1 Goriinto 13:2 - NEAJEEDA EESH BEA BUUNEESSEAN

² Nea eara dandeawa uurda sibaneandumeeda, ak ghaanalli makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawosi gil.

Bibliyeeda Ghaydit

² Nea eara dandeawa uurda sibaneanduumeeda, ak ghaanali makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawoosi gil.

1 Goriinto 13:2 Referans Kwoze

1 Yohaana 4:8

Nea siida mandeawana bariinyeega ea miighwanal Aseetta aba gideaba Aseetta bariinyeega gil.

1 Goriinto 13:3

Iyaadaydi haleanjeedeanyu sean eandeawi, ama adaydi saseedeanyu eaghwarda, ak ea meandeawani bariinyeega, ea meanyasi gil.

Mattayo 17:20

Gwayeeshsha Yeesu, “Gwasin gheashooyda masaweegeagwa. Geayeeshshineegwa aba huumwa, inyeeda goondeawi masaweega deenna ghajilleanda haradaali, gajoammusa ayeeshshiina giijeeni, ‘Loadadawana hiji ak guwi hoowa,’ ak gaygawa, ak ghannyi ea manda ng'asheanda hang'waay mwajoammuusa sinooda.

1 Goriinto 16:22

Siida wassean mwabwariinya Ng'uttamiida, gagasa eamwaashta. Ng'uttamiideanya ghwaan!

Mattayo 21:21

Ghwasha Yeesu nea gwayeeshsha saawa, “Aba huumwa geayeeshshineegwa, iyondeawi masaweega nea manda jeesingeagwa machmajeega, ghoammuuschi nea majeaghus nii bea shaboogheechcheandean akghwahit, gajoammusa eara gideaba gajayeeshshiina giijeeni, loadaada ak geejakseey jeeda basooda, ak gaygwasa.

Efeeso 3:4

Ak iyoassoomi ng'asheesu ang'waarjiin, abeeda gajajeeng'ni gidaanaldi gili funyaat bea Gristohiin,

1 Goriinto 13:1

Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda anaahuuyi gharinnyeanda ajuuri ea deebajeanda was moonngeanda.

Galattiya 5:16

Asi geayeeshshineegwa, Aweayeena aba guroorooda nea ghanyea majaduulni haleanjeeda gasa saseeda.

Golosaayi 1:26

nea makcheameani ghayi sifuyiin ghang'eada gweannyeekka ghayi bea garayiin ea jeachcheenga ak ghamneawa ea siitteajiisa fugaaschi ghaydidi.

Galattiya 6:3

Ak siida iiyeeshsha geaw guwosi gil, nea mii gili, adagwareengani geaw.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

1 Goriinto 12:28

Nea Aseetta ea niloat giijasoodiga madeeda aba jeeda ganiisa, deaba iyyeenya sibanga, geaba samwagu ea ginealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloolla ghuusiga emoojiga mwaatkwa.

1 Goriinto 7:19

Beatta ghasmeahooda mii gili ak siida meayaada ghasmeahooda ea mii gili, geaghus ging'ng'ooyda digheanda Aseetta.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Efeeso 6:19

ak gwasnu earaba heedeanyu, ak abeeda ghammuuschi darukuta iyajaachchi ghuutteanyu ak gearukuti makcheameeda funyaat bea giijasta miy,

1 Goriinto 4:1

Nii gidagasa ghwadaaktaneasa siida gil, gideaba geewooschi soomjooga Gristo ea fuga siitteaga gadiyeeda funyaat bea Aseetta.

Ruumi 16:25

Asi ghamneawa siitta ammu goomajeegeegwean, aba gitteascheetta sea giijasteanyu miy ea gissurukkwiideayda Yeesu Gristo, ak gwadeaschi sea gidaheachta makcheameetta ghayi funyaat ng'eada deaghayi bea garayiin,

Ruumi 11:25

Asi awosa milmili aba ghwarjeedeang'wa, geagasayi anala gili funyaadiin, fuga eaduupcheewi: nihidu hang'ooynatta badahuukka fuga Israeeli, ea ghwahitta monneeda Emoojiga hidu.

Mattayo 21:19

Ghwadaah shaboogheechcheanda mida ghuutta naweeda, ak gaweesa, ama hitta heeda ghwadaa mandeawana haghweega geaghus seenga akghwahit. Ng'atta gwayeeshsha geetta, “Adagudijiili haghweega ea ghoaw gweannyeekka manda mudeanooda!” Ghaghajamiit geettida aba geeshangiga.

Mattayo 13:11

Ghwasha nea gwayeeshsha saawa, “Agooga sugooneegwa nalooda makcheameeda sugoochcheandumeeda humng'eeda, nea saawa ea miyeattaw.

2 Goriinto 12:11

Nadashahiichchi! Ak ghoanung' agooga dasnu, ak gahaguuwan gideaba gajagwarsean agooga. Aba gideaba meawosi mwanang'eawa giijasoodiga suurja hees, earappeadi meawosi giliin.

1 Goriinto 14:39

Asi fuga eaduupcheewi, asna badiida ak googasayi muuchchi ramooranda ng'asheega, nea adoaheawi fuga baloola iit nuut;

1 Goriinto 8:4

Hean aba iitta agitta hamitta siittaw haleanjeeda mawosa aseetta, geanalli gideaba, “Gidamawosa aseetta mayghwashng'u,” ea gideaba manda Aseetta nuut geaghus akkalealla.

Gadiyeeda Giijasoodiga 13:1

Asi jeeda ganiiseeda Antiyokiya abeeda gwanda sibanga, ea ginealshoodiga, nea geaba Barnaba gil, ea Simoneeda suguura siittuw, ea Lukiyoyda ng'eanyiida Gurene, ea Manaeni dea ghayi hissaheeda aba gheeda sugoochcheanda suguura Herode ea Saulo.

Ruumi 15:14

Asi neasikteawi aniini iitteang'wa, fuga eaduupcheewi, gideaba earagooga goondeawi alooheeda haw, ak ghwanyiideagwa fughareenga sean, ak ghoammuuschi oattoabiiwa geat.

1 Goriinto 11:4

Ng'eedeeda wassean moora Aseetta, ghana gwaramoorani ng'asheega nea gwadukuta uhuudaannyi, ghoabwaaspwaas uhuudaannyi,

1 Goriinto 13:8

Bariinyeega manda mudeanooda; nea iimida ramooranga gayghang'atta; gwasnu eara iitta emoojiga, gaygammuudean, ama mida fughareeda gayghang'atta.

1 Goriinto 14:4

Siida baloola iitnuut goomajeek geaw niny, nea siida rukku ramooranga goomajeek ganiisa.

1 Goriinto 14:29

Nea sibanga ea dabaloola nea iyyeenya ghanea samwagu, ak ea dasikteawana ng'asheega surgu.

1 Goriinto 15:51

Asi ng'ulla gearukuneegwa agooga makcheameeda. Aseasa majeemeewwa sean, ak gajeayameesa eesasean,