1 Goriinto 13:1 - NEAJEEDA EESH BEA BUUNEESSEAN

¹ Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda anaahuuyi gharinnyeanda ajuuri ea deebajeanda was moonngeanda.

Bibliyeeda Ghaydit

¹ Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda ea naahuuyi gharinyeanda ajuuri ea deebajeanda was moongeanda.

1 Goriinto 13:1 Referans Kwoze

1 Dimotteo 1:5

Gidasibaysiina digheanji ea bariinyeega leabu jeedeesh ea ng'asheega rinna ghuuta miy gil ea masaweega manda gimitunoodabwageaw.

1 Betro 4:8

Appadaydeaba suu seaniin asna badiida muuchchi ak ghoabwariinyi geat, aba gideaba bariinyeega gwadukta ring'eega saang'a.

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

1 Goriinto 13:8

Bariinyeega manda mudeanooda; nea iimida ramooranga gayghang'atta; gwasnu eara iitta emoojiga, gaygammuudean, ama mida fughareeda gayghang'atta.

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

1 Goriinto 8:1

Asi ghamneawa aba iitta hamichchoojiga siittaw haleanjeeda mawosa Aseetta; geanalli gideaba “Aseasa easasean gendeawi fughareeda.” Fughareeda iissa ghaghwar geaw, nea bariinyeega iissa gwadeegu.

2 Betro 2:18

Aba gideaba iissa gwargu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

Ruumi 14:15

Iiduw oorjeeda giyeang'wa iisawana ea gagiisan appadayda hamitta iyaagi, abeeda eamudumidana jeeda bariinyeega. Adiiduw gubwari siida darari aba hamittaang'u iyaagi nea siisi ghayi ghami Gristo appadaydaannyi.

Mattayo 25:45

Ak gaygwayeeshsha niny, gaydayeeshshineegwa, ‘Aba huumwa, ghayi iissa iyoaheawi asissiina ng'asheesu siyagi aba jeedeaba orjoosu manang'iin, abeeda ghoaheawi asinnean aniini.’

1 Goriinto 12:8

Aba gideaba siyagi aba Gurorooda geattaw gwarukku weaghuumeeda, nea geattaw nuut gwarukku ng'asheega aba fughareeda aba gidabwariiyda Gurorooda,

1 Goriinto 12:16

Ama ayi iitta, “Aniini meawosi gheang'da, ak ea meabeahi saseeda,” nii mii gidamaygabeaheewa saseeda gil.

2 Goriinto 12:4

ak gwandeawa haleanjeeda meammu eergu, biissa ea moommu siida rukunooda.

Marko 16:17

Ak abeeda eara gwadeagooda gaygodeaydooschi Fukka mideawa masawegean, aba gheawungeasu gaygoruutta meangeeniga ak gaygabaloola iit nuut.

1 Goriinto 12:10

nea nuut geattaw gadiyeeda jea gwasna ng'asheega deamdeameedi, nea nuut geattaw sibaneandumeeda, nea nuut gooheeldooschi gurooruunatka, nuut heeluutka ghuusiga emoojiga, nea nuut geattaw rooppiideayda ghuusiga emoojiga.

1 Goriinto 14:2

Aba gideaba siida baloola iitnuut meabaloola buuneeda goobalool Aseetta; aba gideaba manda siida nal ng'asheagaaschi, niny gwarukku makcheameeda funyaat aba jeeda Gurorooda.

1 Goriinto 14:4

Siida baloola iitnuut goomajeek geaw niny, nea siida rukku ramooranga goomajeek ganiisa.

1 Goriinto 14:5

Ak geagasayi aniini gideaba gajabaloolana iit nuut, nea ghwaraanya muuchchi gideaba gajaramoarana. aba gideaba siida ramoorani ahaweewa siida baloola iit nuut, geaghus gwarooppu siinuut, ak abeeda geemmajeek ganiisa.

Giidaheechta 14:2

Ak ghaayiinyi nyeashta nyaasha humng'eeda uurji nyeashta beega saang'a ak gawuurji nyeashta gighweendandeeda haw; ak nyeashi ayiinyiin gawuurji nyeashta fuga gidondoorajeega las gidondoorajeega nyaawa,