1 Goriinto 13:7 - NEAJEEDA EESH BEA BUUNEESSEAN

⁷ Bariinyeega iissa ghamilikghta ng'asheega sean, ak ghamwas ng'asheega sean, ak ghwarar ng'asheega sean ak ghwarjeang'da aba ng'asheega sean.

Bibliyeeda Ghaydit

⁷ Bariinyeega iissa ghamilikghta ng'asheega sean, ak ghamwas ng'asheega sean, ak ghwarar ng'asheega sean ak ghwarjeang'da aba ng'asheega sean.

1 Goriinto 13:7 Referans Kwoze

1 Betro 4:8

Appadaydeaba suu seaniin asna badiida muuchchi ak ghoabwariinyi geat, aba gideaba bariinyeega gwadukta ring'eega saang'a.

1 Goriinto 13:4

Bariinyeega iissa ghamilikghta nea innya jih; bariinyeega mandeawana lachng'eanyiida ghana ghwarjeeda;

2 Dimoteo 2:24

Ak ea mamiisiina siida gadiyeeda Ng'uttamiida gaba jalliida, gamiisa gideaba gajeagarbabu aba heeda buuneessean, bissa nala gooneashi ak gamilikiida ng'asheega.

1 Betro 2:24

Niny ghwasar ring'eagaasa aba saseadaannyi aba uhuuda geetta, ak abeeda geemeewayi aba ring'eeda, ak geewoschi majeekcheewi aba doabiiwnatta, aba deanneaduutkaaschi ea siihabeasa.

1 Goriinto 9:12

Asi iinyas buuneeda suurja haleanjeeda doabiiw aba heedeang'wa, abeeda amearaanyani aseasa? Iiduu, ea meagasi aseasa gideaba gajeatoabiiwdunu, iissa geamilikghti haleanjeassean ak ameatteali Giijasta miy bea Gristo.

Galattiya 6:2

Daba siisi sar sareemba nuut, daba siisi ahiit deaweedeeda Gristo.

2 Dimoteo 4:5

Asi ang'iing'i mideawana gheadeenda aba haleanjeessean, milighteaysiina gea munyas sina gadiyeeda rukwiideayda giijasta miy ahiida gadiyeedaang'u nea gidoobiiw.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

2 Desaloniikke 1:4

Amaduw earaseasa ea sugwareesi appadahuukkeagwa aba jeesinga ganiisajeega Aseetta aba milikghteaydeang'wa ea masaweega ondeawi aba ghabasteang'wa sean sea sawanaduutka oamilikghti.

2 Dimoteo 3:11

ea bariinyeega ea milighteada ea sawanaduutkeasu bea ng'asheega ghayi anyaschi aba ng'eanyiida Andogiya nea Igunio ea Listra, bea haleanoojiga sawanaduutka ea milighteaysi ak gwalealneani Ng'uttamiida aba suuh seaniin.

Ruumi 15:1

Asi gamiiseasa aseaseeda mideawa uurjeenga eaweeda fuga ng'arng'ari, ak ea adeabwariinyi geat aseasa nea geabwaageat;

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Ebraniya 13:13

Asi eweaya mwadi heeda mida aba jarooda was murdeeda gambiini, ak geeguuyeesi baspaseagaaschi ghayi ahang'waay.

Ruumi 8:24

Aba gideaba aseasa geelealneasa aba gitta sirarjiin. Nea gitta sirarji nea geadayiin ea mii gichchea earar gil. Aba gideaba gajea ng'eaha jea ghwarar gitta daahiin?

Marko 9:23

Gwayeeshsha Yeesu, “Gwayi immuusi gili! Aba siida mideawa masaweega manda gichchea gwadilna.”