1 Goriinto 1:9 - NEAJEEDA EESH BEA BUUNEESSEAN

⁹ Aseetta ea doabiiwaat, was deaghayi gurneegwa ak abeeda gobareannyeewi Balleandaannyi was Yeesu Gristo was Ng'uttamiideanya.

Bibliyeeda Ghaydit

⁹ ASEETA ea doabiiwaat, was deaghayi guurneegwa ak abeeda goobareanyeewi Orjeedaanyi was Yesu Gristo was Ng'utamiideanya.

1 Goriinto 1:9 Referans Kwoze

2 Desaloniikke 3:3

Iiduw Ng'uttamiida ea doabiiwaat; jea gomajeegideegwa nea ghoahaghwaneegwa aba diitta muyiin.

Ebraniya 10:23

Gagasa eang'ng'waanya muuchchi duukkuunooda sirarji nea mwabealbeala, aba gideaba siida rugu nea gohelleesi ea doabiiwaat;

1 Yohaana 1:3

gitta ghayi sidaayi ak geayiinyiin geerukuneegwa earagooga ak abeeda geebareannyi sea aseasa; nea bareannyeedeanya gwanda heeda Bwaabwa ea heeda Balleandaannyi was Yeesu Gristo.

1 Goriinto 10:13

Manda simsimda ninyaseagwa agooga mawosa dea geallaan aba heeda siida. Aseetta doabiiwaat, nea niny ea mayghwanung'waada eesmeegwa ea ghwanaawa uurjeengeagwa, earappeadi jea eesmeegwean gaygwasin naweeda jea aritteawana ak abeeda ghoammuuschi arjeang'da.

Ruumi 8:28

Ak geanalli gideaba aba jeeda ng'asheega sean iissa gwasin Aseetta gadiyeeda miy sea fukka bwariiy ninyiin, fukka ghayi suguursa aba gidagassiida ninyiin.

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraseedeesh! Nea gwanda badaydaannyi siida suguura Doobiiwnatta ea Huumwa, ak niny aba doobiiwnatta goorgweaksa nea gwasin ng'uchcheeda.

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

2 Goriinto 1:18

Nea aba huumwa aba gidadoabiiwaatta Aseetta, ng'asheandeanya aba heedeang'wa ea mii Eah gil ea Manda.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

1 Yohaana 4:13

Abaa seareani geanalli gideaba geeppiidi jeadaannyi, ak eara niny gwanda jeedeanya, aba gideaba nugoaneasa Guroroadaannyi.

Ebraniya 11:11

Aba masaweega eara Saara ghwanyas uurda jea gagweayiida, earappeadi ninaawuda gweannyeakkaaschiin, nea ghwanung' ghoaw niny siida doabiiwaat mideawa helleesiinda.

Ruumi 9:24

meakghusa fuga Yahuudi ak ghwahit, gaguursa eara fuga Emoojiga.

Ruumi 8:30

Amaduw fukka ghayi bay ghwaloat ammwadiin, iiduw earaga siguursa, amaduw fukka guursean hean ghoadaw nea fukka adaw doobiiwnattean ghoadaw gigheambiitta.

Galattiya 2:20

Geengooran sea Gristo, ak geawoschi majeek ak ea mii aniini gil, Gristo eamajeek aba jeedeanyu, ak majeeknatta eandeawi ghamneawa aba saseeda, geandeewi aba masaweega Balleanda Aseetta, dea bwarinyan ak gabeagu eaweegaaschi aba badaydeanyu.

Ebraniya 3:14

Aba gideaba geguuyeesi Gristo, iisibeachcheewi gideaba geang'ng'waanyi muuchchi gitta sisikteawi ammwadiin ea gagul muudeanooda,

2 Desaloniikke 2:14

Aba nii ghayi guurnaneegwa aba naweeda giijasteanya miy, ak abeeda ghoanyaschi gigheambiitta Ng'uttamiideanya was Yeesu Gristo.

