwaatkwa.

1 Goriinto 13:1

Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda anaahuuyi gharinnyeanda ajuuri ea deebajeanda was moonngeanda.