1 Goriinto 12:10 - NEAJEEDA EESH BEA BUUNEESSEAN

¹⁰ nea nuut geattaw gadiyeeda jea gwasna ng'asheega deamdeameedi, nea nuut geattaw sibaneandumeeda, nea nuut gooheeldooschi gurooruunatka, nuut heeluutka ghuusiga emoojiga, nea nuut geattaw rooppiideayda ghuusiga emoojiga.

Bibliyeeda Ghaydit

¹⁰ nea nuut geataw gadiyeeda jea gwasina ng'asheega deamdeameedi, nea nuut geataw sibaneanduumeeda, nea nuut gooheeldooschi gurooruunatka, nuut heeluutka ghuusiga eemoojiga, nea nuut geataw roopiideayda ghuusiga eemoojiga.

1 Goriinto 12:10 Referans Kwoze

1 Goriinto 14:39

Asi fuga eaduupcheewi, asna badiida ak googasayi muuchchi ramooranda ng'asheega, nea adoaheawi fuga baloola iit nuut;

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

Marko 16:17

Ak abeeda eara gwadeagooda gaygodeaydooschi Fukka mideawa masawegean, aba gheawungeasu gaygoruutta meangeeniga ak gaygabaloola iit nuut.

Galattiya 3:5

Aseetta goneegwa Gurorooda Ghaydit, ak gwasin ng'asheega deamdeameadi aba jeedeang'wa, gwasin ng'asheesu aba sinooda deaweeda, ghana gideaba ghwayiiy aba masaweega?

Marko 16:20

Hean gaweay Ginealanga ng'eanyiissean nea gwarukkwiida Giijasta Miy. Gwasin Ng'uttamiida gadiyeeda sea saawa ak gomajeek Giijasi aba gwadeagooda adeaydooschi saawa.]

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

1 Desaloniikke 5:20

adofoolli ramooranga,

1 Goriinto 13:8

Bariinyeega manda mudeanooda; nea iimida ramooranga gayghang'atta; gwasnu eara iitta emoojiga, gaygammuudean, ama mida fughareeda gayghang'atta.

Ruumi 15:19

aba uurda gwadeagooda ea ng'asheega deamdeameadi, aba uurda Gurorooda Ghaydit, nea gwaneayeewa ng'eanyiissean ghang'eada Yerusaleemu ea geeng'oojiga ea ghwahitta Ihiriko ak gearukkwiidi Giijasta miy bea Gristo,

Ruumi 12:6

Asi ii nukwa geegoaneasa haleanjeeda heelleat aba dagheerjeandumeeda sigooneasa, asi eegadiyeatta: ea sibaneandumeeda gil, aba gitteenna masaweegaasa;

Gadiyeeda Giijasoodiga 19:6

Iiduw nea ghwayiin Baulo geattingaaschi iheenga nyaawa, gaba niishuubeesa Gurorooda Ghaydit; ghang'eat gaba niibaloola iit nuut nea gwaramoorani ng'asheega.

Gadiyeeda Giijasoodiga 11:28

Hean ghamiinaada siyagi aba jeedeaba fukkeanji suguura Agapo ak gwargu ramooraneadaannyi aba uurda Gurorooda, gideaba gayghang'eat geejeeda ng'waan aba muunda ng'eanyiida sean; ghang'eada damanda waseewa Glaudio sugoochcheanda.

Gadiyeeda Giijasoodiga 5:3

Ghwalamda Betro ak gwayeeshsha, “Ananiya ghwasaan andaginung' goobal guroroadaang'u Shattaani ea ghwanung' reenganna Gurorooda Ghaydit ak gifunyi haleanjeeda mwaatkwa bea madamnyeandean?

Gadiyeeda Giijasoodiga 1:8

Ak gajanyasa uurda iiwuh heedeang'wa Gurorooda Ghaydit; ak gajahuuwa muushoodigeasu aba Yerusaleemu ea Yuudeeyeessean ea Samariya ea ghoaw muudeanooda ng'eanyiida.”

Yohaana 16:13

Amahidu Gurorooda huumeanda gayghoadoabiweagwa ea ghoahittaneagwa jeeda humeanda sean, aba gideaba maygabaloola gheambalmeadaannyi, niny gaygwarukuneegwa ng'asheega iiy ak gay gwarukuneegwa ng'asheega jea ghwahidu.

Yohaana 14:12

Aba huumwa, aba huumwa, geayeeshshineegwa, siida mwasan gaygwasin gadiyoojusu easinnyi aniiniin; asi gaygwasin eara gadiyoojiga hees muuchchi, aba gideaba aniini geawi heeda Bwaabwa.

Lukka 24:49

Ang'ulla, geayeaneegwa heelleeda Bwaabwa; asi oppiidana mujiineeni ea egoneegwa uurda leabu humng'eeda.”

Ebraniya 2:4

nea Aseetta gamuuwwu aba gwadeagwajeega ea ng'asheega haloodi ea deamdeamanga saang'a, ea gidaguh Gurorooda Ghaydit ak gwalakkuuneasa aba gidagassiida niny.

Gadiyeeda Giijasoodiga 11:27

Aba eawoojikka ghapka sibanga leabu Yerusaleemu ea ghwahidu Antiyokkiya.

1 Goriinto 11:4

Ng'eedeeda wassean moora Aseetta, ghana gwaramoorani ng'asheega nea gwadukuta uhuudaannyi, ghoabwaaspwaas uhuudaannyi,

1 Goriinto 14:13

Asi, siida baloola iit nuut ea damwaasha Aseetta eattaw rooppiideayda.