Yohaana 17:21

ak abeeda ghwoaw fiisu gilagi; gawuurji gidindeatti jeedeanyu ang'iing'i Bwaabwa, nea geandi aniini jeadaang'u, eara saawa gobiida jeedeanya, ak abeeda ghamwas ng'eanyiida gideaba guwosi siida ghayi ajeaknean.

Ditto 1:2

Aba jeeda rarooda eaweega manda mudeanooda, aba heeda Aseetta moammu gwanaba ng'uyyeega, sibean eheelleesa gweannyeekka goolla ghang'tta

Efeeso 3:6

nea gideaba, fuga Emoojiga fuga jea gwahearaniischi gil ea aseasa aba hearaniischoonagi, nea gaba saseanagi, nea geeguuyeesi heelleesindaannyi mida jeeda Gristo Yeesu aba naweeda Giijasta Miy.

Ebraniya 6:18

asi aba jeemba haleanji iyyeenya moammu ghwayamwa, nea aba jeedeaba suu ea moammu gwargu Aseetta ng'uyyeega, aseaseeda mang'aw gasa heechchea gamng'awusa abeeda ghwanyas gimajeekta ak ghwanyas rarooda ghayi siyiin madeedeanya.

Ebraniya 3:1

Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.

Ebraniya 2:17

Asi gajeenung' gawuurji sea fuga duupchi aba gheatkweakka sean, ak abeeda ghoaw siida bayyiida buuneeda ea dea doabiiwaat was ashoohoochcheanda haw bea gadiyeeda Aseetta, ak gaygohuun ring'eeda buuneeda.

2 Dimoteo 1:9

dea ghayi lealneasa ak gaguurneasa aba guurnooda ghaydit nea nii ea mabaysiina aba gissisinyi aseasa ak nii gabaysa ninyi ea dagheerjeandumeedaanyi. Dagheerjeandumeani geegooneasa aba naweeda Gristo Yeesu nea miyeebwat ng'eanyiida.

Mattayo 24:35

Humng'eeda ea ng'eanyiida gayghang'atta, amaduukku ng'asheegeasu ea mayghang'atta eara hay.”

Galattiya 1:15

Hean iiduw nea niloadaan Aseetta nea miyeejiilan, ak gaguurnean aba dagheerjeandumeadaannyi,

1 Goriinto 10:16

Bayooktida bea ghawooda sippareannyi aba ghawoodean, heappi mii giibareannyeeda foojeanda Gristohi? Ama mukkateeyda subwanajaadi mii giibareannyeeda saseeda Gristohi?

1 Goriinto 1:30

Niny gumdooda eaweegeagwa gil aba jeeda Gristo Yeesu, ghayi nung' Aseetta ghoaw weaghuumeedeanya, ea doobiiwnatteanya ea gimmiinnooda, ea lealeanooda;

Ruumi 11:17

Nea damealga mwaatkwa iisihirjeaweada, ama ang'iing'eeda was maseytunajeanda dareabeetta, sing'eapsa bugusta nyaawa, ak goobareannyi baruureega geetta sabiibu asi damealga adoaghwarji geat.

1 Desaloniikke 2:12

ak ghoabeadi gidahaguuwdaneegwa aba madeeda Aseetta, ghayi guurneegwa agooga ak abeeda goweayi jeeda sugoochcheandumeadaannyi ea gigheambiittaannyi.

Golosaayi 1:24

Ak ghamneawa geang'weelayi aba sawanadeeda anyaschi appadahuukkeagwa, nea aba saseedeanyu ghahiichchi giikka shoodaan aba sawanadeeda Gristo appadayda saseadaannyi, nea ea ganiisa,

2 Dimoteo 2:13

Nea aseasa imeawasi doobiiweadi, ninyi doobiiwnattaanyi ea maygoosha. Aba gideaba ninyi mwayghaheawa geaw.”