1 Goriinto 13:12 - NEAJEEDA EESH BEA BUUNEESSEAN

¹² Aba gideaba ghamneawa geeng'ulli geat giyooh aba jeeda misaneeda, nea damandida gaygwaroonnyi gheanyangaasa. Asi ghamneawa ghaanalli aba meatkweenagi; damandida gajadanal muuchchi, aba gideaba Aseetta ghwanalan muuchchi.

Bibliyeeda Ghaydit

¹² Aba gideaba ghamneawa geeng'uli geat giyoo aba jeeda misaneeda, nea damandida gaygwaroonyi gheanyangaasa. Asi ghamneawa ghaanali aba meatkweenagi; damandida gaydanal muuchi, aba gideaba ASEETA ghwanalan muuchi.

1 Goriinto 13:12 Referans Kwoze

1 Yohaana 3:2

Oorjooga abwariinnyi, asi ghamneawa suwoschi diibiga Aseetta; ak ea miighwadaajiit gichchea ewuurjeewana, ak geanalli gideaba ihidu gajeewuurjeewana niny, aba gideaba gajeadaaha giduurji.

2 Goriinto 3:18

Hean aseasa eesasean, aba gheamamda meedukuta, ng'ulla gigheambiitta Ng'uttamiida, siyam gawuurji sea niny ghang'eada gigheambiitta ea gagul gigheambiitta; aba gideaba ng'asheanji gwaleabu heeda Ng'uttamiida was Gurorooda.

Filippi 3:12

Ak ea mii gideaba naanyaschi ghana gideaba neawoschi hidaat gil; geamajeekchi badiida danyas ak ghoaw deanyu, aba gideaba ninung' Gristo Yeesu doaw siidaannyi.

Giidaheechta 22:4

ak gayghwadaa gheamamdaannyi, nea gheawungaaschi gaygwanda gheamanunatka nyaawa.

Yakkobo 1:23

Nea siida ibeachchi iing'da ng'asheanda akghwahit, nea ghanyea masna, siisi abeeda gawuurji siida ng'ulla gheamamdaannyi aba jeeda giyoo;

2 Goriinto 5:7

aba gideaba geabeawi masaweega, nea meabeani deakta.

Mattayo 5:8

Ghang'wana fuga mideawa guroruunatka miyaas, aba gideaba gayghwahitta Aseetta.

1 Goriinto 8:3

Nea siida iibwariiy Aseetta, abeeda siisi ghwanal Aseetta.

Ruumi 8:18

Aba gideaba ghaanung' ghoaw sawanadeen bea ghamneawean gili mii gili iyeahiimnyeadi sea giigheambiitta numuji jea eettahaachneasa.

Mattayo 18:10

Ang'ulla! Adiiduw goofoolli earagi aba jeedeaba suu manang'iin, asi geayeeshshineegwa aba humng'eeda malaykajeega nyaawa iissa gang'ula galeegasean gheamamda Bwaabwa mida humng'eeda. [

Yohaana 10:15

gidanaldanaan Bwaabwa, ghaanalli Bwaabwa; aniini ghaghaashti eaweegeasu appadahuukka gisilga.

1 Goriinto 13:11

Ghayi nea guttawos jeepta, iissa geabalooldi jeepta, ak geattemsheatti jeepta, ak gwadeenna fughareedeanyu dea jeepta; hean nea geeheedu doaw ng'eedeeda, ghaanung'waadi ng'asheega jeepchcheandumeeda.